Read BORANA BIBLE – KITAABA WAAQA Qarooma Solomoni 3 Bible Online

Qarooma Solomoni 3 - BORANA BIBLE – KITAABA WAAQA bible

Qarooma Solomoni 3

¹Ammo lubbu worra d'ugaa qajeela Waaqati harka qaba, inni eegi duule gaargala womatu inargatu.

² Daalleeni waan sehu, yo nami d'uga qajeelani duu, dua suni waan hamtu seha.

³D'uguma worri nu bira deema, ammo wonti sunini waan hamtuniti worri ya fulla d'ugaa d'aqe gaargali iraa hobae.

⁴Herega nama gula worri waan gaargala argatu fakaata, ammo worri d'aabu guddo qabu ta haga jiru jireenna tauni.

⁵ Gaargali worraa yo eebani wolbira qabani waan diqa. Waaqi aka worqi ibidaani bassani mid'aaguma isii laalani worra laale, aka akasini worra fud'ate nama ufi tolfate, inni akuma sorio worri isa d'ugefatu gube isaa baasu fud'ate, worra fud'ata.

⁷Hojja Waaqi d'ufe worraa d'ugaati waan worraa male kennu, worri akuma qaanqeeni ibida ta ch'idi keesa buusani worra ch'ubbu gubba.

⁸Worri lafafi nama keesa jiru ch'ufa fide, Aabbo Waaqileeni haga jiru jireenna hayyu worraa taha.

⁹Nami Waaqa d'ugefatu, kara isaa ka d'uga inhubata. Nami isaa saalfatu jaalala isaa keesa isa woliini taa, wonti akanatiifi inni nama fohatu naheefi eebisaafi.

¹⁰Ammo worri ch'ubbu gaargala heregi worraa hamani worratini d'ufe argata, waan worri Aabbo Waaqa dide waan d'ugaa qajeeltu yaala baheefi.

¹¹Nama qaroomafi woi barachu didu, waan hamtuti eegata. Inni waan d'aabatu inqabu, hujini isaaleeni woma imbaatu, haga jiru woi hojate woma inargatu.

¹²Niitini inni fuud'u sesega taate, ilmaani isaaleeni karmura taate,

¹³d'alooti isiileeni abaarama. Guyya qorsuma Waaqi niiti taka ind'alini ta d'iirsa male nami d'ibiini bira ingaini waan isii male kenneefi akasini gammachiisa.

¹⁴Guyya suni nami kolosanileeni yo inni Seera Waaqa guute waan hamtu Waaqi infeene inherenne, eeba argata. Waan inni Waaqa saalfateefi inni waan dansa ilmaani ira jira argata: Wonti sunini fulla gammada ta Mana Waaqa qulqullo keesati.

¹⁵Hujini d'ugaa mukha mid'aani dansa baasu fakaati, qaroomileeni akuma hidda jiid'a ka yo ch'ufa lattu jira.

¹⁶Ammo ilmaani abbaani ind'aalinifi ta ch'abana hagu inteetu yoosu dooti,

¹⁷ato tetele womaatu inheregani, yo worri jaarele insaalfatanifi.

¹⁸Yo worri ijoolluma keesa duele guyya qorsuma, waan d'aabatu ka garaa worra jabeesa inqabu.

¹⁹Ilmaani ch'abana, muummeeni isii gaargala guddaani buufati.