Read BORANA BIBLE – KITAABA WAAQA Qarooma Solomoni 4 Bible Online

Qarooma Solomoni 4 - BORANA BIBLE – KITAABA WAAQA bible

Qarooma Solomoni 4

¹Adabi dansaani ilmaani ira namaa jira. Adaba nama dansa Waaqafi nami d'ibileeni arge, haga jiru jireenna sunifi isa qaabatani.

²Adabi dansaani akheekha nami gula deemu; yo injire nami guddo d'araafi. Haguma duriiti inni waan dansa nami argachu male, taka tanale akasuma. Wonti waan ch'ufa ira dansa ka nami argachu male isuma.

³Yo ilmaani ch'abana haguma feetu lafa ira dabartele, isi womatu inheregani isiini haramu, hidda horate injabaatu.

⁴Worri akuma mukha hidda muyo qabu, ka haga diqa toko baala baase, ammo hojja bubbeeni d'uftu leleqe qariu jira.

⁵Worri aka mukha dameleeni isaa ato inguddanne iraa ch'ach'abt'e, mid'aani isaaleeni haga jirani imbilchaanne, ka woma keesa injire jira.

⁶Guyya qorsuma ilmaani ch'abana, daba worra isaaniiti d'uga taate himti.

⁷Ammo nami d'ugaa qajeelani yo ijoollumani duule boqota argata.

⁸Nama ganna isaa guddinnaafi inulfeesani, ammo beekhaafi hubachati aka inni nama guddate fulla gae garsiisa.

¹⁰Duri nama tokoti jira ka Enoko jed'ani ka Waaqa gammachiise Waaqileeni jaalate, ato inni worra ch'ubbu keesa tau, Waaqi achi isa fuud'e,

¹¹aka dabaafi ch'ubbuuni herega isaa gaargalchite iyakine.

¹²(Nu ch'ufti imbeenna aka nami hameennaani sobame, akanani waan dansa argulle inhubanne. Nami d'ugaa qajeelani, dandae d'araa gula sobame waan fed'u ch'alla herege tolcha.)

¹³Namichi Enoko jed'ani sunini, waan nami d'ibiini ganna ufi d'eera keesati iti bau dad'abe, ganna isaa gabaaba keesati iti bahe qit'ae.

¹⁴Waaqi guddo Enoko jaalate, lafa ch'ubbu suni yoosu keesa baase. Biyyiti aka inni iti d'aabate quba qabdi, ammo gara inni deeme inhubanne ammalle aka Waaqi gumi ufi ta fohate jaalate naheefi eebiseefi qorqoratu imbaranne.

¹⁶Nami d'ugaa qajeelani yo due dabru ch'eera ch'ubbicha lafati hafe mullisa. Nama jaare ka ch'ubbu qabu kaima qulqullicha ch'ubbu inqamneti ch'eerse balleesa.

¹⁷Nama qaro ato inni kaimomaleeni due, ch'ubbichi aka Aabbo Waaqi gaargala keesa baase fulla dansa isa geesu inhubatu.

¹⁸Ch'ubbichi yo nami qarooni duu womatu indaru, ammo hatatuti Waaqi d'iotu isa kobla, inni yo duule awaala dansale inargatu. Ammalle ekheraleni isa miiteeti haga jiru jireenna isa tuffati,

¹⁹Waaqi lafaani isa d'ae, dubbi isa d'owa. Akuma mana yayaba buqisani ona tolchani isale tolchani. Gaargali hamani isa qabate, maqaani isaaleeni yoosu lafa keesa bada.

²⁰Guyya qorsuma ka daba nama ch'ufa hedani, inni guddo mudama; dabaafi amala isaa suniti wollaala iti mura.