Read BORANA BIBLE – KITAABA WAAQA Qarooma Solomoni 5 Bible Online

Qarooma Solomoni 5 - BORANA BIBLE – KITAABA WAAQA bible

Qarooma Solomoni 5

¹Guyya suni namichi d'uga qajeelani ka aka dansa ufi d'ugefatu, worra duri isa dabse huji isaa tuffate kaani dura eja.

²Worri aka inni bahe arginaani guddo nahe hollate.

³Jennaani worri waan tahe kaani gaabe, laalefate bohe waan woliini jed'e:

⁴Nami nu goyeesine iti dabne kaani kuno kana! D'iiro nu akami daallomne bada! Nu waan inni duri tau kaani gula marata isa seene, inni doonanile diqole isa inulfeesine.

⁵Amma me laali inni kuno kana ilmaani Waaqa keesa jira, ammalle gumi Waaqa keesa fulla qaba.

⁶Nami kara d'uga ira gore nuuma, nu d'ugaafi qajeeluma keesa inteenne, ifsaani d'ugaleni taka nuti inifsine.

⁷Nu haguma d'alanne kara Aabbo Waaqa dansa ira gore raasa keesa badii yaana, kara badii suniti nu balleese.

⁸Nu guddo kiyyimne, durooma keennani ufi koorsine, amma wonti sunini ch'ufti mani nu baati?

⁹Wonti sunini ch'ufti amma ya akuma gaandidu dabarte, akuma qilleensa iti d'aabate.

¹⁰Hobolooni d'awa baariini keesa deemti, ammo yo isiini dabarte faanti womatu injirtu nami aka isiini arti baate dabarte beekhu injiru.

¹¹Simpirreeni gubba barifti, ammo faana womatu achiti inargani, isiini ka ejata womaatu achiti illakimne, koola isiitini qilleensa keesa barifti.

¹²T'iyiti yo abbirani darbani qilleensa keesa lit'i ammo fulla isiini seenteni suni madaani womatu injirtu,

¹³nuleeni akasuma, akuma d'alanuni lafa nu d'abani, waan dansa nuni qaabatani tokole ufi dubbati inlakimnu ch'ubbuma teennati nu balleesa.

¹⁴Ch'ubbichi d'aabu maani qaba, wonti inni d'aabatu ch'idi qilleensi fuud'e itini d'aabatu fakaati, yokhaani hoomacha baariini ta d'awani fuute balleesitu fakaati yokhaani aara qilleensa keesa badu fakaati, hagi isi qaabatani haguma idemtu bulte deemtu.

¹⁵Ammo nami d'ugaa qajeelani haga jiru jireenna taa. Aabbo Waaqati waan isaa male kennafi Waaqa guddati worra qorqorata.

¹⁶Inni guddinnaafi ruufa hayyuma kenneefi harka ufi jabaani wonte tahafi.

¹⁷ Inni anini nyaapa kiyya balleesa jed'e lola d'aqe, ammalle uumamale woraana tolche.

¹⁸Inni qajeeluma miha lola tolfate d'uga koofia tolfate

¹⁹qulqullooma wonte jabdu tolfate.

²⁰Inni dallansu ufi qare sheefti tolfate uumami ch'ufti wolti bahe, kalcha isaa tahe nyaapa isaa daalle suni had'e.

²¹Someeti angaasu waan iti abbiraniti qajeelte ch'eete, akuma waan Aabbo Waaqi dumansa guube tolfate t'iya dadarbatu.

²²Bokeeni d'akhaani roobu aka jaba nyaapa isa d'aana, ammalle baariinifi galaanileeni jaala iti olfarqate fach'ae worra balleesa.

²³Bubbeeni hobombolati d'ufte aka ch'idi worra fuute itini d'aabati, seera ch'absitini lafa ch'ufa balleesite, hujini ch'ubbuleeni finna lafa gargalchiti.