Read BORANA BIBLE – KITAABA WAAQA Qarooma Solomoni 6 Bible Online

Qarooma Solomoni 6 - BORANA BIBLE – KITAABA WAAQA bible

Qarooma Solomoni 6

¹Tanaafi duuba isani hayyooti ta lafa ch'ufa mohatu dubbi tiyya tana ch'aqasa ira wobarad'a.

²Isani lafa heddu mohatani, ammalle waan nama heddu fiddanifi ufi koorsitana,

³ ammo jabeenna isani lafaani mohatani Aabbo Waaqa guddati isani keenna. Inni waan isani tolchitanifi waan isani malatani ch'ufa keesa qorqorate hubata.

⁴Isani Waaqafi guddinna isaati jettani hojatani; ammo yo isani kara d'ugaatini nama infinne, ka isani seera Waaqa jabeesitani fed'i isaa gula iyaane,

⁵inni aka taka inargini naasu male tasa isani balleesa. Nama lafa fidu ch'ufa qorsumani isaa ta biyya ira hamtu.

⁶Nama finna lafa harka inqamne naanifi wollaala worra araaramanifi, ammo nama finna lafa harka qabu qorsuma jabduti eegata.

⁷Aabbo Waaqi nama tokole ka d'eetu inqabu ato inni haga fed'u gudda taate. Isumati diqaafi guddale uume. Ammalle ch'ufa isumati wolqit'e fida,

⁸ammo waan hayyooti taatu inni aka jaba laale qora.

⁹Ee hayyoota irre qabdu, anini isanifi dubbi tana t'aafa, aka isani qaroomani woi tolchitani wollaala keesa inseenne.

¹⁰Dubbini tunini dubbi qulqullo yo kara qulqulloomatini laaltani isanileeni worra qulqullo jed'ani. Yo dubbi tana baratani taka tana gaafa qorsuma ufi dubbachu dandeetani.

¹¹Tanaafi amma barsiisa, tiyya tana d'araa barbaada, duuba isiini woi isani barsiifti.

¹²Qaroomi ifse bibiliqa haguma jirule ind'aamu. Nami jaalate barbaadulleeni yoosu iti baa.

¹³Inni nama isa barbaadu yoosu iti ufi mullisa.

¹⁴Nami ganama lafa kae isa barbaadu gaargala male isani baha, inni balbaluma ufi keesati arga.

¹⁵Nami qarooma d'arae herega ufi ch'ufaani barbaadu, hubacha dansa argata. Nami isa barbaadu yoosu nagayati baha,

¹⁶wonti akanatiifi qaroomi nama isa male barbaaduti jira, ammalle inni nama suni fulla inni jiruti iti baha. Qaroomi naasu qaba herega nama ch'ufa keesa namati d'ufa. Yo d'uguma woi barachu feetu qara qarooma argata.

¹⁷Qarooma d'araaitini isa jaalacha,

¹⁸isa jaalachaani seera isaa guutiti seera isaa guutitini aka haga jiru jireenna taani d'uga iti qabaacha,

¹⁹haga jiru jireenna taitini Waaqani wolti nama d'iesiti.

²⁰Qarooma d'araaitini, lafa mohacha nama kurfeesiti.

²¹Tanaafi duuba hayyoota isani yo bokufi barch'uma keesani ka hayyuma ulfeesitani, qarooma guddisa aka haga jiru jireenna lafa mohatani.

²²Anini qarooma waan isaatifi aka inni gad'ufe isaniti hima. Anini waan tokole isani ind'ossu. Anini waan isaa ch'ufa haguma d'aloota isaati asi gula deeme waan isaa nama ch'ufa hubachiise ka d'uga diqole ira ingorre.

²³Anini d'iibicha tae beekha kiyya nama ind'ossu ammo waan ch'ufa diida baasa, wonti akanatiifi qaroomafi d'iibini woliintaani.

²⁴Worri diqole woli intau, yo nami qarooni hedate laftileeni gaargala inqabdu. Hayyuuni wobeekhu lafa ufi aka dansa jabeese fida.

²⁵Tanaafi waan anini isani barsiisu kana barad'a, duuba ira woi argatani.