Read BORANA BIBLE – KITAABA WAAQA Qarooma Solomoni 7 Bible Online

Qarooma Solomoni 7 - BORANA BIBLE – KITAABA WAAQA bible

Qarooma Solomoni 7

¹Aninileeni akuma nama d'ibi nama, lubbu qaba dootileeni na eegati. Anale namuma duri uumani ka biyye ira mid'aasaniti na d'ale. Anini ka abbaafi haati tiyya woliini rafani gudeeda abba kiyya keesa bahe, jia sagali saaba haad'a tiyya keesati uumame.

³Anini gaafa d'alad'e akuma nami ch'ufti d'alatu d'alad'e, akuma worraa hafuura baafad'e, ammalle akuma nami ch'ufti yo qara d'alatu bohu bohe.

⁴Woya nati uyyisani na qorqoratani na guddisani.

⁵Hayyuuni aka d'ibi d'alate guddatu injiru.

⁶Nu nama ch'ufaa kara tokoti jira ka jireenna lafa tanatini d'ufani, ammalle akasuma kara tokoti jira ka lafa tana ira deemanini.

⁷ Anini aka namaani takaa hubannaani Waaqa kad'ad'e, jennaani hubacha naa kennani, qarooma argad'e.

⁸Anini barch'umafi ruufa hayyuma ira isa jaalad'e duroomafi innileeni waan wolbira qabaniniti, ch'ufa isati ira jira.

⁹D'akhaayeeni ch'uch'ulut'uleeni haga isaa ingeetu; yo qaroomani wolbira qabani worqileeni haguma maansa harka toko, ammalle qarsileeni haguma biyye faarati.

¹⁰Anini fayyaafi mid'aaguma ira qarooma jaalad'e, ifsaani isaa haga jiru ind'aamu, anini ifsa isaa suni ifsa ch'ufa ira jaalad'e.

¹¹Gaafa qaroomi nati d'ufe, inni waan dansa ch'ufa woliini d'ufe durooma muumme inqamne naa kenne.

¹²Anini hori suni ch'ufa guddo jaalad'e, wonti akanatiifi qaroomati naa kenne. Anini qara taka inhubanne aka wonti kunini ch'ufti qarooma ira baatu.

¹³Anini garaa tokooni qarooma ira woi barad'e, duuba amma waan barad'e suni gammadaani namaa qooda.

¹⁴Nami madda qarooma gossu injiru. Madda isaa suni worabad'a duuba jaala Waaqa taatani; Waaqileeni waan atini qarooma ira baratu imaacha.

¹⁵Waaqi aka ufi fed'u na dubbise, herega waan inni naa kenne male, naa kennina. Nami qarooma qorqoratu isuma inni nama qaro inqajeelcha.

¹⁶Nu isuma jala jira, nu taanaani, dubbi teenna taanaani hubacha teenna taanaani hoguma teennale taanaani.

¹⁷Nami hubacha d'uga ta waan lafafi gubba jiraati naa kenne isuma: aka lafti uumama gula jirtu ammalle aka wonti isi keesa jira taatatu

¹⁸aka deemma adu gula guyyaafi ayyaani mare, baraafi woggaleeni marte urjifi bakalchileeni maru.

²⁰Ammalle wonti d'ibiini inni na barsiise tana: Aka bineensafi horini ch'ufti d'aloota gula jiruufi, ammalle aka bineensi ala fidamufi irre qilleensatifi qalbi namatifi mukeeni gosa gosaatifi, hidda mukha ka qorsa tolfatanile.

²¹Anini waan qara beekhaanifi waan nami duraani imbeennele barad'e,

²²wonti akanatiifi qarooma ka waan ch'ufa d'aaba iti tolche mid'aaseti na barsiise. Qarooma keesa qulqullumafi qalbiti jira, inni waan lafa tana keesa jira ch'ufa iraa gora, ammo kara hedduuni ufi garsiisa. Isa waan tokole ira imid'aasine, ammo fuluma fed'u deema. Inni qulqullo diida taa woma insodatu, ammalle dandaani woma intolchani, inni waan dansa jaalata. Ammalle qara qaba dandaani indabstani,

²³naasu qaba ammalle nama ch'ufaa jaala. Inni waan d'aabatani ammalle fulla tokolee inchochu, yaada womatu inqabu, inni waan ch'ufa ira irre qaba waan ch'ufale inarga. Inni nama qulqullo qalbi qabu ch'ufa seene, ato inni lafale taate.

²⁴Qaroomi waan deema ch'ufa inqolcha, inni guddo qulqullo, tanaafi waan ch'ufa seena.

²⁵Inni hafuura jabeenna Waaqa, waan qulqullo bibilit'u ta Waaqa gudda keesa baate. Wonti t'uri qaba tokoleeni dandeete qarooma keesa inseentu.

²⁶Inni fakeenna ifsa jiru jireenna, daawiti qit'e jirtu ta huji Waaqatifi dansooma isaa garsiiftu.

²⁷Qarooma ato qofaalle hojate waan ch'ufa inguuta. Inni ato ufi haga jiru jijiramulle baate waan ch'ufa haraa tolcha. Inni haguma duriiti d'aloota ch'ufa keesa qalbi nama qulqullo seene, jaalafi raaga Waaqa tolcha.

²⁸Waaqi haga nama qarooma qabu jaalatu waan tokole injaalatu.

²⁹Qaroomi adufi urjifi bakalcha ch'ufa ira mid'aaga. Inni ifsale ira dansa,

³⁰wonti akanatiifi halkani hojja ch'ufa guyya gula d'ufani ammo hameenni haga jiru qarooma indabsatu.