Read BORANA BIBLE – KITAABA WAAQA Qarooma Solomoni 8 Bible Online

Qarooma Solomoni 8 - BORANA BIBLE – KITAABA WAAQA bible

Qarooma Solomoni 8

¹Jabeenni isaa lafe keesa fulla ch'ufa gahe, inni waan ch'ufa qajeelcha.

² Anini gaafa kaima qarooma jaalad'e, kad'ad'e aka dubra, fuud'u fed'e, ammalle mid'aaguma isaa guddo jaalad'e.

³Inni Waaqa abba waan ch'ufa ka isa jaalatu woliini tae akasini d'aloota isaa guddise.

⁴ Inni beekha Waaqa ka nama d'ossani beekhe, waan Waaqi tolchu qarqaare qajeelcha.

⁵Lafa tana irati duroomi dansa? Wonti tokoleeni ka qarooma, ka waan ch'ufa hojachiisu ira si duroomsu injiru.

⁶Beekhi waan dansa nami qabaachu male? Ee, wonti tokoleeni ka qarooma ka waan ch'ufa mid'aase d'aaba iti tolchu ira dansa injirti.

⁷Ee, isani d'ugaa jaalatu? Wonti kunini ch'ufti waan qaroomi tolche; d'ugaafi jannoomafi obsaafi hubachaani. Waan waan kana ira jira lafa tana irati inargatani.

⁸Isaani fulla ch'ufa deemtani waan kana barachu feetani. Qaroomi waan duri tahe beekhe, waan taka tanale ch'ufa duratu hubata. Inni jecha nama hime, mammaasa nami waan isaa beekhu dad'abelle diige nama beesisa. Inni waan mama ka Waaqi tolchu fed'ule durati beekhe, ammalle baraafi woga waan isiini iti deemtu beekha.

⁹Tanaafi anini aka qarooma worratini galad'e woliini teennu heregad'e: wonti akasitifi anini imbeekha aka inni na gorse guyya laalatifi ka gaargalale garaa na jabeese na kibu.

¹⁰Anini herege waan jed'e, Fulla nami woliwoldau ch'ufati na ulfeesani, ato anini kaimale taate jaaroleeni naa saalfati.

¹¹Worri aka dubbini tiyya qarooma qabdu arge, nami lafa fiduleeni na jaalata.

¹²Yo anini ch'allisu worri aka anini dubbad'u eega, yo anini dubbad'ule aka dansa na ch'aqasa yo anini dubbacha oolele worri afaani qabate na ch'aqasa.

¹³Maro qaroomatifi lubbuuni tiyya d'eerate, nami eege tiyya d'ufuleeni haga jiru jireenna na qaabata.

¹⁴Anini lafafi gosa keesa jirtule fide,

¹⁵hayyuuni dabaani nama fiduleeni yo maqa kiyya d'agayu mudame hollata. Anini akuma hayyu dansaatifi aka askarti janna gurra baafad'a.

¹⁶Anini yo qaroomani woliini teennu boqota argad'a, wonti akanatiifi nami isaani woliini tau wolindidu yokhaani woli ind'abu, ammo gammadafi qilit'amani woliini taa.

¹⁷Duuba anini tae waan kana herega waan jed'e, nami qaroomani wold'aqu haga jiru jireenna taa,

¹⁸nami isa jaalatu gammada gudda qaba, nami huji isaa hojatu hubacha argata, ka isaani haasau ulfinna argata. Anini fulla ch'ufa deeme aka isa argad'u barbaade.

¹⁹Anini gaafa ijoollele adaba dansa qaba, ammalle milki tiyyati amala dansa naa kenne. Akasi jechaani maro dansuma tiyyatifi nafa mid'aagale naa kennani.

²⁰Ato akasile taate, anini aka qarooma Waaqa male nama d'ibi ira inarganne hubad'e, aka isa Waaqi namaa kennu beekhitini qarooma toko.

²¹Tanaafi anini garaa tokooni Waaqa kad'ad'e waan jed'e: