Read BORANA BIBLE – KITAABA WAAQA Qarooma Solomoni 9 Bible Online

Qarooma Solomoni 9 - BORANA BIBLE – KITAABA WAAQA bible

Qarooma Solomoni 9

¹ Ee abba naasu Waaqa ababoota tiyya, atini jecha keetini waan ch'ufa uumte.

²Qarooma keetini atini nama uumte, aka inni waan uumani ch'ufa fide,

³lafa qulqulloomafi d'ugaani mohate, d'uga gula dubbi muru.

⁴Qarooma ka fulla tante ta guddinnati bahu naa kenne. Ilmaani tanteti na heregi.

⁵Anini tisse teeti akuma haati tiyya duri tisse teeti. Anini namuma, jabeenna inqabu, guyyaani kiyyaleni gabaaba. Anini waan seera keeti woma diqo beekha, aka seera suni gula dubbi murulle guddo imbeekhu.

⁶Yo nami haga fed'u qulqullo tahe, ammo qarooma gara keeti bahu inqamne woma keesa injiru.

⁷Atini nama ch'ufa lakifte aka anini hayyu gumi teeti tahe, ilmaani tante ta d'iiraatifi ta dubra mohad'u na fohate.

⁸Atini gaara kanke qulqullo irati mana naa jaari jette, ammalle dira Yerusalemu ka atini fohate keesati fulla sorio iti qalani naa mid'aasi nani jette, Mani sunini mana atini duri gaafa qara gubbati mid'aasiteeni wolfakaata.

⁹Qaroomi fulla teeti d'ufa inni huji teele imbeekha; gaafa atini lafa uumtele inni inuma jira. Inni waan si gammachiisatifi, waan d'ugaatifi ammalle waan seera kanke gula qajeela beekha.

¹⁰Gubba fulla qulqullo atini teetu qarooma gabuusi, aka anaafi inni woliini hojanne aninileeni waan atini jaalatu hubad'u.

¹¹Inni waan ch'ufa beekhe hubata, ammalle waan anini tolchu ch'ufa keesa qaroomani na qajeelcha, guddinna isaatini na qorqorata.

¹²Duuba akanani anini gumi tante d'uga gula fide, hujini tiyya si gammachiifte, akasini barch'uma hayyuma ka anini aabbo ira d'aale ka naa male biyya garsiise.

¹³Eennuti dandae heregafi fed'i Waaqa haga jiru beekha?

¹⁴Heregi nama waan suni dandae imbeekhu, ammalle mali keenna nu balleesa.

¹⁵Ammalle nafi kennaleeni lubbu teennati ulfaate gadi miich'a, nafi keennaleeni woma keesa injiru hagu intau, qalbi teenna ta woi hereddule iti ulfaate balleesa.

¹⁶Waan lafa tana ira jira yo mala d'oomnu male waan isii imbeennu; waan nuti d'iatule gaargala male iti imbaanu, yo akasi taate eennuti dandae waan gubbaa hubata?

¹⁷Nami tokoleeni fed'i tante taka imbaranne, yo atini qarooma isaa kennite, lubbu tante qulqulloole isaa gadi ergiteefi male.

¹⁸Kara kanaani nama lafa ira jiru ch'ufa daandi qajeelumati deebisani, worri waan si gammachiisa barate, qaroomileeni nagaya worra kenne.