Read BORANA BIBLE – KITAABA WAAQA Sira 1 Bible Online

Sira 1 - BORANA BIBLE – KITAABA WAAQA bible

Sira 1

¹MATA DUBBII Kitaaba qarooma Yoshua ilma Sira kana namicha Yoshua (Yeso) jed'ani tokoti duri afaani Ebraniatini t'aafe, duuba eege gurbaani akhaakhu isaa toko afaani Grikiti gargalche. Kitaaba kana keesa qarooma Yahudi ka duriiti jira, ammalle aka Waaqi qarooma d'ugaa gumi isaati kennu garsiise, akasini aada dansuma aada Yahudi hima. Dubbi heddu ta waan aada Waaqatifi adaba namatifi finna nama ka guyya ch'ufale kitaaba kana keesati namati himani. Dubbi suni yo gari d'eeresani yo gari gagabaabsani mammaasani himani. Boqota waan kitaaba kana ke jira dubbi qara 1—23 Aka qarooma faarsani (ka qara): a. Hujifi galatafi gorsa: 1—16.23 b. Qarooma Waaqatifi aka nami fidamu male: 16.24—23.27 24—50.21 Aka qarooma faarsani (ka lameeso): a. Qaroomafi adaba dansa: 24—32.13 b. Qarooma Waaqatifi hujifi kad'acha nami Waaqa kad'atu: 32.14—42.14 ch. Guddinna Waaqa ka uumama keesa mullatu: 42.15—43.33 d. Aka nama due dabare qaabatani: 44—50.21 <br/(...)

²Eennuti dandae maansa afaani galaanatifi imimaani bokaya heda? Yokhaani eennuti dandae jireennafi jiru bulti isaa haga beekha?

³Olfagenni gubbaa hagami? Ballinni lafa hagami? Qilumani baariini hagami? Muummeeni qarooma eesa? Nami dandae gaafi tana deebisu injira?

⁴Qarooma waan ch'ufa durati uumani, hubachaani haguma duriiti inuma jirti.

⁵Qaroomi dubbi Waaqa gubba jiru iraa bahe; karaani isaa jecha jiru jireenati.

⁶Nami taka fulla qaroomi baheefi garsiisani jira? Nami mala qarooma hubatu jira?

⁷Beekha qarooma eennuti taka mullisani? Eennuti arga d'ageeti isaa hubate?

⁸Qarooni toko ch'alla, nuleeni barch'uma isaa ka hayyuma, sodaani dura ejachu malle.

⁹Aabbo Waaqati qarooma uume, inni isa arge dansuma isaa hubannaani, waan uume ch'ufa qaroomani guute.

¹⁰Inni nama ch'ufa qarooma haga isaa male kenneefi, ammo nama isa jaalatu hagasi ira dabarse kenneefi.

¹¹Yo atini Aabbo Waaqa sodaate, guddinnaafi ulfinna ind'abdu, ammalle gammadafi qilit'ama aka ruufa marata.

¹²Sodaani Aabbo Waaqa sodaatani garaa nama gammachiifte; lubbu si d'eerachiifte gammada si kennite,

¹³yo guyyaani kanke gae wonti ch'ufti sii tolti, gaafasi Waaqi sii eebisa.

¹⁴Nami qarooma argachu fed'u ha qara Waaqa sodaatu, nama d'ugaa qarooma garaa haad'a keesati kennanifi.

¹⁵Qaroomi haguma duriiti nu woliini jira, d'alooti taka tanaleeni isuma heregata.

¹⁶Nami Waaqa sodaatu qarooma qit'ee qaba; qaroomi waan nuu kennuni nu quubse.

¹⁷ Waan garaani keenna fed'uni maneeni teennafi kod'o teennale ch'ufa guuta.

¹⁸Waaqa sodaachaani mata qarooma, isiini nagayafi fayya namaa kenniti.

¹⁹Waaqa sodaachaani beekhumafi hubachaa aka bokaya namaa roobdi, nama isi Ee jed'e fud'atule guddinna dartifi.

²⁰ Hiddi qarooma Waaqa sodaacha, dameleeni isaa lubbu buliiti, [

²¹Aabbo Waaqaa saalfachitini ch'ubbu balleesiti; sodaani Aabbo Waaqaa dallansu galchiti]. Aka dallansu obsani

²²Nami fayyuma tana dallanu d'uga womatu inqabu; dallansuni akasi sunini abba bale buufti.

²³Tanaafi obsi eegi, taka tana ingaabitu.

²⁴Haga hojaani dansaani atini wo jecha maltu geetuti afaani qabad'i, duuba akasini qaroomani gurra baafata. Qaroomafi soda Waaqa

²⁵Qaroomi subba mammaasa qaba, ammo ch'ubbichi adaba nama Waaqa sodaatu tuffate jibba.

²⁶Yo qaro tau feete dubbi Aabbo Waaqa guuti duuba inni qarooma gudda si kenna.

²⁷Waaqa sodaachitini qaroomafi wo baracha. Wonti isa gammachiisa saalafi foko.

²⁸Aada Waaqa jabeesi gula deemi, ammalle hojja Waaqa kad'atu garaa tokooni kad'ad'i.

²⁹Nama durati ufi garsiifte inkiyibini araba ufi tissi.

³⁰Ufi oli infuud'ini hegeri jidde ch'eeri sira deebia. Yo atini akasi taate Aabbo Waaqi waan atini d'ossu feetu gumi durati diidati gabaase si fafeesa; wonti akanatiifi atini yo fulla gumi d'ufte Waaqa sodaate ind'umne, ammo ka garaani kanke sobaafi kiyyibaani guutameti d'ufe. Aka Waaqa saalfatani