Read BORANA BIBLE – KITAABA WAAQA Sira 10 Bible Online

Sira 10 - BORANA BIBLE – KITAABA WAAQA bible

Sira 10

¹Nami lafa fidu qarooni nama isaa wo barsiise, akasini finni isaleeni qajeela.

²Jara isa jala hojatufi nami lafa isaaleeni ch'ufti akuma isaa qaroo taha.

³Hayyuuni woma imbeenne lafa fidule imballeesa. Ammo hojja nami lafa fidu qaroo taate finni lafaleeni inqaajeela.

⁴Finni lafa harka Aabbo Waaqa keesa jira. Inni nama fakaatu ka lafa fidu hojja fakaatu gabaasa.

⁵Kaayooni nama suni harka Aabbo Waaqa keesa jirti. Ulfinni nama gudda ch'ufa kennani Aabbo Waaqa ira d'ufa. Ufi saditi

⁶Waan diqo toko ka nami si tolchu jette indallanini. Yo nami kiyyiba keeti jed'e si ch'eerselle dallante woma intahini.

⁷Ufi saaditifi daba nama dabsanile Aabbo Waaqafi nami infed'u guddo jibba.

⁸Daba nama dabasanifi ufi saadufi horini, gosa toko finna balleese gosa d'ibi finna kenna.

⁹Nu ufiftu ka daarafi d'ukee, akami ufi saanna; nafi keenna ufiftu ato nu jiru nurati shama.

¹⁰Fayyad'abi namati turu ch'ireesa mamsisa. Hayyuleni ato arra jiraatele bori inuma dua.

¹¹Nami yo duu raamumafi titeefi buqata d'aala.

¹²Nami yo Aabbo Waaqa ka isa uume lakisu kiyyibe ufi saada.

¹³Kiyyibi madda ch'ubbu. Nami kiyyiba inlakimne hameenna keesa imbau. Sunifi Aabbo Waaqi gaargala nama garitini d'ufe daara baasa.

¹⁴Aabbo Waaqi hayyoota barch'uma guddinna iraa buuse nama ufi insaanne fulla worraa hayyu tolcha.

¹⁵Aabbo Waaqi gosa gari aka mukha hidda buqise, gosa ufi ingudimne d'ibi fulla kaye.

¹⁶Aabbo Waaqi gosa heddu balleese lafa worrale sigise.

¹⁷Inni gosa gari daara d'owe maqa isiile lafa keesa balleese.

¹⁸Abbaani uumama aka nami kiyyibe ufi guddise dallansuni wo balleesufi inuumne. Nama guddisu malani

¹⁹Eennuti guddinna male? Nama Waaqi uume ch'ufa, ka Aabbo Waaqa sodaatu. Eennuti guddinna himmalini? Nama Waaqi uume ka seera Aabbo ch'absu.

²⁰Nama nama dura deemu worri inni dura deemu ulfeesu male. Aabbo Waaqileeni nama isa sodaatu ulfinna kennaafi.

²¹Nami Aabbo Waaqa sodaatu eeba argata, ammo nami mata jabaate ufi olfuud'u haguma jiru eeba inargatu.

²²Dureesafi hiyyeesafi nami gurra qabu ch'ufti waan Aabbo Waaqa sodaatufi ufi koorsa.

²³Hiyyeesa qalbi qabu guddinna isaa male d'owu himmalle, ammalle ch'ubbicha guddinna kennu himmalle.

²⁴Worra gurra qabuufi jara lafa fiduufi jaallabootale ulfeesu malani. Ammo jari kunini tokoleeni nama Aabbo Waaqa sodaatu ira injiru.

²⁵Nami balchaani dandae tisse qaroo hojata, yo inni nama wo beekhu taate hojachu didu himmalle. Ch'eerafi ufi diqeesiti

²⁶Yo huji hojatu hoguma tanteetini inkoorini. Yo gaargala keesa seentele nama gaargala inqamne ufi infakeesini.

²⁷Nama hojate waan guddo horatuti nama ufi saadu ka sagale inqamne ira jira.

²⁸Ilma kiyya ufi intuffatini ufile insaadini. Ufi ilaali aka ufi wo baatu argi.

²⁹Wonti nami ufi yarse ufi tuffatufi injirtu. Nami nama ufi tuffatu saalfatu injiru.

³⁰Hiyyeesa beekha isaatifi guddisani dureesale hori isaati guddisani.

³¹Nama ato inni hiyyeesatu guddisani yo inni hore akami guddisani seeta! Nama ato dureesatu tuffatani malayyani gaafa inni deege!