Read BORANA BIBLE – KITAABA WAAQA Sira 11 Bible Online

Sira 11 - BORANA BIBLE – KITAABA WAAQA bible

Sira 11

¹Yo hiyyeesi qaro taate inni waan ufi koorsufi qaba, duuba aka nama guddaati heregani. Wonti ch'ufti aka ala mullatu injirtu

²Nama mid'aaguma isaa laalte inowisini yokhaani nami kunini fuula hama jette jibbite intuffatini.

³Fakeenna waan barisa ch'ufa kinnisati ira diqa ammo dammi inni mid'aasu. sagale ch'ufa iraa mia.

⁴Nama d'ipate ch'arqini deemu ingooyesini. Aabbo Waaqi waan mama ka nami dandae ingarre tolcha.

⁵Hayyooti hedduuni ya barch'uma ufi d'abde, lafa tetete, ka ruufa worra nami taka nami waan isaa ind'againi maratu.

⁶Nami nama dura deemu ka ch'eersani muumme inqabu, ka gurra qabu ka harka biyyati deebielleeni muumme inqabu. Aka nami ufi eegachu male

⁷Nama ato waan isaa indubbanne qara hubad'i.

⁸Afaani keesa nama indubbatini; jala qabi eege waan jechu feetu jed'i.

⁹Dubbi si ingaini keesa imbuini. Kora worra ch'ubbu keesa intahini.

¹⁰Ilma kiyya waan heddu keesa inseenini yo waan heddu tolchu feete gaargala ind'abdu. Huji tante hobaasu dad'abde aka bira deemtule wollaalta.

¹¹Fakeenna nama tokoti jira ka aka tisse hojatu, ammo ato akasile taate hujini dura indeemtu.

¹²Ammo hiyyeesa tokoti jira ka sila hujile inguunne. Inni ato harkale ulfaate qarqaarsale male, Aabbo Waaqi isa ira gammade, gaargala inni keesa jiru keesa baasa.

¹³Yo inni gaargala suni keesa bahe nami ch'ufti imama.

¹⁴Wonti ch'ufti Aabbo Waaqa iraa d'ufti: Waan dansaafi hameenna taanaani hiyyumafi durooma taanaani duafi jireennale taanaani.

¹⁵Qaroomafi hubachafi Seera beekhitifi jaalalafi wonti dansaani tolchani ch'ufti Aabbo Waaqa iraa baati.

¹⁶Ch'ubbichi haguma d'alate wollaalafi dukana qaba. Ammalle nami waan hamtu jaalatu hameenna suni wolumaani jaara.

¹⁷Wonti Aabbo Waaqi nama aada isaa jabeesu kennu waan haga jira d'umatatini. Yo inni si maache wonti ch'ufti sii tolti,

¹⁸nami ato guddo hojate machi ch'ufa ufi d'owe dureesa tahele maani ira argata?

¹⁹Inni waan ufini jed'u anini ammatana ufira tae woma hojad'e kana nyaad'e d'uga. Ammo inni diqole aka guyya toko yo duu hori ufi kana ch'ufa namaa lakisu imbeekhu.

²⁰Huji tante bira inchochoini jabeesi keesumati jaari.

²¹Wonti ch'ubbichi horatu si imamsisini; hujuma tante jabeesi Aabbo Waaqa ch'alla d'aabad'i. Hiyyeesa yoosu dureesa tolchitini Aabbo Waaqa woma keesa injirtu.

²²Nami aada Waaqa jabeesu, suniifi eeba Waaqa argata, inni eeba suni maruma toko nama kenna.

²³Anini maani nyaad'e d'uga yokhaani taka tana maani horad'a jette iyaadini.

²⁴Yokhaani anini dureesa gaargala womatu insodaad'u injed'ini.

²⁵Nami yo quufu waan gaargali jiru insehu; yo beelau waan haguma jiru quufu insehu.

²⁶Aabbo Waaqi haga guyyaani nami duu gauti dandae obse, duuba gaafasi waan namaa male gaargalafi gammada taanaani namaa keenna.

²⁷Gaafasi hujini isaa mullate nami ch'ufti arga. Gammada isaa ka duri ch'ufa maro tokotu gaargalaani ira hobaasani.

²⁸Nama haga inni duuti, ebeluni kunini gammada qaba injed'ini; wonti akanatiifi haga inni duuti wonti isaa ch'ufti dandeete imullatu. Aka jaala fohachu malani

²⁹Nama ch'ufa worra keetini ind'ufini, wonti akanatiifi nami qarooni ka qalbi qabu kara hedduuni siti malata.

³⁰Nami kiyyibaani t'urura siti tahe si sobe gaargala keesa si buusa; akuma nama dooya inni dagu tante eega.

³¹Inni waan dansa hamtu tolche, huji dansaa atini tolchitule t'uri keesa kaya.

³²Qaanqe tokoti ch'ile bobeesa, akasuma ch'ubbichi tokoleeni akasi gaade d'iiga fa nama buusa.

³³Nama akasi sunifi mala worra hama sunile ufira eegad'i, inni jireenna lafa ira si balleesa.

³⁴Yo atini keessuma fuula imbeenne worratini galtu inni, gaargala sitini d'ufe, siifi worra keetile wolti yaka.