Read BORANA BIBLE – KITAABA WAAQA Sira 12 Bible Online

Sira 12 - BORANA BIBLE – KITAABA WAAQA bible

Sira 12

¹ Yo waan dansa tolchitu nama tolchitufi beekhu malte; duuba wonti atini tolchitu sunini lafati inhaaftu.

²Yo nama aada Waaqa jabeesu naatu galata isa iraa ind'abdu, yo isa iraa d'abdele Waaquma gubbati sii keenna.

³Nami ch'ubbicha qarqaaru waan dansa tokole haga jiru inargatu; wonti sunini waan dansaani.

⁴Nama aada Waaqa jabeesu wo kenni, ammo ch'ubbicha inqarqaarini.

⁵Nama ufi insaanne waan dansa tolchifi ammo nama aada Waaqa inguunne woma inkenniniifi. Sagale iti inkennini, wonti akanatiifi hegeri galata wollaale si balleesa. Wonti dansaa nama akana kana atini tolchitu gaargala hagasi ira, harka lama sitini d'ufti.

⁶Waaquma gubbati ch'ubbicha jibbe gaargala itini d'ufa,

⁷nama dansaa wo kenni ammo ch'ubbicha d'owad'i.

⁸Yo gaargala womatu inqamne, atini nama d'uguma sii jaala imbeetu ammo yo gaargali d'ufu nyaapa keelle hubata;

⁹gaafasi jaallowani telleeni si bira yaati, ammo yo atini wo horatu nyaapi keetileeni jaala kee ufi tolcha.

¹⁰Nyaapa kanke haga jirtu ind'ugefatini inni aka dandiini sibiila balleesitu si balleesa.

¹¹Yo inni ufi diqeese ufi hiyyoomsele, eegad'i ufira tissi, inni akuma sibiila diima ka yo atini guyya ch'ufa inqulqulleesini dandae jira.

¹²Yo atini nyaapa kanke d'ugefate ufiti aansite inni fulla tante fud'acha olgama. Yo atini ufiti aansite inni fulla tante fud'ata. Duuba atini aka dubbini tiyya d'ugaa agarte aka taka inargini ufii gaabita.

¹³Nama tolchani bofa wo tolchufi nama bineensa ala matasu yo bineensi sunini isa nyaatu nami nahufi injiru.

¹⁴Ammalle akasuma yo atini ch'ubbichaani goli taate hameenna isaa keesa seente nami, sii nahu tokoleeni injiru.

¹⁵Nyaapi kanke haga diqa toko si woliini taa. Ammo yo gaargali d'ufu si bira deema.

¹⁶Inni haga aka t'urura keesa si buusu siti malatu afaani dansa siti dubbata, inni nama sii nau ufi fakeese ammo yo qoomni argatu si ijeesa.

¹⁷Yo gaargali siti d'ufu, inni nama si qarqaaru ufi fakeese si dura tahe si eege, ammo yo atini d'uftu mala d'ibi siti d'aate si balleesa.

¹⁸Inni yo suni siti gargale nama d'ibi siti fakaata. Gammade harka d'ae si koble, hameenna ke haasaa.