Read BORANA BIBLE – KITAABA WAAQA Sira 13 Bible Online

Sira 13 - BORANA BIBLE – KITAABA WAAQA bible

Sira 13

¹Yo atini waan aka haanch'a qabate isiini siti mat'anti, yo kiyyibaani woliini yaatani akuma taka taatani.

²Waan ulfo humniti si inguunne fuud'isa iti ingamini, ammalle nama dureesa sira jiru woliini iyaaina. Okote faaratifi ta sibiila wold'aatutini ingamini, yo wold'oofte ta faara inch'abt'i.

³Dureesi yo nama dabsu dandae iti dabre arabsa; ammo hiyyeesi yo dabsani woma ufi bahe ufi indubbatu.

⁴Haga atini wo qabdu ka wo sira argatu dureesi si leelisa, ammo yo atini wo d'abdu lafa buuseti si bira deema.

⁵Haga atini woqabdu inni si bira inchochou, nyaate si fit'a.

⁶Inni hojja wo siraa fed'u, siti kokoble dubbi mioftuni si sobe si balleesa, waan sini jed'u d'ipu maani qabda?

⁷Inni sagale siti guure si quubse, akasini atini waan taatu wollaalte ch'eerta. Duuba eege yo maro heddu waan ch'ufa sira guurate nyaate si fit'e gamati bahe si kobla. Duuba eege yo si argu nama si imbeenne ufi tolche si d'aatu bahe dabra.

⁸Ufi eegad'i nami akasi sunini si insobini, ato waan machi keesa jirtu ufi seetu aka si ch'eersani ufi agarta.

⁹Yo nami guddaani golola si yaame aka dansa ufi tissi, yo akasi taate inni hojja ch'ufa si yaama.

¹⁰Ammo yo atini isa ira bubute inni ufi si hanqisa. Yokhaani yo atini yaamicha isaa didde achi iraa baate, inni achumaani si ded'a.

¹¹Qit'e isaati ufi herede waan inni jed'u ch'ufa ind'ugefatini, ato haasa d'eera dansale woliini haasoftani inni si laalachuti jira beekad'i.

¹²Nami woma ind'ossine nama hama naasu inqamne; inni ato wo si tolche sile hid'e womatu indaru.

¹³Ufi eegad'i waan garaa qabdu dofad'i, wonti akanatiifi yo akasi tau baate ufuma balleesita. Yo waan kana hiriiba keesati d'ageete damaqi.

¹⁴Haga jirtu ch'ufa Aabbo Waaqa jaalad'i na baasi jed'i isa yaamad'i.

¹⁵Wonti lubbu qaba ch'ufti woma isi fakaata jaalati, namileeni akasuma.

¹⁶Akuma bineensileeni akuma wolfakaatuni woliini yau akasuma namileeni akuma wolfakaatini woliini yaa.

¹⁷Akuma yaifi ilmaani hoola woli ind'anne akasuma ch'ubbichaafi nami aada Waaqa jabeesuleeni diqole woli ind'anne.

¹⁸Akuma worabesafi sarelleeni woli ind'anne akasuma hiyyeesafi dureesileeni woli ind'anne.

¹⁹Akuma nyeench'i harre diida lafa aloo keesa barbaade nyaatu akasuma dureesi hiyyeesa barbaade nyaata.

²⁰Wonti nami kiyyibaani ufi saadu nama ufi insaanne qabu, jibbaafi tuffi ch'alla dureesileeni hiyyeesa akasumati herega.

²¹Dureesa hojja inni gufatule jaallowani isaati itisa, ammo hiyyeesa ato inni lafa d'aelle jaallowani isaleeni woma ira inqabdu.

²²Yo dureesi wollaala tolchu nami hedduuni d'ufe qarqaare wollaala suni d'ossaafi. Ammo yo hiyyeesi wollaala tolchu nami ch'ufti hameenna isaa dubbata. Ato inni dubbi qajeeltu dubbatele nami isa jala qabu injiru.

²³Yo dureesi dubbatu dubbi isaa owisani waaqani d'aani. Ammo yo hiyyeesi dubbatu eennu suni jed'ani, yo inni gufatule darbani lafaani d'aani.

²⁴Horini atini kara ch'ubbutini inhoratini dansa. Yo hori inqamnele wollaala womatu inqabdu, nama aada Waaqa imbeenne ch'allati akasi seha.

²⁵Wonti atini garaa qabdu fuula ira si mullati gammadafi laala taanaani.

²⁶Yo atini gammada qabaate fuula iraa si mullata. Ato mammaasa baasitini herega gudda feetele.