Read BORANA BIBLE – KITAABA WAAQA Sira 14 Bible Online

Sira 14 - BORANA BIBLE – KITAABA WAAQA bible

Sira 14

¹Nami dubbi keesa wollaala womatu intolchine eeba qaba. Inni wollaala ufiti d'aabu himmalle.

²Yo nami aka wollaala intolchini ufi beekhe ammalle ufi jibbaachu dide eeba qaba! Aka nami hori ufi waan dansaani hojachu male

³Ufooni dureesa tau himmalle, nami horini harka imbaane horini suni maani baafi?

⁴Nami beese nyaachu dide inkuufad'a jed'e olkaayu, namuma d'ibii olkaa. Taka tana namuma d'ibiti beese tante sunini machaa.

⁵Atini ka ufiftu nafa keetitu hori injibbanne ufi agabsitu akami dandeete arja taate nama d'ibii wo kennita.

⁶Nami nama hori ufiti injibbanne gadii, injiru; sunini ch'ubbu gaargala ufi qabdu.

⁷Yo nami akasi sunini waan dansa tolche, wonti suni akuma mudaa ira buute. Ufooni isa guyya tateefu inuma mullati.

⁸Nami ufooni nama dabaati, yo nami qarqaarsa kad'atu dudda iti gala,

⁹ammalle waan qabule insifefatu. Sabdoomi akana kunini garaa si gosse lubbule si ijeesa.

¹⁰Nami gari hameenna jabeenna qit'a tokole garaa ufiiti injibbaatu.

¹¹Ilma kiyya haga jirtu waan qabdu nyaad'i d'ugi ammalle waan maleefi Aabbo Waaqa sorio baasi.

¹²Qabad'i guyya toko dooti si inooltu, ammalle guyya sunile imbeetu.

¹³Ato guyyaani sunini ingaini jaallowani teeti nahi arja tai waan d'aqabdu kennifi.

¹⁴Guyya tokole gammada ufi ind'owini. Yo wonti atini tau feetu ka aada ira si ingorsine jiraate ituma dabri tolchi!

¹⁵Guyya toko waan atini duri hojate iti baate ch'ufa gargari qoodani nama d'ibi kennani.

¹⁶Tanaafi arja tai, ammo waan nami d'ibiini sii kennule fud'ad'i. Lafa tana irati haga jirtu ufi gammachiisi taka tana yo doote fulla ekhera d'at'e machiini sii injirtu.

¹⁷Nafi nama akuma woyaa keeyatani ch'ich'itte d'umata. Wonti akanatiifi dooti haguma duriiti inuma jirti jed'ani.

¹⁸Nami haguma duriiti akuma galma mukha jira ka yo hobeensi gari iraa jigu ka gari iti bau. Akasuma nami yo ka gari duu ka d'ibiini d'alata.

¹⁹Wonti nami harkaani mid'aasu ch'ufti jaarte d'umati, nami isi mid'aasuleeni akasuma taha. Aka qaroomi gammada nama kennu

²⁰ Nami waan qarooma herege, ka qalbini deemu eeba qaba.

²¹Nami waan qarooma heregu, waan isaa ka d'ossanile imbarata.

²²Akuma nami adamo bineensa barbaadu qarooma barbaadi.

²³Qaa manatini laali balbala jala eji ch'aqasi.

²⁴Haga dandeetu mana isaati d'iad'i qubad'i,

²⁵duuba teesuma dansa argata.

²⁶Achiti gaadisa damele isaa ka adu sira d'owu suni jaalati mana kanke jaarad'i.