Read BORANA BIBLE – KITAABA WAAQA Sira 15 Bible Online

Sira 15 - BORANA BIBLE – KITAABA WAAQA bible

Sira 15

¹Yo atini Aabbo Waaqa sodaate waan suni tolchita, nami Seera isaa jabeesu qarooma argata.

²Inni akuma haateti yokhaani niiti atini d'io fuute yoyo fuula keesa si d'ufa.

³Inni qaroomafi beekha akuma waan nyaatani d'ugaani sii kenna.

⁴Qarqaarsa isaa d'aabad'i ch'eera inargatu.

⁵Inni nama olla keeti ch'ufa ira guddinna sii kenna; hojja atini gumi kora keesati dubbatu inni araba si qajeelcha.

⁶Atini gammadafi qilit'ama d'ugaa argata; maqa kanke haga jiru jireenna qaabatani.

⁷Ammo daalleeni ch'ubbitini haga jirtu qarooma agarte iti imbaatu.

⁸Inni nama ufi guddisu iti ind'iatu, yokhaani qalbi d'artichalle inseenu.

⁹Afaani ufiitini Waaqa faarsitini ch'ubbicha himmalle, wonti akanatiifi faaruni inni faarsuni sunini ta gara Waaqati d'ufteeniti.

¹⁰Faaru sila qarooma Aabbo Waaqi namaa kennuni faarsu malani. Waan fed'i ufitini tahani

¹¹ Aabbo Waaqati kara ira na gorse injed'ini inni waan jibbu nama intolchisisu.

¹²Nami kara d'ugaa ira na gorse isuma injed'ini. Inni yo fed'i guutu fed'u qarqaarsa ch'ubbicha woma iraa inqabu.

¹³Aabbo Waaqi hameenna aka aka ch'ufa injibba, ammalle nami Aabbo Waaqa sodaatu hameenna akasi suni injaalatu.

¹⁴Gaafa Aabbo Waaqi qara nama uume, inni akuma worri fed'i ufi gula fidamu gad'iise.

¹⁵Yo feete dandeete jecha Aabbo Waaqa guuta, aki atini isaa saalfate yokhaani saalfachu baatu gubba tanteti.

¹⁶Inni ibidaafi bisaanile ya si dura qabe ka feetu gula bai fud'ad'i.

¹⁷Duafi jireenna ya wolbira sii qabani tami atini feetu sii kennaani.

¹⁸Qaromafi irreeni Aabbo Waaqa waan guddo, inni waan ch'ufa arga.

¹⁹Aabbo Waaqi waan nami tau ch'ufa quba qaba, inni nama isa sodaatu inqorqorata.

²⁰Inni taka beeni ch'ubbu tolchi namaani injenne yokhaani taka ch'ubbuti gadi nama inlakimne. Aka Waaqi ch'ubbicha gaargalchu