Read BORANA BIBLE – KITAABA WAAQA Sira 16 Bible Online

Sira 16 - BORANA BIBLE – KITAABA WAAQA bible

Sira 16

¹Ilmaani heddu sesega woma keesa injire ind'araini; ilmaani Waaqa imbeenne waan iraa jaalatani inqabdu.

²Ato ilmaani heddu qabatele yo isiini Aabbo Waaqa insodaanne inkoorinini.

³Waan isiini heddutifi waan worri lubbu bule wo sii bau insehini, ilmi toko ka fed'i Aabbo Waaqa guutu ilmaani kuma toko ta inguunne ira jira. Fulla atini ilmaani heddu Waaqa imbeenne d'alte ira dootu si ka woma ind'alini dootuti ira jira.

⁴Dira toko nami isaa maro qarooma nama tokotifi hore daraara, ammo gochiti toko yo seera inguunne imbadi.

⁵Anini waan akana kana maro heddu ila tiyyaani arge gurra kiyyaleeni waan hagasi iralle nama mamsisa d'agaye.

⁶Dallansuni Aabbo Waaqa ta aka ibida bobeetu gumi worra ch'ubbu yokhaani worra Waaqaa insaalfanne garaa buute gubdi.

⁷ Inni worra duri gugurda haga woi gagau ka irre ufi d'aabate isaani morku inaraaramneefi.

⁸Inni kiyyiba gosa duri Lutuni keesa tae jibbe worra suni ch'ufa balleese ch'eu d'owe.

⁹Inni gosa duri maro ch'ubbu worratifi badii iti mure diqole innaaneefi yokhaani

¹⁰nama kuma d'ibba jaa ka lafa aloo ta gamooji keesa godaane mata jabaate wolti bahe isani morkele innaaneefi.

¹¹Ato nami mata jabaate isaani morke toko ch'allale taate, aki nami sunini ka woma intolchini jala bau waan mamaati. Aabbo Waaqi naaso, ammo inuma dallanalle.

¹²Inni guddo wo obse nama araarama, ammalle dallansuni isaleeni akasuma guddo. Akuma naasuni isaa guddo, gaargali inni namatini d'ufuleeni hama. Inni waan nami tolchuni nama qora.

¹³Nami ch'ubbichi ka waan hateeni bau injiru. Aabbo Waaqi nama aada isaa jabeesu ka wo obsu lafa imbuusu.

¹⁴Nami d'uga qajeelani ch'ufti waan dansa isaa male argata; nami ch'ufti woma malleefi argata. [

¹⁵Aabbo Waaqi hayyu Misiri mata jabeese, akasini inni Aabbo Waaqa jala dide, aka kara sunini nami lafa keesa jiru ch'ufti huji Aabbo Waaqa beekhu.

¹⁶Inni uumama ch'ufa naasu ufi garsiisa, ammalle dukanaafi ifsaale haada woini biimanini gargari baase.]

¹⁷Dubbini akana tunini haga jirtu afaani kanke keesa imbahini; anini Aabbo Waaqa dura d'okhad'a nami tokoleeni ka achi qubati odu tiyya kaasu injiru. Akamini gumi hagana geetu tana keesa na argani? Wonti Waaqi uume muumme inqabdu anini ch'allaani maani keesa jira?

¹⁸Hojja Aabbo Waaqi d'ufu wonti kunini ch'ufti inhollati: lafafi bisaani isi jala jiraaleeni gubbaafi wonti gubba jira ch'ufti.

¹⁹Gaareni chochote yayabi lafa roraa, hojja inni millatu.

²⁰Aabbo Waaqi na inqaabatu nami waan anini tolchu yaalu injiru.

²¹Yo anini ch'ubbu tolche ka namu na ingarre Waaqa saalfachu didu, nami tokoleeni ka beekhu injiru.

²²Yo anini waan d'ugaa qajeeltu tolche nami tokoleeni ka Waaqati na himu injiru; nama isa eegu fed'uti jira qara? Inni waan tolchu fed'u hurre intolchu.

²³Namuma daalle woma imbeenneti waan akana kana jed'a. Aka Waaqi qaroomani wo uume

²⁴Ilma kiyya aka dansa na d'agayi dubbi tiyya ch'aqasi, yo akasi taate wo barata.

²⁵Anini jabaad'e akuma dansa qajeelche si barsiisa.

²⁶Qara fiit'e Aabbo Waaqi huji isaa ta uumama tolche waan ch'ufa fulla isiini teetu kenneefi.

²⁷Inni waan uume ch'ufa aka isiini malteeni wolgula naqe haga jiru jireenna ch'ufa akasuma taa jed'eeni. Wonti uumani tokoleeni haga jirtu imbeeloftu, yokhaani dad'abde huji hojachu inlakiftu.

²⁸Wonti inni uume kunini wolti gobbate woli ind'ibdu, yokhaani dubbi isaale indidu,

²⁹Aabbo Waaqi waan kana ch'ufa uume jennaani lafa laale waan dadansaani guute.

³⁰Duuba inni bineensa aka aka ka kamu due biyye tauni lafa guute.