Read BORANA BIBLE – KITAABA WAAQA Sira 18 Bible Online

Sira 18 - BORANA BIBLE – KITAABA WAAQA bible

Sira 18

¹Aabbo Waaqi ka haga jiru jireenna jiru lafafi gubba ch'ufa uume,

²Ammalle isuma ch'allati d'uga qaba. Isa male ka d'ibiini injiru.

³Inni harka ufiitini lafa tisse, wonti ch'ufti dubbi isaa guuti. Inni hayyu waan ch'ufaati, jabeenna ufiitini waan qulqulloofi ka qulqullo intahini gargari baasa.

⁴Inni nama tokole qalbi waan inni uumeeni himani inkennineefi. Ammalle nami tokoleeni barbaade iti imbau.

⁵Eennuti dandae irre isaa guddo haga beekha? Eennuti dandae huji inni naasu ufiitini namaa tolche hime muumme baasa?

⁶Nu iti daru indandeennu yokhaani haga hanqisule indandeennu. Karaani tokoleeni ka nami waan mama ka Aabbo Waaqi tolche hubatuni injiru.

⁷Yo nu waan suni ch'ufa ya hobaamne seenu seeruma, nama iti keeyatu, nu afaani himnuni inqamnu. Nami womaniti

⁸Nami maani? Wonti inni bau maani? Dansumafi hameenni isaa mani keesa jira?

⁹Nami ganna d'ibba toko tau ya haga ganna nami sila tau kaani dabre;

¹⁰ammo yo sila waan haga jiru jireenna taatini wolti heregani ganni sunini fakeenna woma aka d'impu bisaani ka bisaani baariiniti ch'obaafi guma maansa jira.

¹¹Wonti Aabbo Waaqi nama obse yokhaani aka male namaa naufi tana.

¹²Inni nu ilaale aka muummeeni teenna badii arge; tanaafi inni guddo nuu araaramu fed'a.

¹³Nami nama beekhu ch'allaa naha, ammo Aabbo Waaqi namuma ch'ufa naha. Inni nu gorse, nu qajeelche nu barsiise, akuma nama hooliye tissu ufiti gadi nu fach'aasa.

¹⁴Inni nama gorsa isaa fud'ate, ammalle yo wollaala isa garsiisanile ee, jed'e fud'atu innahaafi. Qarqaarsafi naasu

¹⁵Ilma kiyya yo atini wo namaa kennitu dubbi keesa inkaaini, ammalle yo wo namaa kennitu nama suni dubbini iworaanini.

¹⁶Dubbi dansaa atini namaani jettuti waan atini namaa kennitu ira jira. Fit'eesilleeni owa bona namaa qabaneesa.

¹⁷Dubbini dansaani waan namaa kennani ira injirtu? Yo atini d'uguma naaso taate lachu woliini kennita.

¹⁸Nami nama arabsu ka naasu namaa inqamne daalle. Nami garaa dansaani wo namaa inkennine waan suni iraa ingammadu. Aka abbaani ufi tissu male

¹⁹Ato woma indubbanne qara hubad'i, ammalle ato fayya ind'amne nafa kanke tissi.

²⁰Ato qorsuma Aabbo Waaqa dura ind'umne aka jirtu ufi hubad'i, duuba hojja guyyaani sunini gae sii araaramani,

²¹ato fayya ind'abmne wollaala kanke argi, ato ch'ubbu intolchini iraa deebii.

²²Yo atini wo Aabbo Waaqa kakhate hurrisi guuti, gaafa duu gae, guuta injed'ini.

²³Ammo ato kakhu akana tana inkakhanne aka guutu kurfefad'i. Obsa Aabbo Waaqa inilaalatini.

²⁴Me heregi! Guyya dootu atini aka Waaqi siti dallanu feeta? Yo qorsuma duraani si d'ufaani aka inni dudda siti galu feeta?

²⁵Bara quufa bara beelale qaabad'i; yo wo horate aka deegumti jirtule qaabad'i.

²⁶D'iafi barile jidduti waan hedduti taha; Aabbo Waaqi yoosu wo jijira.

²⁷Nami qarooni waan ch'ufa keesati ufi eegata. Yo ch'ubbuuni lafa guute inni aka keesa inseenne ufi qorqorata.

²⁸Nami wo beekhu ch'ufti qarooma hubate nama qabule ulfeesa.

²⁹Nami mammaasa ch'aqasu, ufile barate qaroo tae nama d'ibile barsiisa. Aka abbaani ufi d'owu

³⁰D'arraani tante si imohatini ufi d'owi;

³¹yo atini waan d'arraatufi ch'ufa gula deemte nyaapa ufi kofalchiifta.

³²Waan horatuni ufi macheesite keesa dabarte, beese ufira hobaafte ufi imballeesini.

³³Yo beese inqamne gati fuute sunini jila tolfate, kad'atu ufi intolchini.