Read BORANA BIBLE – KITAABA WAAQA Sira 19 Bible Online

Sira 19 - BORANA BIBLE – KITAABA WAAQA bible

Sira 19

¹Yo atini akana taate haga jirtu woma inhoratu; yo atini waan diqo womatu daru baate turi d'iad'i ufuma balleesita.

²Daad'ifi nad'eeni nama wo beekhu daalleesite kara iraa gorsiti. Nami sharmut'ati deemu itumaani d'aqate woma yaalu dida, eege lubbu ufile d'aba.

³Duuba nafi isaa ch'ich'ite raamoni nyaati.

⁴Nami yoosu nama ch'ufa d'ugefatu daalle; nami ch'ubbu tolchu ufi balleesa.

⁵Ammalle nami daba tolche ira gammadu wollaala iti murani. Dubbi hidda inqamne

⁶Dubbi hidda inqamne indubbatini, akasini gaargala gudda ufi hanqifta.

⁷Waan d'ageetu ch'ufa namati inhaasani, yo akasi taate ufi ingaabitu.

⁸Jaallanifi nyaapa keeti inhaasaini, yo aki atini d'ossitu ch'ubbu taatu male, namutu inhaasaini.

⁹Nami dubbi suni d'agayu qalbeefateti turi d'iad'i sunifi si jibba.

¹⁰Atini dubbi jette ta hidda inqamne d'ageete? Dubbini akasi sunini afaani kanke keesa imbahini. Garaa jabaad'i! Isiini woma si intolchitu ato garaa keesa si teetile.

¹¹Nami daalleeni dubbi d'ofachu fed'u niiti d'ala ch'ininfatu fakaata.

¹²Inni yo dubbi d'ossaa d'agayayu ch'ufa, obsu indandau akuma nama t'iyaani woraanani jira.

¹³Yo jaali kanke toko ya woyake d'ageete, dubbi suni isuma gaafad'i. Gaafini d'ara fa, yo d'uga taate iti deebie intolchu.

¹⁴Yo aka nami olla keeti dubbi infakanne dubbate d'ageete, isuma gaafad'i gaafini inni injinne fa, yo jed'ele iti indeebiu fa.

¹⁵Yo atini jaala kanke toko hameenna isaa d'ageete isuma gaafad'i. Dubbini sunini dubbi d'ara fa waan d'ageetu ch'ufa ind'ugefatini.

¹⁶Nama hegeri dubbi inni jechu infeene faati afaani ch'ea. Nami afaani ufiitini wollaala keesa insenne injiru.

¹⁷Yo dubbi olla keetini woli isani d'absiiftu d'ageete, ato woma isa intolchine qara gaafad'i. Dubbi suni ha Seera Aabbo Waaqa gudda gula qorani. Ammalle indallanini.

¹⁸Yo atini aka Aabbo Waaqi ee jed'e ufiti si fud'atu faate, qara fiit'e isa sodaad'i; yo atini qaroo taate inni si jaalata.

¹⁹Seera Waaqa barad'i yo barate jireenna argata. Nami fed'i isaa gula deemu mid'aani mukha jiru jireenna nyaate gammada. Aka qarooma d'ugaa hubatani

²⁰Aabbo Waaqa sodaad'i Seera isaale guuti; qaroomi hagasi iraa d'ibiini injiru. [Ammalle yo suni aka inni beekha waan ch'ufaani tolchu qabu imbeeta.

²¹Yo hojatuni dubbi abba isaa guutu didde, ammo eege gara galte guute, abbaani haguma sila kaani dallana.]

²²Ch'ubbu beekhitiini qaroomaniti. Mala ch'ubbicha gula deemitini daalluma.

²³Nami dandae qarooma ufi hameennaani tolcha, ammo nami gari maro wollaalatifi waan daalluma kana tolcha.

²⁴Nami Waaqa sodaatu ato guddo qalbi qabaachu baatele ch'ubbicha qaro ira jira.

²⁵Nami dandae guddo qaroo taa, ammo keesi isaa dabdicha, yokhaani nami dandae waan fed'u saala haga dabre sobaani nama balleese akasini nama ira wo guurata.

²⁶Ammalle worra ch'ubbu tokoti ka yo sobaani si balleesu aka waan nami iraa due fuula guura yau lafa keesa jira.

²⁷Worri yo atini yaamtu aka waan si ind'ageenne mata dala qabate, ammo yo qoomni siti argate lafaa si balleesa.

²⁸Yo worri amma woifi ch'ubbu tolchu dad'abe, yo qomnini mullate intolcha.

²⁹Nama aki inni jiru, fuuluma isaa iraa mullata, maruma qara yo gartu aka inni wo beekhu kaani hubata.

³⁰Amala isa gaad'afi, koblafi, deemaa isaati namati hima. Hojja dubbi malte