Read BORANA BIBLE – KITAABA WAAQA Sira 2 Bible Online

Sira 2 - BORANA BIBLE – KITAABA WAAQA bible

Sira 2

¹Ilma kiyya hojja atini Waaqa hojatu ilaalacha ind'aabdu kurfefad'i.

²Inkiyibini garaa jabaad'i, yo d'ipuufi gaargali d'ufu imudamini obsi.

³Aabbo Waaqati mat'ani isa inlakisini yo guyyaani kanke gae ulfinna argata.

⁴Waan siti d'ufaa ch'ufa ee jed'i fud'ad'i; yo si ch'eersanile obsi.

⁵ Worqi qulqulluma isii bassani ilaalani akasuma adaba namale ibidaani ilaalani.

⁶Aabbo Waaqa d'aabad'i inni si qarqaara. Qajeeli kara isaa gula deemi isuma abdad'i.

⁷Isani nami Aabbo Waaqa sodaatu ch'ufti naasu isaa eegad'a. Ira ingorina yokhaani imbadani.

⁸Isani nami Waaqa sodaatu ch'ufti isa abdad'a galata ind'abdani.

⁹Isani nami Aabbo Waaqa sodaatu ch'ufti, eebaafi naasufi gammada haga jiru jireenna isa iraa eegad'a.

¹⁰Me waan ababooti teesani duri taate qabad'a waan kana herega: Aabbo Waaqi taka nama isa d'aabatu ya ch'eerse? Yokhaani nama guyya ch'ufa isaa saalfatu ya lakise? Waaqi nama isa kad'atu taka ya jala dide?

¹¹Aabbo Waaqi naaso guddo namaa naha inni ch'ubbu teenna nuu araarame guyya gaargalale nu baasa.

¹²Ammo nami hojja gaargali d'ufu mudame hollatu yoosu bada. Worra garaani isaani lama!

¹³Nami daafanani wo sodaatu inuma bada; inni d'ugefacha inqabu tanaafi dandae imbau.

¹⁴Nami yoosu ufi jibbaatu inuma bada. Hojja Aabbo Waaqi qorsumaa d'ufu worri maani taha?

¹⁵Nami Aabbo Waaqa sodaatu seera isaa guuta; worri isa jaalatulleeni kara isaa gula yaa.

¹⁶Nami Aabbo Waaqa sodaate isa jaalatu haga dandau seera isaa guute isa gammachiisa.

¹⁷Nami Waaqa sodaatu hojja ch'ufa kurfo jira aka isaa hojatu, worri isa durati ufi diqeese waan jed'u.

¹⁸Nu harkuma Aabbo Waaqati ufi kennina harka namaati ufi inkenninu, wonti akanatiifi inni akuma guddinna qabuuni naasule qaba. Aka ijoolle gorsani