Read BORANA BIBLE – KITAABA WAAQA Sira 20 Bible Online

Sira 20 - BORANA BIBLE – KITAABA WAAQA bible

Sira 20

¹Gorsa hojja infakanne namaani gorsaniti jira. Hojja akasi suni fulla dubbatu yo afaani qabatu dansa.

²Fulla sila dallansu garaati namaa qabaatu, hojja d'at'e nama suni gorsituti ira jira.

³Yo wollaala tolchite fud'ad'i, akasini ch'eera ufii dida.

⁴Nami irreeni dubbi nama fud'achiisu nama sange ka dubra irreeni buufatu fakaata.

⁵Nama gari ka guddo indudubanne, qaro sehani, ka dubbate inch'inne dubbi suniifi jibbani.

⁶Nami gari waan waan dubbatu inqamneefi ch'allisa. Ka d'ibiini, ammo hojja dubbi mala beekhaafi ch'allisa.

⁷Nami qarooni haga hojja, hojaani dubbi geetuti indubbatu, ammo daalleeni kiyyibduni hojja suni imbeekhu.

⁸Nami tokoleeni ka nama dubbate inch'inne, ka nama d'ibile dubbi inqamne obsu injiru. Aka milkini nama gargaltu

⁹Milkini hamtuni hojja gari waan dansaani namaa d'ufti; ammalle milkini dansaani waan hamtuni namaa d'ufti.

¹⁰Arjoomi hojja gari woma namaa imbau, ammo hojja gari hagasi harka lama wo sii keenna.

¹¹Guddinna nama hojja gari ch'eerati faani d'ufa. Ammo worra garititi jira ka duri guurra inqamne ka, ammo gurra horateti jira.

¹²Hojja gari nami waan guddo beese diqooni bitata, ammo eege hagasile ira maro torba hori iti balleesa.

¹³Nami wo beekhu yo dubbatu jaallowani horata, ammo nami wo imbeenne ato haga fed'ule nama owise wonti sunini diqole isa inqarqaartu.

¹⁴Nami akasi sunini yo wo sii kennule wonti sunini woma sii imbaatu. Wonti sunini haga inni herege suni ingeetu.

¹⁵Hojja ch'ufa hameenna nama dudubbata, ammo wonti inni nama kennu diqo, diqo sunile owiseti Waaqani d'aa. Nami akasi sunini yo arra wo sii ergise bori faana si d'aeti naa deebisi siini jed'a. Atini nama akasi suni injibbitu?

¹⁶Duuba nami daalleeni sunini waan jed'u, nama na fed'u injiru, nami tokoleeni ka galata na himatu injiru. Nami ch'ufti waan anini kenneefi nara guurate, ammo na bira yae na had'a.

¹⁷Duuba wonti inni jed'u kunini ch'ufti d'ugaa, hojja ch'ufa isa koblaani. Dubbi infakanne

¹⁸Nama qarsa iraa much'uch'ateti nama arabi much'uch'ate waan infed'ini dubbate ira jira; akuma nami much'uch'atu yoosu jigu akasuma ch'ubbichileeni yoosu bada.

¹⁹Nami saala inqamne odu ch'eera ta nami daalleeni halkani guyya odeesu fakaata.

²⁰Mammaasa daalleeni hojja infakanne dubbatu womatu indarani.

²¹Yo nami daba sila tolchu hiyyumafi tolchu dad'abe, inni ka ufi ingaabine gach'iise rafa.

²²Yo atini nama daalle agarte waan sila jechuni malte lakifte afaani qabate, eege ufira ch'eerta.

²³Yo nami wo si kad'ate atini ch'eeraa hiyo jechu dad'abde, atini ufuma nama akasi suni nyaapa ufiti tolchita.

²⁴D'arti waan hamtu nama t'ureesaati, ammo nami woma imbeenne waan suni halkani guyya tolcha.

²⁵Hattuni nama hojja ch'ufa kiyyibu ira gooma, ammo worra lachu badiiti qabata.

²⁶Nami dara dubbatu ch'eera foko inqabu, ch'eeri guyya ch'ufa biruma eja. Aka qaroomi wo bau

²⁷Nami qarooni waan dansaati baa, nami gurra qabuleeni dubbi nama akasi suni imaacha.

²⁸Worri akasi sunini yo si jaalatu wollaala kanke biraa sii deema, tanaafi aka dansa jala had'ad'i haga dandeetu ch'ufa iraa wo guurad'i!

²⁹Gumboofi wonti namaa kennanileeni nama qarolee ila duduchite, d'ugale dubbachu d'owarti.

³⁰Qaroomi d'ossani akuma hori gudda d'ossani jira, kamu woma imbau.

³¹Ammo nami daalluma ufi d'ofatu nama qarooma ufi d'ofatu ira jira. Ch'ubbu