Read BORANA BIBLE – KITAABA WAAQA Sira 21 Bible Online

Sira 21 - BORANA BIBLE – KITAABA WAAQA bible

Sira 21

¹Ilma kiyya atini ya ch'ubbamte? Waan qara tolchite suni Waaqa kad'ad'i naa araarami jed'iini, akuma bofa d'eetu ch'ubbule d'eed'i.

²Yo iti d'iate isiini akuma nyeench'a gaade isiitini si nyaate si hobaafti.

³Wonti atini aada isii male tolchitu, akuma madaa billai aflamedini nama madeese ta infayine jira.

⁴Nami karmuri kiyyibaani waan qabu ch'ufa ind'aba.

⁵ Kad'achaani hiyyeesa akuma afaani isaa keesa baatuni gurra Waaqa seenti.

⁶Nami gorsa namaa didu ya ch'ubbu keesa seene, ammalle nami Aabbo Waaqa sodaatu ch'ubbu ira deebie aka dansa kara qajeela gula deema.

⁷Nami guddo dubbi beekhu gurra qaba, ammo yo inni diquma dubbi wollaale dubbatu nami wo beekhu yoosu irati arga.

⁸Nami mana jaarad'a jed'e gati guuru seeruma nama d'akha awaala guuratu.

⁹Gumiini ch'ubbitini Seera Waaqa inguunne, akuma huut'i ibidaani qabsiisani ta bobeete hobaatu jirti.

¹⁰Karaani ch'ubbicha, qulqullicha gufu womatu inqabu, ammo muummeeni isaa boola ekheraati deema. Qaroomafi daalluma

¹¹Nami Seera jabeesu fed'u, waan Seera barachu male. Yo waan ch'ufa keesa Aabbo Waaqa sodaate qarooma argata.

¹²Yo qaro taate male dandeete woma imbaratu, nami gari qaro ufi seha, ammo eege wonti sunini gaabu isaa taati.

¹³Beekhi qaroo aka galaana haga jiru ingonne, yokhaani akuma madda gorsa ta inch'inne jira.

¹⁴Ammo daalleeni qalbi aka sorora urate qaba, wonti inni baratu ch'ufti yoosu dura badi.

¹⁵Yo nami wo beekhu mammaasa d'agayu, mammaasi sunini isa gammachiise innileeni ka ufi ka d'ibi gabbaasa. Ammo nami sesegi badi deemu yo d'agayu, jibbeti yoosu ded'a.

¹⁶Haasa daalle ch'aqasitini seeruma nama ulfinnaani kara deemu. Ammo waan nami wo beekhu ch'aqasitini gammada.

¹⁷Gumiini dubbi nama wobeekhu guddo d'agayu feeti, ammalle jecha isaale guddo qalbeefate heredi.

¹⁸Daalle, qaroomi akuma mana jige ona tae jira. Inni waan beekhule takuma inherenne.

¹⁹Nama woma imbeenne wo barachaani sansalata harka isaatini hid'ani iti fakaati.

²⁰Ammo nama wo beekhu wo barachaani akuma saaga worqi iti jirti. Nami wo beekhu yo koblule laanuma qummaada, ammo daalleeni yo koblu lafa gargalcha.

²²Nami daalleeni balbalati gajed'e ka nagaya nama infuune olseena, ammo nami argaa d'ageeti qabu ka ch'eera foko qabu balbala dura eje nagaya nama fuud'a. Nami balbala nama jala eje haasa nama ch'aqasu nama ch'eera foko inqamne, ammo nami ch'eera foko qabu waan akasi suni intau.

²⁵Nami ufi saadu ka waan waan ch'ufa beekhu ufi sehu dubbi isaani ingaatini keesa bua. Ammo nami qarooni waan beekhule laaleti dubbata.

²⁶Daalleeni woma afaani keesa d'ufa dubbati, ammo qarooni heregeti dubbata.

²⁷Ch'ubbichi yo nyaapa ufi abaaru ufuma abaara.

²⁸Nami nama duuba deeme nama nyaatu gurra ufi balleese, olla ufi ch'ufa ufi jibbisisa. Yarennafi daalluma