Read BORANA BIBLE – KITAABA WAAQA Sira 22 Bible Online

Sira 22 - BORANA BIBLE – KITAABA WAAQA bible

Sira 22

¹Nami yaraani udaanile ingau; ajaa isaanitifi nami iti d'iatu injiru.

³Ilmaani ch'eera foko inqamne abba d'ale ch'eersiti, keesuma dubarti faani guddo ch'eersiti.

⁴Intalti dansaani d'iirsa ind'abdu, ammo ta ch'eera foko inqamne abba lalefachiifti.

⁵Intalti hamtufi toltule imbeenne abbaafi d'iirsale inch'eersiti, worrileeni isi tuffata.

⁶Gorsi atini ilmaani tante gorsitu hojja gari akuma nama worra bohu sirbu jira. Ammo uleeni atini inqajelchita d'aantu hojja tokole hameenna inqabdu.

⁷Nami daalle barsiisa iti gamu seeruma nama okote faara ta ch'ach'abt'e bulloofte wolti erba iti gamu. Seeruma nama hiriiba gudda keesa jiru keesa kaasani.

⁸Nama woma imbeenne wo iti himitini, seeruma nama hiriiba qabu wo iti himu, ka eegi atini iti himte dabarte, mani jetteti kana jed'e si gaafatu.

⁹Ijoolleeni aka dansa guddisani, hiyyuma worri isaani duri keesa gad'ufe ind'ossitifi. Ijoolleeni aka hama guddisani ta kiyyibde ufi saadu worra isaani ato worri duri wo qaabatele gurra balleesiti.

¹¹Nama due waan inni iti deebie ifsa ingarrefi bohanifi, daallele waan inni haga jiru beekhaati imbaanefi bohufi malle. D'uguma daalle hagasi iralle bohufi malle; wonti akanatiifi finni worraa dualle ira hama akuma tateefu nami due ya hafuura baafate.

¹² Nama due guyya torba bohanifi ammo daallefi nama Waaqa insodaanne haga inni jiru ch'ufa imboanifi.

¹³Daalleti indaandini yokhaani haasofteeni birati inturini iti ind'iatini hanqad'i; yo atini akasi taate dandeete si int'uresitu, duuba ka daallumti worraa suni si gaargalchite si indad'absimne nagayaani teeta.

¹⁴Nami akasi sunini baa ulfo siti tae ulfinni isaa sibiilale ira ulfaata; maqaani worra male lafa keesa injiru daalle male.

¹⁵Fulla daalleeni woliini taani nama waan ulfaatu aka mansafa soodda fa sibiila fa baacha ooleti ira jira.

¹⁶Dareera mukha jabeesani manani dareerani aka ato lafti chochotelle inni fulla ufiti inchochone; akasuma nama aka inni qalbiifi qarooma isaa hojja gaargali d'ufule ira inchochone dandaani barsiisani.

¹⁷Qalbini qaroomani aka dansa wo heredu, girgida mana jaba aka dansa barresani ch'okhani fakaati.

¹⁸D'akhaani didiqaani girgida gubba naqani hojja bubbeeni d'ooftu artiti inhafu, akasuma nami daalleeni herega inqamne yo gaargali isa sodaachisu d'ufu mudame ira hafu dad'aba. Jaaloma

¹⁹Yo wo ila keesa si buani imimanti ilaa si yaa. Yo guddo wo nama tolchite, herega isaa ka d'ugaa agarta.

²⁰Nami simpirre d'akhaani had'u imbaqachiisa, nami jaala ufi arabsu jaaloma balleesa.

²¹Yo jaala keetini wo wolmoromtani irati wold'abdani diquma harkaani wolihanqatanile, jaalomi keesani muumme imbaane woltuma fa araaramtani. Ammo ato jaala feetule taate yo atini isa arabsite ufi koorsite, waan wolti d'ofatanile ch'ufa gadi mullifte, ammalle ato inni insehatini iti gargalte inni si lakiseti si baqata.

²³Hiyyeesa olla keetitini wold'aqa; duuba gaafa inni wo horate woliini gammadani. Hojja gaafa inni wo horatu aka inni sini gau feete, guyya inni gaargala qabu bira eji.

²⁴Akuma ibidi ato inni aare bobau, akasuma nami ato harkaani d'iiga woliimbumne woli arabasa.

²⁵Anini aka jaala kiyya kalchu insodaad'u, ammalle waan jaallowani tiyya na kad'atu ind'owad'u.

²⁶Yo anini isaa jed'e gaargala keesa seene, nami akasi d'agayu ch'ufti isa ufira tissa. Aka ch'ubbu ufira eegiti Waaqa kad'atani

²⁷Ato tiyya sila nama afaani naa eegu naa tolchani aka inni afaani wolti na qabe dubbi infakanne dubbachu na d'owu. Inni sila wollaalu na d'owe, aka anini araba kiyyaani ufi imballeesine na tolcha.