Read BORANA BIBLE – KITAABA WAAQA Sira 23 Bible Online

Sira 23 - BORANA BIBLE – KITAABA WAAQA bible

Sira 23

¹Ee Aabbo Waaqa abba kiyyaafi hayyu jireenna kiyya, araba kiyyati na inlakisini aka inni na balleesu. Aka anini dubbi tiyyaani imbanne na tolchi.

²Ato tiyya sila herega kiyya jed'ani na d'aanani duuba akanani qaroomi herega kiyya qajeelcha. Ato tiyya sila yo anini wollaala tolchu diqole biraa naa indeemani, ch'ubbu tiyya tokole ta bira naa dabrani infed'u!

³Yo suni anini ituma deebie hojja ch'ufa daba intolchu. Ammalle anini harka nyaapa kiyya keesa seene ch'eera inargad'u.

⁴Ee Aabbo Waaqa kiyya ka na jireesu, kiyyibu na d'owi;

⁵d'arraa hamtu nara d'owi.

⁶Sabdoomafi d'arraa na dabsachu d'owi; herega nama ch'eersu ka akasi suni keesa buu na d'owi. Kakhu

⁷Ilmaani tiyya jecha qajeela isani jechu maltani ka anini isani barsiisu ch'aqasa. Jecha kiyya gula deema aka t'urura keesa imbuune.

⁸Ch'ubbicha kiyyibaafi araba inni nama arabsuni qabani.

⁹ Kakhuni amala sii intahini, ammalle maqa Waaqa qulqullo akuma agarte ind'aini.

¹⁰Tisseeni halkani guyya d'aanani dirmamu ind'abdu, ammalle nami hojja ch'ufa maqa Waaqa qulqullootini kakhatu ch'ubbu keesa imbau.

¹¹Nama halkani guyya wo kakhatu dabi ya lafe seene. Ammalle aki Waaqi isa d'aanu worra isa ira fago injiru. Yo inni kakhu ufi guutu baate wollaala qaba yo kakhu ufii yaalu dide hagasi lama wollaala qaba. Yo kakhuni isaa d'ara taate inni araarama inargatu, ammalle worra isaa gaargali keesa imbau. Afaani hamo

¹²Dubbini nami dubbatu hagi toko duani wolfakaati Waaqi nama Israeli ch'ufa dubbi akasi suni hanqisinna! Nami Waaqa beekhu daba akana kana keesa seene imborch'atu, ammo inlagata.

¹³Ch'eera d'abde afaani hamo dubbate, waan suni amala intolfatini, wonti akasi sunini waan dabaati.

¹⁴Hegeri ufi deete hojja nama gurra qabuuni woliini teetani dubbi ch'eera ta qara barate taani dubbate, akasini daallumti tante mullati. Yo akasi taate worri si d'ale akami herega! Duuba atini guyya d'alate abaarte duu feeta!

¹⁵Yo atini afaani hamo araba barate amala tolfate haga jirtu ch'ufa dandeete inlakiftu. Ch'ubbu sharmut'omi d'ufuuni

¹⁶Kara heddu nami dabaani tolche dallansu Aabbo Waaqa ufitini d'ufuti jira, ammo d'arraani uwafi d'iirti woli d'arraatu waan aka ibida bobaa ka nami dandae ind'aanfine, yo isiini ufiini d'aamtu male. Nama huji nad'eeni male huji d'ibi inqamne haga ibidi sunini gube hobaasuti iraa indeebiu.

¹⁷Nami akana kunini nad'eeni ch'ufaa ind'araa, haga jiru quufe iraa intau.

¹⁸Nami niiti ufi lakise nad'eeni d'ibi gula deemu, waan ufini jed'u, Armiti dukana namu na inargu, yokhaani nami na beekhuleeni injiru, anini maani sodaad'a. Waaqi gubbaleeni ch'ubbu tiyya inargu.

¹⁹Nami kunini nama male waan tokole insodatu, inni aka ilti Aabbo Waaqa maro kuma kud'ani adu ira ifsitufi ammalle aka inni waan d'ossaati tolchanile argu imbeekhu.

²⁰Inni waan ato lafa inuuminu beekha, ammalle waan taka tanale ch'ufa imbeekha.

²¹Nama ch'ubbicha suni ato inni insehanne qabani gumi durati gaargalchani.

²²Akasuma niitini d'iirsa ufi lakifte nama d'ibi jaalate nami sunini ilme ira d'ale, wollaala akana kana keesa seenti.

²³Wollaala qara isiini Seera Waaqa gudda ka gubba jiru ch'absite. Ammalle lameeso d'iirsa ufiiti wollaalte, ammalle sadeeso d'iirsa ufi lakifte nama d'ibi barate nami sunini ilme ira d'ale.

²⁴Ilmaani isiile ch'ubbuuni isii qabate, ilmaani sunini olla ufi keesale fulla qubatufi finnale d'abde akanani worrale horachu dad'abdi. Isiile gumi duraani d'ufaani,

²⁶aka male ch'eersani maqa isiile haga jirani ch'ufa abaarani. Eegi isiini doote dabartele,

²⁷nami ch'ufti aka Waaqa sodaachaani waan ch'ufa angafa, ammalle aka seera isaa guutitini waan ch'ufa ira mioftu arga. Aka qarooma faarsani