Read BORANA BIBLE – KITAABA WAAQA Sira 24 Bible Online

Sira 24 - BORANA BIBLE – KITAABA WAAQA bible

Sira 24

¹Qarooma ch'aqasa! Inni gumi Israeli keesati faarse ufi d'aada; gumi gubbaa ta Aabbo Waaqa, guddinna Aabbo Waaqa durati ufi garsiise, waan jed'u,

³Anini afaani Aabbo Waaqa gudda gubba jiru keesa gabae, aka hurri lafa ch'ufa duuche.

⁴ Anini achi gubba qubad'e barch'uma kiyya ka hayyuma duumansa gubba d'aabad'e.

⁵Anini koba tiyya gubba fulla imbahini inqabu fulla ch'ufa mare, bisaani lafa jala jiraale akasuma keesa mare.

⁶Anini lafafi baariinifi gosaafi nama lafa keesa jira ch'ufa mohad'e.

⁷Anini fulla bahe tana ch'ufa qutuma barbaade, fulla mana iti jaarad'u laalad'e.

⁸Duuba nami na uume lafafi gubbale uume qutuma naa d'ae waan nani jed'e, Israeliti qubad'i d'alooti Yakobo gosa sii taha.

⁹Inni ato waan tokole inuumini qara fiit'e waan ch'ufa durati na uume. Haga jiru jireennale inuma jira.

¹⁰Anini Waaro Woyyuma keesa isaa hojad'e mana kiyya gaara Sioni irati jaarad'e.

¹¹Inni dira guddo jaalatu keesa na qubsiise, gudda dira Yerusalemu na tolche.

¹²Anini worra Aabbo Waaqi guddinna kenneefi keesati hidda baase, worra inni fohate gumi ufi tolfate.

¹³Anini guddad'e, aka hind'eesa Lebanoni old'eerad'e, aka mukeeni d'ed'eertu dodoti gaara Hermoni irati baatu tae,

¹⁴meet'i Engeditifi daraara Yerikotifi ejersa mimid'aaga oobrutifi mukha qilt'a ka afaani bisaaniti bau fakaad'a.

¹⁵Hafuuri kiyya aka qayya qunch'e bireesatifi qumbiifi haanch'a dakaraatifi waan aka urgo urgooftufi qund'iifi aka hiit'aana Waaro Woyyuma keesati aarsani urgaa.

¹⁶Anini aka mukha guddaa bahe bosone galmae,

¹⁷anini aka mukha zabibu late daraare mid'aani baase. [

¹⁸Anini jaalalafi sodaafi beekhaafi abdi qulqullo d'ale. Waan anini haga jiru jireenna jiruufi ijoolle tiyya ch'ufa ta inni maqa baase na kennani.]

¹⁹Isani nami na jaalatu ch'ufti nati koota mid'aani kiyya ch'ufa haga quuftaniti nyaad'a.

²⁰Isani mia dammalle ira na qaabatani, nad'ii dammalle ira na jaalatani.

²¹Na nyaad'a ammalle anuma beeloftani na d'uga ammalle anuma d'eebotani.

²²Naa saalfad'a haga jirtani ch'eera inargatani. Dubbi tiyya gula deema ch'ubbu keesa inseentani. Qaroomafi ch'eera

²³Qaroomi seera, ka duri Musani guuta nuni jed'e, inni wold'aqisa Waaqa gubba jiru ammalle waan gumiini Israeli d'aala argate. [

²⁴Hojja ch'ufa Aabbo Waaqa keesa jabaad'a; isa woliini taa aka inni isani jabeesu. Aabbo Waaqa gudda male Waaqi d'ibiini injiru isa male qarqaarsi d'ibiini injiru.]

²⁵Qaroomi Seera guute iraani dambalae, akuma gaalani Pishonitifi ka Tigris hojja mid'aani mukha galani dambalau.

²⁶Ammalle seeri akuma galaani Fratitifi ka Yordani hojja mid'aani galchani fach'au fach'aa.

²⁷Inni akuma galaana Niletifi ka Gihooni hojja mid'aani zabibu guurani bibiliqu, barsiisani bibiliqa.

²⁸Nami qara uumani taka aka dansa qarooma imbaranne, nami eege d'alatuleeni akasuma hubachu dad'aba.

²⁹Wonti qaroomi dandau baariinile ira ballo; wonti inni qabu bisaani lafa jala jiraale ira gadi qile.

³⁰Anini gama kiyyaani, akuma bisaani gaalana lafa iti fafalansani oobrutini yaasani ufi sehe.

³¹Anini qara oobru tiyya ta mukhaatifi ta daraara bisaani iti naqad'aafi waan suni iti tolche ammo, isiini gargalte galaana taate galaanilleeni gargale baariini tahe.

³²Duuba akanani anini beekha kiyyaa isani garsiise. Olqabe ifsa isaa akuma biiftu diirama baatu fulla ch'ufa argani.

³³Akuma raaga anini barsiisa tiyya gabbaasa, aka d'alooti taka tana ira wo baratu.

³⁴D'iiro me ilaala, anini huji jajabdu tana ufi ch'allaa intolchine, ammo aka nama qaro tau fed'u ch'ufa qarqaarufi tolche. Worra faarsu malani