Read BORANA BIBLE – KITAABA WAAQA Sira 25 Bible Online

Sira 25 - BORANA BIBLE – KITAABA WAAQA bible

Sira 25

¹Waan saditi jira ka anini guddo jaalad'u — waan AABBO Waaqafi namale haga taka iti mid'aaga: oboleyaani woljaalate wold'ageetufi, olla woljaalatufi, d'iirsafi niiti woljaalate gammadani woliini teetu.

²Nama saditi jira ka anini lafa jibbu, ka anini adaba worra jibbe fulla kau d'abe; hiyyeesa ufi koorsufi dureesa d'ara dubbatufi jaarsa daalle nad'eeni biyyati deemu.

³Yo atini diqeenaani haga dandeetu wo imbaratini yo jaarte dandeete qaro intaatu.

⁴Beekhaafi gorsaafi arrini jaaruma wold'at'e woliini yaati.

⁵Qaroomafi hubachafi gorsi dansaani nama jaareefi nama gurra qabuu male.

⁶Nami jaare ruufa argaa d'ageeti marata. Ammalle wonti worri ufiini koorsu soda worri Waaqa sodaatu ch'alla.

⁷Anini nama kud'ani ka na gammachiisu, keesuma ka kud'anneeso, anini guddo waan isaa isaniti himu fed'a; nama ilmaani ufi ira gammadu, nama badii nyaapa isaa argu,

⁸nama milki qabu ka niiti wo beetu fuud'e, nama arabi isaa ch'ubbu indubbanne, nama nama isa ingeenne jala inhojanne,

⁹nama milki qabu ka jaala dansa argatu, nama biyyiti dubbi isa ch'aqasu feetu,

¹⁰ka anini jara kana ch'ufa ira jaalad'u; nama qaro. Ammo ka worra kana ch'ufa ira jiru nama Waaqa sodaatu.

¹¹Nami akana kunini namunu haga takaniti, wonti akanatiifi wonti soda Waaqa sodaatani ira jabdu injirtu. [

¹²Nami AABBO Waaqa jaalachu fed'u, ha qara isa sodaatu, ammalle nami isaa saalfachu fed'u, ha qara isa d'ugefatu]. Nad'eeni

¹³Wonti haga jaalala nama lalefachiisa lafa keesa injirtu. Gaargali tokoleeni ka haga gaargala nad'eeni namatini d'uftu ira hama lafa keesa injiru.

¹⁴D'ibi tokoleeni ka d'iba nami sitini d'ufu ira hama injiru, haalooni tokoleeni ta haalo nyaapi si baafatu ira hamtu injirtu.

¹⁵Had'ani had'a bofa ira hamtu injirtu. Ammalle dallansuni dallansu nad'eeni ira hamtu injirtu.

¹⁶Fulla niiti hamtuni wolti galani, nama nyeench'aafi worabesaani wolti galuti ira jira.

¹⁷Niitini dallansu qabdu fuula hammaate goorjama fakaati.

¹⁸Niiti akasi suni d'iirsi isii olla keesa deeme sagale fed'ata, duuba ato sagale suni nyaatu obsu dad'abe lalefate, mata gingilfata.

¹⁹Yo gaargala nad'eeni namatini d'uftufi gaargala d'ibi wolti heregani, gaargali kaani d'ibiini diqa fakaata. Nad'eeni akasi suni ha gaargala ch'ubbichi argachu male argatuti.

²⁰Nami miira gudda ka niiti d'ibditi dudubbatuni woliini tau jaarsa kubi maansa kooruti jiru fakaata.

²¹Mid'aagumti nad'eeni si sobde qalbi si ind'owini, yokhaani niitini tunini dureeti jette ind'arainifi.

²²Yo niitini beese ufitini d'iirsa fidu, dallansufi kiyyibaafi ch'eeri waan oolatini.

²³Niitini hamtuni d'iirsa isii herega nat'e yaadesite garaa yakiti. Daafana waan tokole garaa iti inkutanne na garsiisi, aninileeni niiti isaa ta gammada isa d'owarte, akasi isa tolchite si garsiisa.

²⁴Ch'ubbuuni nad'eeni gula lafa seente maro isiitifi nuleeni ch'ufti doona.

²⁵Akuma bisaani fulla isaani keesa jira keesa jigu d'owartu, akasuma niiti hamtule kara hama isiini feetu iti inlakisini.

²⁶Yo isiini dubbi tante didde ufi jala baasi.