Read BORANA BIBLE – KITAABA WAAQA Sira 26 Bible Online

Sira 26 - BORANA BIBLE – KITAABA WAAQA bible

Sira 26

¹Nami niiti dansa qabu guddo milki qaba, inni guddo lubbu d'eerate ganni isaa haga sila tau ira maro lama taha.

²Niitini dansaani d'iirsa saalfatu d'iirsa gammachiifti, inni haga jiru ch'ufa gammadaani taa.

³Nama Aabbo Waaqa sodaatu eebiti guddo dansaani toko ta inni Waaqa ira argatu niiti dansa.

⁴Nami akasi sunini ato hiyyeesafi dureesale taate gammade fuula diriira.

⁵Waan afuriti jira ka garaani kiyya sodaatu: dubbi d'ugaa intahini ta dira ch'ufaani qabatani. Nama woyakaa wolti bau. Dubbi yakaa; wonti kunini ch'ufti dualle ira hamtu.

⁶Ammo niitini niiti d'ibi inaaftu, lalaani namati d'ufte, onne nama kuti; arabi isii nama ch'ufa ga.

⁷Niitini hamtuni qaampara morma hori ingeenne fakaati. Isi harkaani qabachiitini seeruma nama qaanjibu qabatu.

⁸Niitini farso d'udde machooftu waan nama dallansisa toko, isiini ch'eera ufi d'ofachu imbeetu.

⁹Daru nad'eeni iluma isii irati beeta.

¹⁰Yo intalti atini d'alte mata jabaate woma miiri isii yaadu ch'alla tau feete, aka dansa eegi. Yo atini akasi tau baate, isiini yo qoomni argatu ufi balleesiti.

¹¹Yo isiini waan feetu ch'alla taate eegad'i, yo isiini waan atini infeene taatele imamini.

¹²Isiini nama deemu ch'ufaa lukha bante, akuma ideemtu kara deemtu ta yo d'eebotu bisaanuma gartu d'uddu.

¹³Niitini dansaani d'iirsa ufi gammachiifti; gololi isii dansaani isa gabbisa.

¹⁴Niitini murraani eeba Aabbo Waaqi namaa kennu, adabi akasi sunini waan nami ch'ufti guddo halchu.

¹⁵Niitini ch'eera foko qabdu guyya ch'ufa nama gammachiifti. Adabi akasi sunini waan nami dandae haga isaa beekhuni.

¹⁶Niitini mid'aaduni halaqaani ta mana mid'aaga keesa teetu, adu guyya gudda ta garaa Waaqa keesa ejitu fakaati.

¹⁷Fuulafi d'aabdi isii mid'aaduni akuma ifsa ifse woyyuma ta Mana Waaqa keesa ejitu mid'aadi, ammalle sarbaani isii mimid'aaduni aka daanisaatifi koometuni isii waan

¹⁸ifseeni ira ejitu ka qarsifi worqini mid'aasani fakaati. [

¹⁹Ilma kiyya haga kaimoma qabdu fayyaani tai, humna tante nama imbeenneti imballeesini.

²⁰Lafa ch'ufa keesa deemi oobru wobaaftu barbaadi, sanyi qabdu intuffatini isuma fach'aafad'i,

²¹duuba akanani ilmaani tante jiraate worra ufi d'ugefate akasini olgudati.

²²Sharmut'i seeruma hanch'ufa lafati tuffani, niitini d'iirsa qabdu ta jaala qabdu duani jaallowani isii suniti d'ufti.

²³Nami seera Waaqa inguunne akuma isaa male niiti Waaqa imbeenne argata.

²⁴Niitini ch'eera inqamne guyya ch'ufa aka ch'eera inqamne ufi garsiifti. Ammo niitini ch'eera qabdu yo d'iirsa ch'allaani woliini jirtule aka ch'eera qabdu garsiifti.

²⁵Niitini mata ufiiti deemtu sare, ammo niitini ch'eera qabdu Aabbo Waaqa sodaati.

²⁶Niitini d'iirsa ufiiti saalfatu nama ch'ufaa qaro fakaati: ammo yo isiini kiyyibde saalfachuufi diddu nami ch'ufti aka siini Waaqa imbeenne arga. Nami niiti dansa qabu eeba qaba, wonti akanatiifi lubbu d'eerata.

²⁷Niitini waaqaraani afaani bana deemtu magalata d'iira duulatini wolti yaamani fakaati, ammalle nama niiti akasi suni qabu worra isaa woraani keesa imbau.] Waan garaa nama yakaati

²⁸Waan lamati jira ka garaa na yaka, ta sadeeso na dallansiifti: askarticha deega tahe, qaroo biyyiti insaalfaneefi, nama d'ugaa qajeela ka gargale ch'ubbu tolchu. Aabbo Waaqi nama akana kana imballeesa!

²⁹Dilaaltu aki isiini daba iraa ooltu guddo iti jajabaati, nami wogurguru ch'ufti ch'ubbu qaba.