Read BORANA BIBLE – KITAABA WAAQA Sira 27 Bible Online

Sira 27 - BORANA BIBLE – KITAABA WAAQA bible

Sira 27

¹Nama hedduti jira ka ato tirfi barbaadu ch'ubbu keesa seenu, nami dureesa tau fed'u waan gari ato argu mata dala ira qabata.

²Akuma d'isaani d'akhaa jidduti rakate buqisa nama d'ibu akasuma ch'ubbu dilaala keesa baasitini namati jabaati.

³Yo atini garaa jabaate Aabbo Waaqa sodaate male, mani kanke guyya toko turi d'iad'i siuma irati qaaria. Waan garaa nama jiraatiti araba nama hata

⁴Wollaala nama dubbi isa irati beekhani. Dubbini isaa aka d'imbibo jirti ta waan booru qabaatini quleesani.

⁵Akuma okote faara gubani aabo ira laalani akasuma amala kanke dubbi teetini beekhani.

⁶ Akuma mid'aani mukhi baasu, qorqorti mukhi sunini qabuuni beekhani herega nami qabu afaani isa irati beekhani.

⁷Nama haga inni dubbate dubbi isaa d'ageetuti insaadini, aki atini namaani laalte hubatu akasi ch'alla. D'ugaa

⁸Yo atini nama d'ugaa barbaadu taate ituma baata. Duuba d'ugaani sunini akuma woyaani dansaani si ch'ote d'aaba si mid'aasitu d'ugaleeni si mid'aasite amala sii kenniti.

⁹Simpirreleeni akuma wolfakaatuni wolti galti, ammalle akasuma amala dansale nami d'uga barbaadu iti baa.

¹⁰Akuma nyeench'i waan nyaachu fed'u gaadatu, akasuma ch'ubbuleeni nama isi jaalatu gaadati. Dubbi daalluma

¹¹Nami Waaqa beekhu hojja dubbatu dubbi qaro dubbata, ammo daalle dubbini isii fulla toko inejitu.

¹²Yo nama daalleeni wolti martani kara bira deemtuni hurrisi fed'ad'i, ammo yo nama herega dansa qabuuni wolti galtani haga dandeetani ch'ufa woliini taa.

¹³Wonti daalleeni dubbatu ch'ufti waan gurrileeni nama jibbu, ammalle worri ch'ubbu hamtule ch'ufa inkobla.

¹⁴Hojja worri akana kunini wo abaaru nafileeni sii golgolae, ammalle hojja worri wo woliini mormu, wonti d'ibiini inhafne yo gurra qabatani male.

¹⁵Araba worri woli arabsu gurrileeni nama jibba, arabi sunini woldida harkaatini d'ufa. Dubbi d'ossaa

¹⁶ Nami dubbi d'ossaa ta iti d'ofatani ind'ossine, nama ufi d'aarefachise jaalale ufi d'owa.

¹⁷Jaala kanke jaalad'i dubbi isaa jabeesi waan inni siti d'ofate d'ossifi, yo d'ossu baate jaaloma keesani jibbaad'i.

¹⁸Yo akasi taate atini jaaloma suni yayu akuma nami nyaapa ufi woraanani ijeesu ijeefte.

¹⁹Akuma simpirreeni yo atini qabde gadi d'iiftu barrifte iti d'aabatu jaalomi keesanileeni akasuma deebie wolti isani indeebiu.

²⁰Gula deema jette ufi ingaargalchini sunini waan dabre, inni akuma hiddi haada kute iti d'aabate.

²¹Mada dandaani imarani arabale dandaani wolii bira indabrani, ammo nami yo waan wolti d'ofate woli d'ossu baate, jaalomi worraa jibbaata. Dubbi d'ara

²²Nami hojja ila siti qise waan hamtu hereguti jira, nami dandae herega isaa suni gargalchuleeni injiru.

²³Yo si woliini jiru afaani isaa akuma damma miaani! Inni dubbi atini jettu ch'ufa inowisa. Ammo eege yo si biraa deemu, aka d'ibi tae, dubbi atini dubbate taani gargalche isumaani si balleesa.

²⁴Nami anini lafa tana irati jibbu nama akasi suni male injiru, Aabbo Waaqileeni akasuma isa jibba.

²⁵Yo atini d'akhaa qajeelchite oldarbite inni siti ga deebie mata si d'oosa. Yo wo tontomtele akasuma wo ufi tolchita.

²⁶Nami nama d'ibii t'urura kau ufumaa keesa seena.

²⁷Yo nami waan hamtu nama tolchu wonti sunini akuma worri imbeenneni worra ira deebite worra balleesiti.

²⁸Nami ufi saadu nama d'ibi arabse goyeesa, ammo worri aka nami d'ibiini aka nyeench'a tae gaade haalo baafachu fed'u quba inqabu.

²⁹Nami badii nama Waaqa beekhu iraa gammadu, t'urura seene dua hamtu dua. Jibbaafi haalo

³⁰Dallansufi miira diqeeni waan hamtu, ammo nami daba waan suni lachu qaba.