Read BORANA BIBLE – KITAABA WAAQA Sira 28 Bible Online

Sira 28 - BORANA BIBLE – KITAABA WAAQA bible

Sira 28

¹Aabbo Waaqi waan atini tolchitu ch'ufa laalumati jira, tanaafi yo atini nama d'ibi haalo ira baafate innileeni akasuma haalo siraa baafata.

² Ammo yo atini nama d'ibii wollaala bira dabarte Aabbo Waaqileeni yo atini isa kad'ate ch'ubbu te bira sii deema.

³Atini ka haalo nama d'ibi garaa keesa qabdu d'uguma dandeete Aabbo Waaqa ch'ubbu tiyya na araarami injetta?

⁴Atiniyu ch'ubbichuma duuba yo nama d'ibi araaramu dide aka Waaqani naa araarami jettuni inqabdu.

⁵Yo atini nama dallansuni iraa ingalle taate atu ufiftu namuma, daba kanke nami sii araaramu injiru.

⁶Waan suni aka dansa heregi! Guyya toko yo guyyaani kanke gae atini indoota nafi keetileeni inshama. Tanaafi jibba nama jibbitu lakisi seera Aabbo Waaqa ka wold'aqisa Waaqa gubba jiru keesati t'aafani keesati buli fulla atini wollaala olla keetiti dallantu odu inkaasini biraa deemi. Moroma

⁸Yo atini dubbi moroma keesa buu dide, guddo ch'ubbu keesa inseentu wonti akanatiifi nama miira diqaati, moromaani gadi d'ufa.

⁹Nami jaaloma balleese nama qara wolii jaala wolti naqu nama dabaati,

¹⁰akuma ibida qoraani guddo iti nat'uni innileeni guddise bobae owa. Akuma nami mata jabaatuni moromalleeni jabaati, nami akuma irreefi hori gudda qabuuni dallansulle olaana.

¹¹Moromaani aka ibida bobeetu woldidani buufati.

¹²Atini dandeete ch'ile afufte bobeesite yokhaani hanch'ufa iti tufte d'aanfite, ammo waan suni kamufi afaanumani tolchita. Dubbi hamtu

¹³ Nama dubbi nyaatetini lafa keesa deemufi kiyyiba abaaru malani, wonti akanatiifi worri sunini nama heddu ka qara nagayuma ufitini tau balleesa.

¹⁴Nami dubbi isaani ingaatini keesa buu nama heddu jireenna yake worra isaani keesa balleese, hujini akasi sunini dira jajaba heddu balleesiti worra nama gurra qabule bulti d'owarti.

¹⁵Nami nama wolti naqu kunini niiti d'iirsani wolbeetulle jala baase, waan isiini hojate horatele d'owa.

¹⁶Nami dubbi yakaa gula deemu haguma jiru nagaya inhoratu.

¹⁷Lichooni nama dirmamesiti ammo arabi hamaani lafe nama ch'absa.

¹⁸Nama arabaani dueti nama woraanani due ira heddu.

¹⁹Yo taka nami si dabse si arabse, qaampara mormati si kaye miila sansalatani si inhid'ini atu ayyaana qabda?

²¹Arabi dua hamtuni namati d'ufa, d'uguma fulla waan atini keesa injireeni si arabsani duati ira sii jira.

²²Ammo nama Waaqa sodaatu arabi isa arabsanileni woma isa intolchu; yokhaani isa ingubu.

²³Nama Aabbo Waaqa lakisu arabi sunini indabsata. Yo arabi sunini aka ibida jiddu worraati bobae dandaani ind'anfani. Arabi sunini aka nyeench'a bururate worra ira bue aka qeeramsa gargari worra tatarsasa.

²⁴Atini hori kanke dala iti injaaratu, atini beese tante jabeesite oli inkeyatu.

²⁵Afaani keetile akasuma tissi dubbi dubbatu ch'ufa ato indubbanne heregi afaani kankele hid'ad'i.

²⁶Nami toko hegeri taeti aka atini dubbi keesa gufatu si eegata, tanaafi ufi eegad'i aka gufate dubbumaani tante si imballeesine. Liqeefi aka isi deebisani