Read BORANA BIBLE – KITAABA WAAQA Sira 29 Bible Online

Sira 29 - BORANA BIBLE – KITAABA WAAQA bible

Sira 29

¹ Nama olla keeti ka liqe fed'atu nahiifi kennifi yo isa qarqaarte wo kenniteefi ya seera Aabbo Waaqa guute.

²Yo inni qarqaarsa fed'u wo liqeesifi. Ammalle yo gati nama qabatule hurrisi yo argatu baasifi.

³Yo atini gati guyya wolti qabatani baafte, dandeeti guyya qarqaarsa feetu ch'ufa argata.

⁴Nami hedduuni yo liqe fud'ate, akuma waan lafa fud'ateti herege fud'ate taeni, abba ira fud'ate kaani gaargalaani iti d'ufa.

⁵Nami gari yo liqe fed'u afaani dansa dubbate areedafi sarba nama qabate ammo hojja guyyaani inni liqe suni deebisu gau, inni guyyaani sunini naa infuud'u jed'e dabarse, dubbi woma keesa injire deefata.

⁶Nami hori namaa akasi suni liqeesu yo akami iti jabaatu hori suni yo ch'ufale argachu baate haga toko argata. Yo inni iti jabaate gaafachu baate, nami inni liqe kenneefi sunini hori suni seeruma waan iraa saameeti heregati akasini nama kaani nyaapa tolfata. Nami isaa wo liqeese sunini abaarsumafi arabafi ch'eera daba male waan galata fakaata ira inargatu.

⁷Nami hedduuni maro worri ufootifi wo namaa kennu indidu, ammo yo dandaani aka dabaani hori worraa ind'amneefi wo namaa kennu dida. Arjooma

⁸Ammo tatule hiyyeesa nahi, waan kennufi feetule intursini kennifi.

⁹Aabbo Waaqi hiyyeesa qarqaara nuni jed'e, qarqaarsa worra male ind'owini.

¹⁰Fulla beese tante d'akha jaalati d'ossite isiini dandooftu hojja atini oboleesafi jaala kanke ka d'iba qabuuni qarqaarte ira sii jirti.

¹¹Akuma Waaqi gubba jed'e, hori kanke fulla oli keete ira teetu woini hojad'i.

¹²Hori hiyyeesa kennite seeruma hori olkeeyateti heregi.

¹³Arjoomi kanke sunini gaargala aka aka ch'ufa keesa si baase; wonteefi woraana jabaale ira nyaapa sira d'owa. Aka gati waasi iti tolfatani

¹⁴Nami dansaani nama olla ufi ka gati fuud'u waasi baafi. Nama ch'eera inqamne ch'allati waan akana kana tau dida.

¹⁵Yo nami sii nahe waasi sii tae inded'ini wonti akanatiifi nami sunini lubbu ufi sii jed'e baase.

¹⁶Nama garititi jira, ch'ubbichi galata imbeenne, ka nama waasi isaa tae iti dabe hori sila ufi baasu ira deebisu.

¹⁷Nama gati fud'atu waasi taitini dureyyi heddu balleesite gaargala guddaani iti d'ufte.

¹⁸Nami guddinna qabu ka gari waan akana kanani worra ufi keesa lafa d'ibiti bade ufi jibbaate lafa mara.

¹⁹Ch'ubbichi waasi sii taa jed'e hori siraa barbaadu d'iotu fulla qorsumati ufi arga.

²⁰Haga dandeetu olla kanke qarqaari, ammo ufi eegad'i gaargala keesa ufi imbuusini. Worraafi keesumoma

²¹Nami waan kana male injiraatu: bisaani, liqimsa, gaad'a, mana ka atini hanna luugu tante iti d'ofatu.

²²Fulla atini mana biyya d'at'e sagale dansa soorate gammadu, sii hiyyuma teetini hoosa kanke keesa teetuti ira jira.

²³Woma kanke diqo sifefad'i, nama worra kanke miid'ule inch'aqasini.

²⁴Afaani mana biyya maritini finna dansaaniti mana iti olseentu ch'ufa atini iti keessuma waan jettu inqabdu.

²⁵Ato atini keessuma gololchite waan isiini d'uddulle kenniteefile nami galata sii galchu injiru. Ammo fulla suni waan akana fa sini jetti:

²⁶Keessumicha! Kooti gololi ya gae mesa kana sagale irati kurfeesi! Anini sagale suni nyaachu fed'a hurrisi gadi kenni.

²⁷Keessumicha kai deemi! Anini keessuma jabdu qaba! Oboleesi kiyyati gadi d'ufa mana atini keesa bultu suni isa iti galchu fed'a.

²⁸Waan kana lamaani nami ch'eera beekhuleeni dandae inobsu, yo keessumoma si d'owanifi yokhaani yo nami atini gati ira fuute irreeni waan ufi sira fud'achu fed'u. Aka ilmaani guddisani