Read BORANA BIBLE – KITAABA WAAQA Sira 30 Bible Online

Sira 30 - BORANA BIBLE – KITAABA WAAQA bible

Sira 30

¹Abbaani ilma ufi jaalata, hojja inni jaalatu ch'ufa ind'aana, aka taka tana ilma sunini kooru.

²Nami ilma ufi d'aane qajeelchu taka tana ilma suni ira wo argata, ammalle jaallowani isaa durati isaani koora.

³Nami ilma ufi aka dansa gorsu nyaapa ufile d'iibifachise, jaallowani ufile durati koorani.

⁴Abbaani haga jiru yo ilma ufi arge ingammada, ammalle yo duele gaabu inqabu. Waan ilmi isaa isa fakaatufi inni ato duele woma jiru fakaata.

⁶Inni nama nyaapa isa haalo baasufi nama jaallowani isaati galata baasule yayu ufi duubati lakise.

⁷Ammo nami ilma ufi guddisa yake mada isaa hid'ufi male, yo iyyanna d'agayu ch'ufa lubbuti iti d'ufa.

⁸Fardi inleenjisini nama d'iba, ilmi aka hama guddisanileeni akasuma jira.

⁹Nami waan ijoolleeni feetu ch'ufa kenneefi akasini dallansiisu, taka tana lalefateti ufi gaaba.

¹⁰Yo atini amma iti kofalte taka tana lalefate boote ufi gaabita.

¹¹Haga inni diqa waan infed'u ch'ufa iti gadi ind'iisini. Ammalle yo inni jallatu ch'ufa inlakisini d'aani.

¹²Ato inni diqaatu d'aani harkati deefad'i. Yo atini akasi tolchu baate inni mata jabaate, taka tana ch'eera foko sii d'abe laala ch'alla sitini d'ufa.

¹³Tanaafi ilma kanke d'aani qajeelchi huji hojachiisi aka taka tana inni si inch'eersine. Fayya

¹⁴Fulla atini dureesa taate nafi fayya si inqamne sii hiyyeesa taate fayyafi jabeenna qabduti ira jira.

¹⁵Nafi fayyafi gammada qabu worqifi faaya isiile ira jira.

¹⁶Wonti waan kana ira si duroomse yokhaani si gammachiisa injirtu.

¹⁷Nami haguma jirani d'ukubi iraa imbaane, fulla gaargalu ato due dabre ira jira.

¹⁸Sagaleeni haga feetule mioftu yo nama fayya inqamne kennani woma keesa injirtu; seeruma sagale, waaqa d'arati kennaniti.

¹⁹Ammo wonti sagale Waaqa d'arati kennanifi injirtu wonti akanatiifi inyaatu yokhaani insufu. Inni seeruma nama Aabbo Waaqi gaargalche.

²⁰Inni sagale ufi laale hafuura darbe, akuma nama sange ka intala dubrati mamaratu taha. Gammadafi laalala

²¹ Beekha ufi gaargalchite ufi lalefachiifte ufi injibbatini.

²²Gammadi lubbu nama d'eerese jireenna dansa namaa kenna.

²³Herega ufi innaqini waan qabduni gammadi heregi nama heddu balleese, taka namuyu woma imbaane,

²⁴ato atini ingeenne si jaarsa. D'iibifi dallansuni jireenna si gabaabsiti.

²⁵Nami herega womatu inqamne ka gammada qabu, sagaleeni inni sooratuleeni iti miofti. Gaargala beeseni d'uftuni