Read BORANA BIBLE – KITAABA WAAQA Sira 31 Bible Online

Sira 31 - BORANA BIBLE – KITAABA WAAQA bible

Sira 31

¹Yaadoni beese si huqifte hiriibale si d'owarti.

²Yo ati nagata yaaddu, akuma nama d'ukuba gudda qabu hiriiba d'abda.

³Dureesi jabaate hojate beese guddo horata, duuba ufuma tae gammadani nyaata.

⁴Hiyyeesi jabaate hojate, ammo wonti inni hojate suni imullatu, ammalle yo hafuura baafatule akuma qara hiyyeesa.

⁵Nami beese jaalatu tokoleeni ka wollaala inqamne injiru; barbaadi inni beese barabaadu ya ch'ubbu keesa isa buuse.

⁶Nama heddu yayu beeseni balleesite gaargala itini d'ufte.

⁷Beeseni nama isi jaalatu ch'ufa t'urura iti taati. T'urura suni nami daalleeni ch'ufti keesa bua.

⁸Nami beese ato kara dabaatini imbarbaadini iti bahe ayyaana qaba.

⁹Atini nama akasi ka beetu inqabda? Yo beete ininu ya waan nami taka inargini tae, beeni abbo aka d'iira taate jed'iini.

¹⁰Nami waan kana tahe bira dabre waan kooruni qaba. Nami taka qoomni namaani dabsu arge ka nama indabsini injira?

¹¹Yo jirate horini inni qabu suni ya maleefi, akasifi nami ch'ufti ha durooma isaa saadufi Aka fulla golola jilati adabatani

¹²Hojja nami guddaani golola si yaame, sagale si duraani d'ufaani mamte hanch'ufa liliqimsite d'iiro sagaleeni akana maani injed'ini;

¹³qaabad'i ila d'eerinni waan hamtu; waan uumani ch'ufa keesa wonti aka ila sabdi injirtu, tanaafi isiini yo ch'ufa imimaani yaafti.

¹⁴Waan ilti tante gartu ch'ufa iti inhiit'eefatini, ammalle nama ch'iqileeni d'owarte sagale insaaminini.

¹⁵Aka nama d'ibiini sagale woliini nyaachuti jirtani qabaadi: ammalle waan yo sila si tolchani atinileeni infeene nama d'ibi intolchini.

¹⁶Yo sagale argate adabaani tai akuma nama nyaad'i, aka sabdii afaani bante inch'amisini, waan suni nami guddo jibba.

¹⁷Sagale nama ch'ufa durati iraa deebitini adaba dansa, sagale ufira dabarsiitini waan hamtu.

¹⁸Yo nama heddu golola woliini isani yaamani durati na gololcha jette, oli ingamini.

¹⁹Nami adaba dansa qabu waan diqole insifefata, ammalle hojja gadich'iiftu aka hafuura baafatu qabda.

²⁰Nami sagale ufira dabarsu garaati d'ukuba gach'iise imbulu. Ammo yo ufira dabarsu baate, aka dansa rafte boriyyale sablinani kaata.

²¹Ammo yo nyaate ufira dabarsite garaani si d'ukube, kai didifad'i, duuba akasini goomta.

²²Ilma kiyya yo atini jecha kiyya ch'aqafte guute taka tana galata naa deebifta. Waan taatu ch'ufa hagumati tai, duuba fayya ind'abdu.

²³Nama guddo sagale namaa kennu nami jaalateti galata himata.

²⁴Ammo nami dira ch'ufti nama hojja sagalee nama yaamu qoch'och'amu iraa gunguma, gungumsuni worra sunileeni waan jiraati.

²⁵Haga dandeetu ch'ufa daad'i d'udde ufira dabarsite akasini d'iiroma ufi ingarsisini; wonti akanatiifi daad'ini qara nama heddu balleesite.

²⁶Akuma sibiila ibida keesa buusani diimesani duuba eege, bisaani keesa buusani jabeenna isaa ilaalani, akasuma kiyyiba nama, hojja inni machae tae wo mormu kiyyibi isa ira mullata.

²⁷Yo hagati d'ugani, daad'ini jireenna, isi male jireenni eesa jira? Gammada namatifi isi mid'aasani.

²⁸Yo atini hojja fakaatuti hagumati d'udde isiini si macheesite si gammachiifti,

²⁹ammo hojja atini dallansufi miira hameennaani d'udde, isiini ch'eera foko si d'owarte matale si d'ukubsiti.

³⁰Nami daalleeni yo d'uge machau, dallane nafa ufile wo ufi tolcha. Daad'ini inni d'uge sunini humna isa d'owarte, nami d'ibileeni yoosu isa d'aana.

³¹Yo namaani woliini farso d'uddani, wollaala inni qabu ingarsisini. Isa dubbini woraante gammada isaa suni duraa iyakini. Hojaani nama gorsani, gati naa baasi jed'anini suniniti.