Read BORANA BIBLE – KITAABA WAAQA Sira 33 Bible Online

Sira 33 - BORANA BIBLE – KITAABA WAAQA bible

Sira 33

¹Nama Aabbo Waaqa sodaatu wonti hamtuni iti ind'uftu; ato isiini aka feetu iti d'ufteleeni Aabbo Waaqi jaaluma baasa.

²Nami Seera Waaqa womatu indarre daalle, ammalle nami nama Seera guutu ufi tolche, ammo tolchu didu, hobolo d'awani galaana oli gadi d'oftu fakaata.

³ Yo atini nama wo beekhu taate Seera ind'ugefata; ammalle inni akuma nama Urimuni wo himu d'uga siti hima.

⁴Waan jechu feetu duratu kurfefad'i, duuba biyyiti si ch'aqafti. Yo wo dubbatu waan barate dubbad'i.

⁵Qalbini daalle akuma miila gaari marti.

⁶Jaali wo goyeesu farda inleenjisini ka yo nami yabachu fed'u namati imimsu fakaata. Nami aka aka jira

⁷Guyya gaari maafi guyya jaba tolfatani, ka ufiftu guyya Waaqi uume ch'ufa aduuni akuma taka baate d'iitu.

⁸Wonti akasi tolfatanifi Aabbo Waaqati guyya jilaatifi ka aada tolfatani fohate kobe baase.

⁹Inni guyya gari guyya jaba qulqullo tolche kaani akanumati lakise.

¹⁰Nami ch'ufa akuma Adamu biyye ira mid'aasani.

¹¹Ammo Aabbo Waaqi qarooma ufitini nama ch'ufa aka aka uume huji aka aka kenneefi.

¹²Inni ka gari eebise qulqulleese ufiti aanfate. Ammo ka gari abaare yarse, guddinna d'owe.

¹³Akuma nami faara kuuch'u d'oqe suni waan fed'u mid'aasu, akasuma Waaqileeni harka ufitini fed'i ufi gula nu uume.

¹⁴Aka Waaqi gubbaa wo mid'aase herega, ka ch'ufa lama lamaani mid'aasani ka waan kamu wolti ind'ieesine. Dansumafi hameenni waan woldidati, duafi jireenileni waan woldidati. Ch'ubbuleeni akasuma nama seera Aabbo Waaqa jabeese guutuni woldidi.

¹⁶Anini gama kiyyaani nama eege ka huji d'ufe, akuma nama eegi worri mid'aani zabibu guure dabre, d'ufe waan hafe guuru. Ammo Aabbo Waaqi na eebise, anini huji tiyya mid'aase, akuma nama mid'aani zabibu guure fulla mid'aani iti ch'ach'arasaniti guutu.

¹⁷Ammo waan kana beekha, anini huji tana ufi ch'allaa intolchine, ammo nama wo barachu fed'u ch'ufa tolche.

¹⁸Isani worri gugurdaani ch'ufti na ch'aqasa! Isani ch'ufti ka gumii mataa na ch'aqasa! Nama d'ibi finnaa inheregatini

¹⁹Nami tokoleeni haga atini jirtu ilma kanke taanaani, niiti tante taanaani, oboleesa kanke taanaani, si imohatini. Hori kanke nama tokole inkennini gaafini gargalteti naa deebisi fa jetta,

²⁰haga hafuuri si keesa jiru ka lubbuuni si keesa imbahini, nami waan atini tau malte siti inhimini.

²¹Fulla atini ijoolle tante ira wo eegatu, isii sira wo eegatuti ira jira.

²²Waan tolchitu ch'ufa dabsad'i harkati deefad'i, wonti tokoleeni gurra si imballeesini.

²³Haga ch'ichu geetuti eegi, waan qabdu ch'ufa nama si d'aalu d'aamadi. Aka tisse fidani

²⁴Harre okhayafi, qarqaba isiini baatufi, uleeni, waan isii male. Akasuma wonti tisse male sagaleefi hujifi ule.

²⁵Yo atini tisse tante hojachiifte boqata argata, yo atini huji womatu iti kennu baate inni balchooma barbaada.

²⁶Lugamafi qaampari waan horini leenjisani, akasuma tisse miila isii rako keesa kayani hid'ani d'aanani.

²⁷Aka dansa hojachiisi hafuura baafachu d'owi yo hafuura baafteefi akuma inni si gaargalchu barsiisuti jirta.

²⁸Wonti isaa male huji, yo inni sii insaalfanne sansalatani hid'i.

²⁹Ammo haga namati dabrate nama indabsini.

³⁰Yo tisse qabaate waan yo nami d'ibiini si tolchu atini infeene isiile intolchini; wonti akanatiifi atini iti danfite beese teetini bite.

³¹Akuma oboleesati heregadi. Inni sii lubbu aka d'abdu inqabdu. Yo atini dabsite inni si bira baqatu eesa deemte isa barbaada? Oobjuni woma keesa injirtu