Read BORANA BIBLE – KITAABA WAAQA Sira 35 Bible Online

Sira 35 - BORANA BIBLE – KITAABA WAAQA bible

Sira 35

¹Seera Waaqa guutitini sorio baasani ira jirti; ammalle ufitu sorio wold'ageeti,

²galata namaa deebisiitini, sorio mid'aani ta Waaqa baasani fakaata; hiyyeesa wo kennitini, waan galata ka Waaqa kennani fakaati.

³Ch'ubbu ira fagaachaani Aabbo Waaqa gammachiifte, akasini siifi Waaqa wolti araarsiti.

⁴Harka duwa Aabbo Waaqa dura ind'ufini,

⁵Seeri waan suni sira fed'a.

⁶Hojja nami d'ugaa qajeelani sorio Waaqa baase d'ad'aani gabbinna ibidati ch'och'opu ch'iinch'ani isaa gubba gara Waaqa guddaa d'aati.

⁷Aabbo Waaqi waan nami d'ugaa qajeelani baasu infud'ata, ammalle deebie inded'u.

⁸Arjoomani Waaqa wo baasa akasini isa guddisa; ufo taate mid'aani qara muratu qooda Waaqa baasani ind'owini.

⁹ Waan baaftu ch'ufa gammadaani Waaqa baasi, ammalle hojja qooda mid'aani Waaqa baaftule gammadaani baasi.

¹⁰Ammalle akuma Waaqi gubba wo sii kenne atinileeni arjoomani kennifi.

¹¹Aabbo Waaqi waan nami isaa baasu namaa deebise, hagasi ira guddise sii kenna.

¹²Aabbo Waaqa ingumbeesini, yokhaani sorio hori karaa dabatini argate ind'aabatini, inni Ee jed'e siraa infud'atu. Waaqi ka d'ugaa Waaqi ka d'ugaati nama gargari infilatu.

¹³Inni hiyyeesa indabsu; hojja nami dabsani Aabbo Waaqa kad'atu, inni kad'acha suni ind'agayaafi.

¹⁴Hojja ilmaani hiyyeeyifi haati hiyyeesa guddifte isa kad'atu, inni jala indidu.

¹⁵Imimaani haad'a hiyyeesa ka boqo isi ira yaani nama isi booche himatani.

¹⁶Garaa tokooni Aabbo Waaqa hojad'i, inni si indidu, duuba kad'achaani teetileeni gubbati isa d'aqabdi.

¹⁷Kad'achaani nama ufi ingudimne duumansa bira dabarte oluma deemte Aabbo Waaqa ka gubba d'aqabde, duuba haga inni kad'achaa suni d'agaye d'uga isaa galche nama wollaala qabu wollaala iti muruti achuma teeti.

¹⁸Ammalle Aabbo Waaqi yoosu wo tolcha. Inni ch'ubbicha diqole inobsu, inni nama isa imbeenne hobaase haalo baafata, ammalle nama naasu inqamneefi nama ufi saadu daara baase, worra ch'ubbu ka lafa mohatule balleesa.

¹⁹Inni nama ch'ufa waan heregafi hujini worra malteefi kennaafi. Maro naasu Aabbo Waaqatifi gumiini isa ingammadi eegi inni dubii worra qoru.

²⁰Akuma nami hojja boni d'eeratu bokaa d'arrau yo gaargali d'ufule naasu isati d'arraani. Aka worri Israeli Waaqa kad'ate