Read BORANA BIBLE – KITAABA WAAQA Sira 36 Bible Online

Sira 36 - BORANA BIBLE – KITAABA WAAQA bible

Sira 36

¹Ee Waaqa abba waan ch'ufa, nu ilaali nu nahi.

²Gosa ch'ufa ufi sodaachisi.

³Nyaapa ch'ufa harka iti olfud'ad'i irre tante garsiisi!

⁴Atini qulqullooma tante nuni worra agarsiifte, amma worraani guddinna kanke nu garsiisi.

⁵Worrileeni ka akuma keenna baratu, ee Aabbo si male Waaqi d'ibiini lafa keesa injiru.

⁶Akheekha haraa baasi waan mama tolchi guddinna irre teeti nu garsiisi!

⁷Guyya nami ch'ufti waan mama ka atini tolchitu arge waan isaa dubbatu, nuraa intursini kootini. Dallansu tante ta aka ibida bobeetuni nyaapa keenna gubi balleesi fiigu d'owi, worra gumi tante dabse balleesi.

¹⁰Hayyoota nyaapa keenna ta nama lafa keesa jiru ch'ufa waan ira jirtu ufi seetu mata worra ch'ach'arasi!

¹¹Gosa Israeli ch'ufa wolti deebisi lafa atini duri worra kennite taaniti worraa deebisi.

¹²Ee Aabbo Waaqa gumi tante ta Israeli ta maqa keetini yaamani ta atini ilma kanke ka angafa tolfate nahi.

¹³Dira kanke qulqullo Yerusalemu ka atini fohate keesa teete nahi.

¹⁴Mana kanke ka gaara Sioni gubba jiru guddinna keetifi faaru si faarsanini guuti.

¹⁵Gumi tante ta atini duri uumte d'uga tahi, dubbi maqa keetini fagani guuti.

¹⁶Nama si d'ugefate si eegatu waan worra male kennifi, raagoota teetile d'uga galchi.

¹⁷Atini haguma duriiti gumi teeti eebifta; nu hojatu tante ta si kad'atu ch'aqasi. Duuba nami lafa keesa jiru ch'ufti aka atini Aabbo Waaqa haguma duri jiru si beekha. Aka intala halkuma lalatani

¹⁸Nami sagale ch'ufuma soorata, ammo sagaleleeni woli ira jirti.

¹⁹Akuma arabi mia fooni gargari beekhu, akasuma qalbini wo beetuleeni dubbi d'araafi d'ugaa gargari beeti.

²⁰Nami keesi isa qonyicha d'ibaani d'ufa, ammo nami wo beekhu d'iba suni ira deebisa.

²¹Dubarti nama fuud'u fed'u, aka diddu inqabdu, ammo d'iirti dubra filate fuud'u malte.

²²Mid'aagumti nad'eeni d'iira gammachiifti; wonti haga isi ila namati dansa lafa keesa injirtu.

²³Nami niiti naaso dubbi laana fuud'e, nama ch'ufa ira ayyaana qaba.

²⁴Nami yo niiti fuud'u inni waan waan ch'ufa ira jira argata, niiti isa qarqaarte jabeesitu.

²⁵Yo atini hori kanke mana iti injaaratini nyeench'a worabesati balleesa, ammalle yo nami niiti inqamnele inni seseguma lafa maru.

²⁶Akuma hattu dira ch'ufa ira martu nami ind'ugefanne, akasuma nama sesega worra inqamne ka fulluma ch'ufa bulu nami ind'ugefatu. Jaala d'ara