Read BORANA BIBLE – KITAABA WAAQA Sira 37 Bible Online

Sira 37 - BORANA BIBLE – KITAABA WAAQA bible

Sira 37

¹Nami deemu ch'ufti dandae anini jaala kanke sini jed'a, ammo ka gari maquma.

²Lalalti yo jaali jabaani lamaani wold'abu worra lachutu d'uftu, woma aka duati.

³Heregi hamaani nu qamnu kunini akami nu keesati uumame, lafa ch'ufa sobaani balleese?

⁴Nami gari haga lafti nagaya qabdu si jaala, ammo hojja gaargali d'ufu siti gargala.

⁵Jaali d'ugaa yo nyaapi kanke si had'u sii kalche, had'iisa keesaleti wonte sii taha.

⁶Nama woraana keesati sii kalchu inded'ini, waan boojitele woliini qoodad'a. Aka dansa ufi egad'i ato gorsa infud'anne

⁷Nami si gorsu waan guute, ammo ka gari ira jirti ufiitifi si gorsa.

⁸Nami si gorsu fed'u aka dansa dubbi isa keesa ilaalad'i qara fiit'e waan inni si gorsu fed'ufi hubad'i, wonti akanatiifi inni woma isaa olaana heregafi akasi taha beekad'i. Inni maafi si dabse waan ufi fed'uni si guutata.

⁹Inni wonti kunini dansa jed'e iti si naqe ufi gamati bahe waan atini taatu laala.

¹⁰Nami si ind'ugefanne gorsa womatu ira infud'atini, ammalle nama d'iibi sii qabule ingorsini.

¹¹Nad'eeni wolimbeene ta woli hinaftu, waan taani ingaafatini. Daafana waan woraana ingaafatini. Daldaltu waan gati ira buiti ingaafatini. Nama wo bitatu waan biti ingaafatini, nama ufo waan galata deebisiiti ingaafatini. Nama hama waan naasu ingaafatini. Nama muyo waan huji ingaafatini. Nama kira sii hojatu aka hujini hobaate ingaafatini. Tisse muyo waan huji jajabdu ingaafatini, worra akana kana ch'ufa gorsa isani tokole infud'atini.

¹²Fulla akasi nama Aabbo Waaqa sodaatu, ka seera isa guutu, ka naasu sii qabu, ka badi teetile infeene, d'abad'i gorsa ira fud'ad'i.

¹³Woma garaani kanke argu tahi; Woni gorsi suni ira jira injirtu.

¹⁴Maro gari wonti qalbini tante feetu, nama torba ka doofi ira tae wo argu ira wo siti hima.

¹⁵Waan ch'ufa ira Waaqa Gubbaa kad'ad'i aka inni waan d'ugaa si garsiisu. Qarooma d'ugatifi ka d'ara

¹⁶Wonti tolchani ch'ufti malafi mari feeti.

¹⁷Wonti kunini afrani waan qalbini nama yaadu: Dansumafi hameenna, duafi jireenna. Heregi kunini ch'ufti qara mata keesa baa, ammo ch'ufa arabati mohata.

¹⁹Nami gari qalbi woini barsiisu qaba, ammo ufi woma imbau.

²⁰Inni hegeri dubbi keesa baatu fa guddo qaro ammo waan nami isa jibbuufi beelaani dua.

²¹Yo inni qalbi inqamne inni akasi inuma taha, hojja Aabbo Waaqi mala womatu isa inkennini.

²²Nami gari qaro ufi sehe, ammalle aka d'uguma waan ch'ufa beekhu si garsiisa.

²³Nami d'uguma qarooma qabu nama ufi barsiisa, ammalle worrileeni dandae aka wonti barsiisa, d'ugaa beekha.

²⁴Nama akasi suni nami ch'ufti faarse nami kunini nama ayyaana jed'e, nama ch'ufati odeesa.

²⁵Jireenni nama haga qaba, namu guyya ufi qaba, ammo worra Israeli jireenni worra haga inqabu.

²⁶Nama qaro gochiti isaaleeni d'ugefate, haga jireenna jiru qaabati. Aka sabdooma didani

²⁷Ilma kiyya, haga jirtu sabdoofte garaa gula indeemini, ufi eegad'i, ammalle sagale garaa si yakitu inyaatini.

²⁸Sagaleeni ch'ufti nama ch'ufa himmalle, ammalle nami ch'ufti sagale takaa injaalatu.

²⁹Sagale mioftu waan ch'ufa qabdu ta garaani iti si eju ch'alla gula indeemini, yokhaani sagale ch'ufaani insabdaini.

³⁰Yo sagale ufira dabarsite indidida. Yo guyya ch'ufa akasuma taate garaani si d'ukuba.

³¹Nama hedduti sabdoomani raawate, sabdooma lagad'i lubbu d'eerad'i. Fayya d'abaafi qorsa