Read BORANA BIBLE – KITAABA WAAQA Sira 38 Bible Online

Sira 38 - BORANA BIBLE – KITAABA WAAQA bible

Sira 38

¹Ch'ireeyyi guddinna maleefi kennifi, wonti akanatiifi huji suni Aabbo Waaqati worraa kenne.

²Ch'irumaani Aabbo Waaqa, Waaqa gubbaa ira d'ufte, hayyootileeni suni jette galata kennitifi.

³Beekhi worra ya guurra worraa kenne, ammalle nami irre qabuleeni worra guddisa.

⁴Aabbo Waaqi qorsa lafuma keesa mid'aase, nami wo beekhuleeni qorsa suni intuffatu.

⁵ Duri mukhi bisaani had'ao imiesine? Aka akasini nami irre Aabbo Waaqa beekhu.

⁶Inni beekha ch'iruma namaa kenne, aka akasini nu waan mama ka inni tolche jenne maqa isa faarsinu.

⁷Nami waan beekhu qorsa d'uube duuba ch'ireesi qorsa sunini namaani wollaane d'ukuba nama fayyisa. Hujini Aabbo Waaqa ch'ufti muumme inqabdu, inni nama ch'ufa fayya kennaafi.

⁹Ilma kiyya yo fayya d'abde deebite ufira intahini Aabbo Waaqa kad'ad'i inni si fayyisa.

¹⁰Ch'ubbu tante himad'i arma achi waan hamtu ch'ufa lagad'i, finna dansa fidami.

¹¹Hit'aanafi mid'aani Waaqa baasani, haga dandeetu dadansa baasi.

¹²Duuba eege ch'ireesa yaami isale Aabbo Waaqati uume ufi bira teesisi, inni wo sii baa.

¹³Hojaani gari injirti ta atini ch'iruma isa feetu.

¹⁴Ch'ireesileeni Aabbo Waaqa kad'ata aka inni ch'iruma keesa isa qarqaare wollaansi inni namaani wollaanuleeni eebifame nami sunini fayyu.

¹⁵Nami Waaqa isa uumeti ch'ubbame, d'ukubi inni fuud'e sunini waan isaa male. Aka nama due bohani

¹⁶Ilma kiyya, yo nami due bohifi. Guddisi lalefad'i bohi akasini naasu gaarsiisi. Reefa suni aka dansa bisaani d'iqi woya iti mamari waan isaa male ch'ufa tolchi awaala isaale keesa jiraad'i.

¹⁷Garaa naasutini guddisi lalefad'i bohi, guyya boha toko taanaani lama taanaani bohifi, ammo eegi suni garaa jabaad'i ira ufi hambisi.

¹⁸Lalalti dandeete fayyafi humnale si d'owarti.

¹⁹Eegi nami ke due, lalalti indabartu, ammo ufi eegad'i wonti sunini hiyyumani siti ind'ufini.

²⁰Laalala garaati qabaate woliini inturini, qaabad'i nami ch'ufi inuma dua.

²¹Nama due nami kaasu dandau injiru, lalalti tante suni isale inqarqaartu, ufuma si ijeefti.

²²Atinileeni akuma isa suni doota, arra maro isaati, bori maro tanteti.

²³Nama eegi inni due awaalani jibbaad'i, inni ya due dabre garaa jabaad'i waan isaa ded'i. Soomitifi huji d'ibi

²⁴Nami wo soomu qoomni woini soomu argachu male, aka wo baratu, tanaafi huji d'ibi iti kennu himmalle.

²⁵Nami oobru hojatu akamini waan d'ibiti taake barata, ka ufiftu wonti inni heregu qoti oobru qotiyyooni qotanifi, ammalle haasa isaa woma hori ch'alla?

²⁶Inni haga dandau iti jabaate lafa oobru qotiyyooni qajeelche fafalansa. Ammalle qotiyyo suni jabeese tisse marra quubsa.

²⁷Akasuma nami hogeesi harka ufiitini wo mid'aasu beekhu, ka halkani guyya d'akhaye ch'uch'ulut'u boch'e barreese barru haareti iti mid'aasu hojata. Inni iti jabaate fakeenna wo mid'aase, aka huji suni hojatu halkanile ch'ufa gula hojatu.

²⁸Akasuma tumtichi tuubo ufi bira tae, sibiila harka qabu waan tume mid'aasu herega. Hojja inni tae hojate danfu, owi ibida goga irati gube, qileesi burrisa gurra isaa duuche, hojja inni waan mid'aasu fed'u tae aka isiini mid'aadu ilaalu. Inni guddo halkani guyya hojate huji suni qit'eese hobaasu fed'a.

²⁹Akasuma nami faara quuchu waan aka d'akha daakhu ka d'oqeeni mid'aasu miila ufitini marse, iti jabaate qalbi tokooni hojate, waan guyyati mid'aasu herega.

³⁰Inni d'oqe suni miila ufitini laafise harkaani ch'ire waan mid'aasu fed'u mid'aasa. Duuba eege ammalle waan d'ibi ibse nafa isii aka dansa mid'aasa. Ammalle halkani fulla iti gubani suni hare mid'aasa.

³¹Worri kunini ch'ufti nama harkaani wo hojatu, ammo namu hujuma ufiti hogeesa.

³²Worra akana kana male diri sila injaaramu; fulla worri akana kunini injire nami dandae iti inqubatu.

³³Jara akana kana gaadisa koraati iyaamani, ammalle guddinna womale inargatu. Worri dubbi qoru imbeekhu jaallabale intau. Worri barsiisa womatu inarganne qarooma womatu inqabu. Worra dubbi mammaasani dubbatu ind'ageetu.

³⁴Ammo hujini worri hojatu sunini waan lafa mid'aase dura deemsisaati. Hujini worri hojatu kad'acha Waaqa kad'atani worra taati.