Read BORANA BIBLE – KITAABA WAAQA Sira 39 Bible Online

Sira 39 - BORANA BIBLE – KITAABA WAAQA bible

Sira 39

¹Ammo nami ufi baase Seera Waaqa gubba soomu akasi injiru. Inni qarooma worra duri wo t'aafe laale, waan worri fage jabeesa.

²Inni jecha worra gurra qabu barate, qalbi keesa keeyate, mammaasale namaa diiga.

³Inni dubbi mammaasa ta d'ossa ta yoosu namaa ingalle nama hubachiisa.

⁴Jari gugurdaleeni kooti nu qarqaari isani jed'e, innileeni worra akasitini woliini yaani. Inni imaltu lafa fago d'aqe dansumafi hameenna nama akasini barata.

⁵Aki inni ganamani kae Aabbo Waaqa gubbaa ch'ubbu naa araarami kad'atu isaa aada.

⁶Duuba yo Aabbo Waaqi guddaani kad'acha isaa suni ee jed'e, inni qalbi guddo horata. Inni dubbi qarooma aka bisaani eela gadi madde, kad'acha ufitini Aabbo Waaqa galata deebisa.

⁷Inni beekhaafi gorsa ka nami d'ibileeni dandae ira baratu qaba, ammalle waan Aabbo Waaqa ka nami ch'ufti imbeennele inhubata.

⁸Inni barsiisa ufi keesati aka wo beekhu garsiise, duuba beekha Seera Aabbo Waaqatifi wold'aqisa isaatini ufi koorsa.

⁹Qarooma isaatifi fulla ch'ufati isa faarsani, qaroomi sunini haga jiru imbadu nami faana isaa d'ufuleeni haga jiru isa qaabata, maqaani isaa haga jiru imbadu.

¹⁰Gochiti d'ibiini waan qarooma isaa dubbati, gumiini Waaqaleeni isa faarsiti.

¹¹Inni yo jaare fulla gae due gurraani dua, ammo yo inni ato gurra inargatini duele woma iraa inqabu. Faaru Waaqani faarsani

¹²Anini waan guddo herege ka jechu fed'u qaba. Heregi ya mata keesa na guute, addeesa d'eerate goobana tahe faakata.

¹³Ilmaani tiyya, ta Waaqa jaalatu, na ch'aqasa, akuma daraara afaani bisaaniti bau baa bosona.

¹⁴Akuma daraara liike urgaa bosona, akuma hiit'aana urga foole teesani qilleensa keesa yaasa. Aabbo Waaqa faarsa huji isaa ch'ufafi galata deebisaafi.

¹⁵Guddinna isa lalaba galata deebisaafi isa faarsa! kirari fud'ad'a sirba kana sirba.

¹⁶Wonti Aabbo Waaqi tolchu ch'ufti dansa, ammalle wonti inni intolcha jed'eeleni turi d'iad'i inuma taati.

¹⁷Nami tokoleeni wonti kunini maani maafi akasi taate? jed'e ingaafatini. Gaafi tana ch'ufa guyya himaniti jira. Jecha isaa gula bisaani gooraani ufuma ejjani, inni dubbannaani bisaani qajeelani ufuma ejani.

¹⁸Wonti inni hatatu jed'u hojuma suni taati, irreeni isaa ta namaani baasani haga inqabdu.

¹⁹Inni waan nami tolchu ch'ufa inarga; aki ila isaa dura d'okhatani injiru.

²⁰Inni haga uumamatifi haga muumme waan nami tau ch'ufa inarga, wonti tokoleeni ka isa mamsisa injirtu.

²¹Nami tokoleeni wonti kunini maani, maafi akasi taate? Jed'e ingaafatini; wonti ch'ufti woma uumanifi qabdi.

²²Eebiti isaa akuma galaana nile guutamte iraani dambalaate lafa ch'ufati fach'aate lafa michisiifti.

²³Inni bisaani miao kureese gosa ch'ufati dallana.

²⁴Nama isa jaalatu karaani isaa qajeela, nama isati ch'ubbamu karaani isaa gufufi qoraati qaba.

²⁵Haguma duriiti inni waan dansa nama dansa mid'aase, waan hamtu ch'ubbicha mid'aase.

²⁶Wonti nami jireenna ufi qaabachu male tana: bisaani, ibida, sibiila, soodda, dargaye daakhani, damma, aanani, daad'i, gaad'a, d'ad'a.

²⁷Wonti kunini ch'ufti worra Waaqa jaalatu dansa, ammo ch'ubbicha gargalteti hameenna taati.

²⁸Bubbeeti jira ta namaani balleesani uumani, ta dandeete gaarale fulla godaansiftu. Gaafa qorsuma bubbeeni sunini irre ufi gadi baafti, dallansu Waaqa qabaneesiti.

²⁹Bineensa hamamafi qaanjibufi bofafi goraade ch'ubbichaani balleesanifi ibidaafi bokaya d'akhaani roobufi beelafi d'ukubale. Waan kana ch'ufa aka namaani gaargalchanifi uumani.

³¹Wonti kunini ch'ufti jecha Aabbo Waaqa guute, lafa tana gubbaa aka isaa hojatu hojja ch'ufa kurfo ch'iifti. Yo guyyaani worri huji isaa hojatu gau, worri isa jala indidu.

³²(Anini haguma duriiti waan kana d'ugefad'e, tanaafi eegi herege armati t'aafe.)

³³Wonti Aabbo Waaqi uume ch'ufti dansa; inni waan nami fed'u hojja nama malte tolchafi.

³⁴Nami waan kanati waan suni ira hamtu dandae jed'u injiru; wonti akanatiifi wonti ch'ufti guyya isii male qabdi.

³⁵Amma duuba garaa keesani ch'ufaani sirbaa, maqa Aabbo Waaqa faarsa! Gaargala jirenni nama qabu