Read BORANA BIBLE – KITAABA WAAQA Sira 4 Bible Online

Sira 4 - BORANA BIBLE – KITAABA WAAQA bible

Sira 4

¹Ilma kiyya hiyyeesa dabsite waan inni ufini bulchu ind'owini, yokhaani yo inni wo si kad'atule tursite inhifachiisini wo kennifi.

²Nama beela qabule garaa yakite indallansisini.

³Nama qara ufi jibbaate gaargala d'ibi iti indarani, yo inni, d'ipate hurrisi wo kennifi.

⁴Nama gaargala qabu ka wo kad'atu qarqaaru indidini. Hiyyeesa dudda iti galte ufi inabarsisini.

⁶Yo inni garaa hammaate si abaare, Waaqi isa uume kad'acha isaa ind'agayaafi.

⁷Waan dansa tolchi gumi keesa gurra baafad'i, nama sira guddaa gajed'i ulfeesi.

⁸Waan hiyyeesi sini jed'u ch'aqasi laanuma jala qabi.

⁹Nama nami dabsu nama isa dabsu suni ira d'owi, ammalle hojja dubbi laaltu woma insodatini.

¹⁰Hiyyeeyile abba iti tahi, haad'a hiyyeesale qarqaarsa d'iirsoti dandeete amma inkenninefi kennifi. Duuba akanani ilma Waaqa gudda fakaate innileeni haatetile ira si jaalata. Aka qaroomi wo nama barsiisu

¹¹Qaroomi nama isa barbaadu qarqaare guddinna kennaafi.

¹²Nami isa jaalatu jireenna jaalata, nami ganamani isa barbaadu gammada gudda argata.

¹³Nami qarooma argatu guddinnaani baa, fulla inni bau ch'ufa Waaqi ineebisa.

¹⁴Nami qarooma hojatu, Waaqa qulqullo hojata, nama qarooma jaalatu ch'ufa Aabbo Waaqi injaalata.

¹⁵Nami isa ch'aqasu ch'ufti qaroomani dubbi mura; nami isa d'agayu ch'ufti soda male nagayaani taa.

¹⁶Yo qarooma d'aabate argateti, taka tanale ilmaani teeti dabarsita.

¹⁷Qara qaroomi kara jajaba gula sini deema, inni si sodaachise kara sunile gula deema si hanqisa. Wonti qaroomi sira fed'u, gaargala hama si taate, inni waan sira fed'u sunini si ilaalate, haga eege aka dansa si d'ugefatuti.

¹⁸Duuba inni hurrise fulla tante d'ufe waan si d'osse kaani siti mullise si gammachiisa.

¹⁹Ammo yo atini kara ira gorte inni si lakise badiiti yaala si baa. Ufi d'abachiiti

²⁰Qoomni argatu imballeesini ammo hameenna ufira d'owi ufile intuffatini.

²¹Ufi diqeesitini saalafi guddinna namaa kenniti, ammo ufi tuffini ch'ubbu keesa nama buufti.

²²Aka nami fed'i ufi gula si dabsu ee injed'ini, waan argachu malte lakifte ufi imballeesini.

²³Hojja dubbachu malte sodaate afaani inqabatini qarooma kanke ind'ofatini.

²⁴Qarooma keetifi beekha keetile araba ke irati beekhani.

²⁵Ammo tatule d'uga indidini, ammalle aka waan ch'ufa beekhani inqit'efannele qaabad'i.

²⁶Ch'eera jette ch'ubbu tante himachu indidini, silaaftu wonti yaasuma galaana kutanifi injirtu.

²⁷Daalleeni si dabsate si imohatini yokhaani nami kunini guddinna qaba jette ira inch'iisini.

²⁸D'uga iraati dui Aabbo Waaqileeni sii kalcha.

²⁹Dubbiti inhariifatini yokhaani hujiti laafte iyaratini.

³⁰Worra kanke mohate iti imbineesaini guyya ch'ufa wollaala hojatu teeti imbarbaadini.

³¹Wo nama ira fud'ad'a jette inhariifatini ka ufiti yo marooni tante geetu harka kontorfatu. Wonti nami heregu ch'ufti d'ugaaniti