Read BORANA BIBLE – KITAABA WAAQA Sira 41 Bible Online

Sira 41 - BORANA BIBLE – KITAABA WAAQA bible

Sira 41

¹Dua! Heregi isi nama hori qabu ka hori ufi herega male nagayuma tae nyaate d'ugu akami iti hama.

²Dua! Nama hiyyeesa ka fayya inqamne ka jaare heregi iti guddate ila d'abe ufi jibbaate akami iti miofti.

³Dua insodatini, qaabad'i isiini nama ka si duraleti qara d'ufte ka eegi tanale akasuma iti d'ufti.

⁴Aabbo Waaqi waan lubbu qaba ch'ufa ya dua iti mure siti eennu ka fed'i Aabbo Waaqa diddu? Boola ekhera keesati atini ganna kud'ani teennaani d'ibba teennaani yokhaani kuma tokole teennaani nami ganni kanke hagami jed'e si gaafatu tokoleeni injiru. Waan ch'ubbichi iti deemu

⁵Ilmaani ch'ubbichi ta olla worra Waaqa imbeenne keesati guddatu, ilmaani abaarsati.

⁶Isiini waan d'aaltu d'abde d'alooti worraleeni haga jiru ch'eerani taa.

⁷Ilmaani akasi sunini taka tana yo akasi ch'eerani bade, worra isaani ka Waaqa imbeenne suni haalati.

⁸Isani ya badaani worra Waaqa imbeenne ka Seera Aabbo Waaqa Guddaa lakise.

⁹Yo ijoolle d'altani, ijoolle suni badini iti d'ufte isani laalati haftani. Yo isani gugufatani nami gammade, eegi dodatanile isani abaarani.

¹⁰Wonti woma keesa imbahini womutu indeebitu; akasuma worri Waaqa imbeenne taka tana sofameti daara d'aba.

¹¹Nafi nama woma keesa injiru ammo gurri dansaani haga jiru jireenna taa.

¹²Maqa kanke jabeesi badi d'owi inni siifi hori worqi ka atini olkeeyatele ira tae gurra siti tolcha.

¹³Jireenni dansaani haguma diqa taa, ammo gurri dansaani haga jireennafi jiru taa. Ch'eerafi foko

¹⁴Ilmaani tiyya dubbi anini isani barsiise gula yaa nagayaani taa. Qaroomi d'ossanifi beeseni d'ossani akuma taka jirti maani namaa baati?

¹⁵Nami daalluma ufi d'ofatu nama qarooma d'ofatu ira jira.

¹⁶Ilmaani tiyya hojja nami ch'eeru himmaliniti jira. Ammo ch'aqasa hojja nami ch'eeru male isani barsiisa.

¹⁷Abbaafi haad'a tante durati waan ch'eera woliintolchina. Hayyufi nama guddinna qabu durati d'ara indubbatina.

¹⁸Jaallaba durati waan hamtu intolchina. Gumi durati seera inch'absina. Jaalafi wahela keesani durati, kara dabatini waan horatani imbarbaadina.

¹⁹Nama olla keesani durati wo inhatina, kakhu kakhatani inch'absina, fulla gololati ch'eera ind'abina. Hojja wo isani kad'atani ufo taatani wo nama ind'owatina.

²⁰Hojja nagaya isani fuud'ani nama jala indidina, sharmut'a yo gartani ilaani gula indeemina.

²¹Hojja nami fiit'a teesani qarqaarsa isani kad'ate ind'owatina. Nama d'ibi hori isaa dabsitani ind'owatina.

²²Tisse teesani ta uwa rifane isii hanqad'a, sire isii iti ind'iatina. Jaallani teesani inarabsina.

²³Wo namaa kennitani ammalle gargaltani namaani imiid'ina. Yo waan kana ch'ufa guutani isaani nama ch'eerafi foko qabu taatani namileeni isanii saalfata.