Read BORANA BIBLE – KITAABA WAAQA Sira 42 Bible Online

Sira 42 - BORANA BIBLE – KITAABA WAAQA bible

Sira 42

¹Dubbi biyya sodaatani wollaala keesa inseenina. Kunini wonti ch'ufti waan isani hojja tolchitanile iraa ch'eeru himmalini,

²Seera Aabbo Waaqatifi wold'aqisa isale, hojja guutiti iraa inch'eerini worra Waaqa imbeennele dubbi worra d'uga gula qortani iraa inch'eerina.

³Wahela keesani ka daldaltu yokhaani nama imaltu woliini yaatani hojja beese qit'e baaftani, inch'eerina. Hojja d'aala qit'e qodaatanile iraa inch'eerina.

⁴Hojja misana qit'eeni wo biimitani iraa inch'eerina.

⁵Hojja dilaala keesa tirfi guddoofi diqo argatani iraa inch'eerina. Hojja dilaaltu gati wolhaatani iraa inch'eerina. Hojja ijoolle teesani d'aantani qajeelchitani iraa inch'eerina. Hojja tisse hamtu ule hamtu d'aantani d'iisitani iraa inch'eerina.

⁶Hojja niiti tante d'ugefachu baate yokhaani ka nami hedduuni d'aatu suni ch'iisu waan kanke qulfate ya waan dansa taate.

⁷Waan olkeeyatifi ka nama kennitufi ka nama ira fud'atule aka dansa t'aafi jabeefad'u.

⁸Nama waan daalluma taufi jaarsa sharmut'ani deemu yo agarte gorsu insodatini. Wonti kunini ch'ufti gorsa namaa male, yo gula deemte nami ch'ufti si quufa. Abbaafi dubbra

⁹Abbaani ato intala ufiti himule baate, waan isii yo rafulle herege yaada. Yo isiini diqo, aka isiini d'iirsa d'abdu fa herega. Yo fuud'ani aka isi jibbani fa yaada.

¹⁰Yo isiini guddate gaaltama taate, aka isiini aanani fooni nama d'ibi kennite yokhaani ilmaanile ind'alle fa yaada.

¹¹Intala tante yo isiini mata ufiti deemu feete aka dansa jabeesi qorqorad'i. Yo akasi tau baate isiini si ch'eersite nyaapi kanke si miid'e dira keesa nami ch'ufti si koble ch'eeri si ijeesa. Mana isiini keesa bultu deresha iti intolchini yokhaani qaa isiini balbala manatini laaltule duuchi.

¹²Aka isiini mid'aaguma isii d'iira garsiiftu d'owi yokhaani aka isiini nad'eeni d'ibiini woliini oolte woliini haasoftu iti inlakisini.

¹³Nad'eeni akuma barbareeni woya nyaatu wolnyaati.

¹⁴Ch'ubbuuni d'iira dansuma nad'eeni ira goomti; wonti akanatiifi nad'eeni nama ch'eersite gurra nama balleesiti. Aka guddinni Waaqa uumama keesa mullatu

¹⁵Anini amma huji Aabbo Waaqa isani qaabsiise, waan arge ch'ufa isaniti hima. Aabbo Waaqi dubbi ufitini wo uume, uumami ch'ufti jechu isa gula deema.

¹⁶Akuma ifsaani adu waan ch'ufati ifsu guddinni Aabbo Waaqaleeni waan ch'ufa guuta.

¹⁷Aabbo Waaqi malaika isaa qulqulloole jabeenna waan inni tolche ch'ufaani worri himu iti inkennine. Ato inni jabeenna worri nagayaani guddinna isaa keesa tau kenneefile.

¹⁸Inni d'imu baariinitifi waan onne nama keesa jiraale ch'ufa inarga, ammalle waan waan kana lachu keesati d'ossanile imbeekha. Waaqi gubbaa waan dandaani beekhana ch'ufa beekha waan bara ch'ufa hubata.

¹⁹Inni waan dabreefi ka gad'ufale imbeekha; inni waan d'ossa ka nami dandae imbeenne ch'ufa gadi mullisa.

²⁰Inni herega keenna ch'ufa beekhe dubbi teenna ch'ufa d'agaya.

²¹Waan lafa keesati uumani kana ch'ufa aki isiini jirtu aka qaroomi isaa gudda garsiifti; inni haga jiru jireenna sunuma. Atini dandeete woma indartufi yokhaani hagale inhanqiftu; inni gorsa nama tokolee infed'u.

²²Hujini inni hojatu diqooni haga qaanqeleeni waan dansa.

²³Wonti kunini ch'ufti haga jiru jireenna teeti, ch'ufti waan uumanifi qabdi.

²⁴Waan ch'ufa lama lamaani mid'aasani ka kamu woli dudda garaa. Ammo wonti Aabbo Waaqi uume ka qit'e intahini injirtu.

²⁵Wonti ch'ufti wolmale imid'aadu, nami haga jiru mid'aaguma waan Waaqi uume kana arge quufu injira?