Read BORANA BIBLE – KITAABA WAAQA Sira 43 Bible Online

Sira 43 - BORANA BIBLE – KITAABA WAAQA bible

Sira 43

¹Garaani Waaqa qulqullicha dumansi womatu ira inteenne akami mid'aaga! Guddinni gubbaa sunini akami ilaati mid'aaga.

²Aduuni hojja baatu mid'aaguma ufi ta Waaqi guddaani gubbaa uume garsiifti.

³Guyya gudda isiini lafa gossiti nami tokoleeni ka owa isii ka balaliu obsu injiru.

⁴Aduuni hojja d'iitu galchuni isii ibida fiit'e gaareni ira bobau fakaata, yokhaani akuma sibiila ibida keesati diimatu jirti. Kayyoni isii ifsite addeenni isa ila nama duuche.

⁵Aabbo Waaqi ka isi uume gudda. Jecha isaa gula isiini baate d'iiti.

⁶Jiileeni waan mara ayyanatifi ka bara wogaatini beekhani.

⁷Ayyaana jilalle jiani beekhani, addeesa tahe dabre dukanti faani d'ufti.

⁸Jii ch'ufti maqa ufi qaba, baatini yo d'alate guddate jia taatu guddo ilti nama jaalati; inni duula gubbati akheekha tahe biliqe gubba ifsa.

⁹Urjini halkani gubbaa bibilit'e garaa Waaqa mid'aasiti. Isiini faaya Aabbo Waaqa ka gubba bibiliqu.

¹⁰Isiini ka inchochone fulla Waaqi qulqullooni duri naqe ch'iifte, halkani guyya lafa eedi.

¹¹Ule Waaqa laali nama isi uume faarsi! Mid'aagumti isii akami dansa! Isiini akami bibilit'i.

¹²Isiini guube harki Waaqa hid'e ta goorofte mogo lafa tana baate taanti ejite, guddinna Waaqa garsiiftu.

¹³Jecha isaa gula qabanti jabduni lafa qabate, bokeeni jabaani roobe, qorsumaani isaa aka angaasu bibilit'e d'ufte.

¹⁴Gubbaani banamte duumansi aka simpirre babarisa d'ufe.

¹⁵Jabeenna ufitini inni baaldo dumansa d'aabe, dumansa keesa bokaya d'akhaa rooba.

¹⁶Inni dubbannaani mandiisuni lafa chochofte; humniti isaa gaareni rorafte, hojja inni fed'u bubbeeni bitaa d'ufte, hobombolatini kaate karfafuni mirga d'ufte. Inni waan adaadi qabanooftu ligidoftu gubbaa aka simpirre gadi d'abbe, akuma awaanisa lafa qabate.

¹⁸Nu adeenna isii mid'aaga mamne maadefanne aka isiini gadi jiddu laala.

¹⁹Inni aara hurri aka soodda lafati fach'aase, aari sunini qabanae ligidae lafati itite babarate daraara fakaata.

²⁰Inni qilleensa qabanaa mirga d'ufuuni d'ufe, bisaani ligidaani ititani d'akhaa taani; bisaani harootifi ka galaana ligidaani ititani d'akhaa taani, haroofi galaana suni duuchani.

²¹Inni kubile lafa gamooji oola iti buuse gube, buyyoleeni gogode kawifte.

²²Ammo hurrini d'ufte lafa jireesite lafti qabanoofte fit'eesofti.

²³Qalbi ufiitini inni d'awa baariini d'awu d'owe, lafa goddu jiddu kae,

²⁴nami hobolooni deemu gaargala baariinini qabu nuti odeese, nuleeni odu worraa ch'aqamne maadefanne.

²⁵Baariini keesa bineensa mama ka nami imbeenneti jira. Bineensa gugurdafi waan lubbu qaba heddu.

²⁶Ergattuuni Aabbo Waaqa ch'ufti waan erganifi inguuti. Waan ch'ufa dubbi isaati wolti qaba.

²⁷Nu sila dandeenne waan heddu d'ibile jenna, ammo dandeenne muumme imbaamnu. Mari marsi jechi keenna tokotu; Aabbo Waaqi waan ch'ufa.

²⁸Nu irre isaani faarsinu eesa arganna? Inni uumama isaa ch'ufa ira jira.

²⁹Guddinni Aabbo Waaqa waan nama sodaachisa. Jabeenni isaa muumme inqabu nama mamsisa.

³⁰Ato atini haga dandeetu ch'ufa isa faarsitile, aka inni jiru dandeete inhimtu. Ato haga dandeetu iti doote irre tante ch'ufaani isa faarsitele, haga isaa male isa faarsu indandeetu.

³¹Nami tokoleeni isa ingarre, nami tokoleeni aka inni jiru dandae inhimu, nami tokoleeni aka sila isaa male isa faarsu indandau.

³²Waan nami imbeenne hedduti ka d'ossani jira. Nu huji isaa haguma diqa toko ch'alla argine.

³³Aabbo Waaqi waan ch'ufa uume qarooma nama isa jaalatu kenne. Aka guddinni Aabbo Waaqa waan duri tahe keesa mullate