Read BORANA BIBLE – KITAABA WAAQA Sira 44 Bible Online

Sira 44 - BORANA BIBLE – KITAABA WAAQA bible

Sira 44

¹Tanaafi amma koota worra Waaqa jaalatu faarsina, ababoota teenna ta d'aloota dabre,

²worra Aabbo Waaqi guddinna gudda kenneefi ulfeese, ka haguma lafti uumamte guddinni isaa kara worraatini mullate.

³Ka gari lafa fide ka gari irre ufitini gurra baafate. Ka gari qaroomani nama gorse hagi tokoleeni wo fage.

⁴Worra gugurda lafa fiduti jira ka nami jecha worra gula bulu, ammalle hayyoota dubbi murte baaftuti jira, worra soome wo barateti jira ka dubbi qarooma dubbatu, ammalle ka d'ibiti jira ka mammaasani dubbi fit'atu.

⁵Nama sirbaafi faaru baasuti jira.

⁶Ammalle dureyyi jajabduti jira ta nagayaani worra ufi keesa teetu.

⁷Worri kunini ch'ufti jara bara ufi gurra baafate, ka nami gaafasi lafa jiru ch'ufti worra guddise.

⁸Ka gari ato gurra dansa qabu due, arrale biyyiti worra faarsiti.

⁹Ammo ka garititi jira ka nami inqaabanne, ka akuma waan taka ind'alatini jira. Yo worri duu worraafi ilmaani worrale achumaani ded'ani.

¹⁰Ammo nu worra Waaqa jaalatu kana inuma faarsine ka huji worra ta d'ugaa qajeeltu taka nami indeene.

¹¹Gurri worraa dansaani ilmaani worraa didiqoti dabra. Wonti worri d'aalu suni.

¹²D'alooti worraa wold'aqisa Waaqani woliini tolfatani jabeese,

¹³hiddi worraa haguma jiru imbadu.

¹⁴Ato worri due awaalanile gurri worraa haga jiru imbadu.

¹⁵Gochiti waan qarooma worra kana wolti odeesiti ammalle gumiini Waaqaleeni worra faarsiti. Henoko

¹⁶ Henokooni Aabbo Waaqa gammachiimnaani, Waaqi akanumati isa gubbati gara ufi olfuud'e. Duuba akanani d'aloota eege isaa ch'ufa akheekha tahe aka daba ira deebiani. Nuhu

¹⁷ Nuhuni nama d'ugaa qajeela toko, eegi lafti badde, nami lafa keesa jiru ch'ufti isa iraa hore, maro isaatifi eegi fach'ai bisaani fooqate maqa nama lafa keesati tolfate.

¹⁸Aabbo Waaqa wold'aqisa haga jiru jireenna isa woliini tolfate, anini iti deebie lafa bisaanini imballeesu jed'e kakhate. Abrahamu

¹⁹Abrahamuuni nama gochiti hedduuni duri iraa d'ufte; inni nama gurra dansa qabu ka maqaani isaaleeni taka aabo womatu inhoratini.

²⁰Inni Seera Waaqa gubba jabeese, wold'aqisale woliini tolfate ka beesisi isaa nafa isaa iraa mullatu. D'ugefacha isaa ilaalani jennaani aka inni nama d'ugaa qajeela argani.

²¹Tana gula Aabbo Waaqi aka jaba iti kakhate waan jed'eeni, d'alooti kanke eeba lafa ch'ufa taha; worri aka biyye ta nami dandae inhenne taha; gosa d'ibi lafa keesa jirtu ch'ufa ira worra guddisani. Ammalle lafti isaani haguma baariini toko ejite ka d'ibiti ejiti. Galaana Fratiti ejite muumme lafati ejiti. Isaaqofi Yakobo

²² Aabbo Waaqi wold'aqisa duri Abrahamuuni woliini tolfate kaani Isaaqofi Yakobooni woliini tolfate waan jed'e: gochiti ch'ufti d'aloota keesanini eeba argati. Aabbo Waaqi waan Yakobooni jed'e, anini si eebise lafa tana sii keenna. Gosa kud'ani lama ta Israeliti gargari qooda. Musa