Read BORANA BIBLE – KITAABA WAAQA Sira 45 Bible Online

Sira 45 - BORANA BIBLE – KITAABA WAAQA bible

Sira 45

¹ D'aloota Yakobo keesa Aabbo Waaqi nama isa jaalatu toko ka Waaqafi namileeni aka taka woli gale jaalate, d'ale, nami sunini Musa ka qaabachani isa qaabatanileni eeba namaa taatu.

²Aabbo Waaqi akuma malaika isaa isa guddise nyaapa isale isa sodaachise.

³Achi lafa Misiri keesa jecha isaa gula gaargali lafa qabate. Aabbo Waaqi hayyoota isaa saalfachiise, gumi isaale isa d'ageesise, guddinna ufi ka bibiliqule isa garsiise.

⁴Aabbo Waaqi maro saala foko isaatifi gosa ch'ufa keesa Musa fohate eebise qulqulleese.

⁵Ammalle qonqo isaa d'ageesisi dukana sipe keesa isaani deeme, duuba Seera ufi ka jireennafi beekha namaa kennu harka ufitini isaa kenne. Aka Musani akanani aada wold'aqisa worra Israeli barsiisu. Haruni

⁶ Gosa Lawi keesa Aabbo Waaqi nama qulqullo toko ka akuma oboleesa isaa Musa fohate ka Haruni jed'ani.

⁷Duuba inni wold'aqisa haga jiru jireenna isaani woliini tolfate, huji qaalluma iti kenne aka inni gumi Waaqati hojatu. Ammalle inni isa ulfeese woya mimid'aadufi faaya dadansa iti naqe.

⁸Woyafi faayi kunini ch'ufti guddo mid'aaga. Duuba inni woya mimid'aadu isaa kenne aka akanani guddinna isa beekhani: Hid'a booftaatifi, hubarafi hubaara d'eera lafati eju ka qota isaa ch'ufa okhokuni marsani.

⁹Ammalle hagalo worqileeni marsani, aka hojja inni deemu qileesa isii Mana Waaqa keesa d'agayani, akanani Aabbo Waaqi gumi isaa qaabatu.

¹⁰Ammalle inni woya qulqullo ta worqifi liilana buleefi bule diimani ch'okhanifi, ukha qoma ka Urimufi Thumimu keesa naqanifi,

¹¹liilana diima ka hogeesi foefi, d'akhaye ch'uch'ulut'u ta maqa gosa Israeli kud'ani lamaani hogeesi irati qore isaa kenne. D'akhaye suni ch'ufa worqini marsani ukha qomati hod'ani, aka akasini maqa gosa Israeli Aabbo Waaqa qaabsiisani.

¹²Ammalle inni surre worqini ch'okhani ta dubbi inni Aabbo Waaqa qulqullo jettu irati t'aafani isaa kenne, surre suni hogeeyyini aka male ch'ote mid'aasite, akanani nama maratule guddinni ira mullata.

¹³Haruni durati waan akana mimid'aaga kana taka nami inargine. Harunifi d'aloota isaa male nami waan suni keeyate injiru yokhaani ka keeyatuleeni injiru.

¹⁴Mid'aani Waaqa baasani ha guyya ch'ufa maro lama Waaqa baasani gubaniti.

¹⁵Musani d'ad'a qulqullo namaani mudani fuud'e Haruni muude qaallu tolche. Akanani wold'aqisa jiru jireenna isaafi d'aloota isaatini woliini tolfatani aka worri qaalole Aabbo Waaqa tahe maqa Aabbo Waaqatini gumi eebisu.

¹⁶Aabbo Waaqi nama ch'ufa keesa Haruni fohate, aka inni sorio isaa baase, hit'aana urgaa aarse, akasini Aabbo Waaqi gumi ufi qaabate ch'ubbu isaani araaramafi.

¹⁷Inni seera ufi harka Haruniti kenne, jabeenna inni dubbini murufi ka inni worra Israeli Seerani barsiisu kenneefi.

¹⁸ Gaafa toko ka gumiini lafa gamooji keesa jirtu, jari d'iibichi toko Musati dallane waan hamtu iti malate. Jari kunini Dathanafi Abiramufi Korafi goli isaani.

¹⁹Aabbo Waaqi waan worri tahe arginaani aka hama dallane, waan mama tolche ibidaani worra balleese.

²⁰Ammalle inni Haruni waan guddo tolche ulfinna d'ibi kenneefi: Aka mid'aani qara murani ka Waaqa baasani isaafi qaaloleeni nyaate quuftu.

²¹Sagaleeni worraa sorio Aabbo Waaqa baasani; sagale tana Aabbo Waaqati Harunifi d'aloota isaati kenne.

²²Ammo Harunini aka biyya taani d'aala lafa inargatu, ammo d'aalti isaa Aabbo Waaqa. Finehasi

²³Nami gara soda Aabbo Waaqa gula Musafi Haruniti aanu, Finehasi ilma Eleazari, gaafa nami ch'ufti Aabbo Waaqati gargale, Inni obse garaa jabaate, akasini gosa Israeliti araarsaani d'ufe.

²⁴Tanaafi Aabbo Waaqi wold'aqisa haga jiru jireenna isa woliini tolfate aka inni gudda Waaro Woyyumatifi ta gumi isaa tahe ammalle isaafi d'alooti isaaleeni qaallu tahu.

²⁵Waaqi Daudi ilma Yese ka gosa Yuda wold'aqisa woliini tolfate, aka ilmi isaa ch'allaani hayyuma abba ira d'aalu; ammo qaalumti Haruni d'aloota isaa ch'ufati dabarti.

²⁶Amma tana Aabbo Waaqa dansa ka mid'aaguma aka ruufa isani ira kaye faarsa! Inni qarooma atini gumi isaa d'ugaa gulaani qortu sii kenninna, aka jabeenna keetifi hormati worra haga jiru jireenna tau.