Read BORANA BIBLE – KITAABA WAAQA Sira 46 Bible Online

Sira 46 - BORANA BIBLE – KITAABA WAAQA bible

Sira 46

¹Yoshua ilmi Nuni nama janna woraanati. Inni Musani doonaani raagoma ira fuud'e. Inni akuma maqaani isaa jed'u, nama gumi Aabbo Waaqa baasu tahe. Inni nyaapa worra Israeli had'e dabsate, akanani worri Israeli lafa worra fud'ate.

²Gaafa inni harka ufi olqabe duula ufi dura deeme dira suni ch'ufa had'e akami waan d'iiroma tahe!

³Nami tokoleeni isa dura eju dad'abe, wonti akanatiifi inni maro Aabbo Waaqatifi nyaapa suni had'e.

⁴Gaafa inni adu ejachiise guyya toko haga guyya lama d'eerese inqabatani?

⁵Gaafa nyaapi gama ch'ufaa isa marse lubbu naqe inni Aabbo Waaqa gudda, ka gubba jiru kad'annaani, Waaqi kad'acha isaa suni d'agayeefi bokaya jaba d'akhaani roobu ka wo balleesu buuse.

⁶Waan Yoshuani garaa tokooni Aabbo Waaqa gula deeme nyaapa isaa had'eefi Aabbo Waaqi bokaya d'akhaani roobu suni nyaapa suniti roobe kaarra Beth-Horoniti worra balleese; aka akasini gochiti ch'ufti jabeenna Yoshua hubatu. Kalebu

⁷ Haga Musani jiru ch'ufa Yoshuafi Kalebu ilma Yefune garaa tokooni Aabbo Waaqa hojatani. Worri dubbi gumi taani ch'ufa d'aareese, gungumsu worraa ta d'ara ch'allisise worrale ch'ubbu keesa seenu d'owe.

⁸Worra Israeli nama kuma d'ibba jaa ka lafa aloo ta gamooji godaane kute, keesa worra lamaani ch'allati ka induini hafe lafa anaanifi dammi aka lolaa yau ta d'aala worraa kennanini bahe.

⁹Aabbo Waaqi humna jabdu Kalebu kenne, tanaafi inni eegi jaarele lafa gaareni d'aqe had'e dabsate fud'ate, ilmaani isaale d'aala kenne.

¹⁰Duuba akanani worri Israeli ch'ufti aka Waaqa gula deemitini dansa arge. Jaallaboota

¹¹ Duuba eege jaallabootati jira ka kamu huji ufitini gurra baafate, ka taka Aabbo Waaqa lakise waan harkaani boch'ani inkad'atini.

¹²Waaqi gurra worra haga jiru jireenna lafa keesa badu d'owina! Jara nu eebimnuufi kunini ha maqa worraa ilmaani isaani badi d'owartu! Samueli

¹³ Aabbo Waaqi Samueli jaalate raaga tolche; duuba akasini inni finna lafa isaani jabeese, worra isaani hayyoota iti tolche.

¹⁴Inni Seera Aabbo Waaqa gula dubbi gosa Israeli qore, Aabbo Waaqileeni worra Israeliti wonte tahe.

¹⁵Maro Samueli nama d'ugaa qajeela taatefi biyyiti aka raaga d'ugaati isa heregate, maro dubbi isaatifi biyyiti inni nama wohimu jette d'ugefate.

¹⁶Gaafa nyaapi isa gama ch'ufaani isa mudamsiise, inni Aabbo Waaqa gudda yaamate ilmaani hoola sorio baasefi.

¹⁷Jennaani Aabbo Waaqi gubbaa guddo mandie,

¹⁸hayyoota Filisti ta nyaapa worraa ch'ufa balleese.

¹⁹Samuelini duu geennaani inni Aabbo Waaqafi hayyu durati biyyaani waan jed'e aka anini waan biyya taka kobe faanale infud'atini d'ugaa naa taha, nami wonti inni jed'e sunini d'ara jed'u tokole ind'abani.

²⁰Eegi inni duele aka hayyu Saulini duu d'ufe fage, awaaluma suni keesa inni aka raaga dubbate, aka akanani gosa isaa ch'ubbu ira balleesu. Nathani