Read BORANA BIBLE – KITAABA WAAQA Sira 47 Bible Online

Sira 47 - BORANA BIBLE – KITAABA WAAQA bible

Sira 47

¹ Eegi isaa raaga toko ka Nathani jed'aniti bara Daudini lafa fide gabae. Daudi

²Daudini qooda dansa sorio wold'ageeti ka Aabbo Waaqa olkayani fakaata, tanaafi isa gumi Israeli ch'ufa keesa fohatani hayyu tolchani.

³Inni nyeench'aafi goorjama akuma imoole ree tabateeni.

⁴Ato ijoolleetu namicha gudda d'eera haga woi gau toko ijeese akasini gosa ufi lubbu baase. Inni d'akha guluba ufi keesa keeyate Goliathi had'e mata borose kiyyiba iraa kute.

⁵Inni Aabbo Waaqa gudda kad'annaani, irre inni askarticha gurra qabu sunini ijeesu kennanifi, aka akasini gochiti ch'ufti jabeenna gosa isaa argarte sodaatu.

⁶Biyyiti waan inni nama kunki kunki kud'ani fit'eefi isa guddifte gaafa isa muudani hayyu tolchani, Aabbo Waaqati isa fohate jette faarsite.

⁷Inni nyaapa ufi ch'ufa sosse worra Filistile ch'ufa daara baase aka worri haga jiru iti deebie nama ingaargalchine tolche.

⁸Waan tolche ch'ufa keesa Daudini Aabbo Waaqa qulqullo, Waaqa gubbaa faarse galata deebisefi. Ammalle inni Waaqa isa uume garaa ufi ch'ufaani jaalate faarse.

⁹Inni sirbitu waan aka mesa ka sorio irati baasani durati yaame sirba dansa Waaqa sirba jed'eeni.

¹⁰Inni ganna keesa guyya jila tolfachu malani fohate, jila suni ch'ufa mid'aase. Guyya toko ch'ufa Mana Aabbo Waaqa keesati sirbani isa faarsa oolani.

¹¹Aabbo Waaqi ch'ubbu Daudi araaramefi, jabeenna isaatini woliini bula. Inni wold'aqisa isaani woliini tolfate, aka isaafi d'alooti isaaleeni barch'uma ira tae worra Israeli fidu. Solomoni

¹²Daudini ilma isaa qaro toko ka eegi isaa lafa fidu waan ch'ufa isa durati kurfeesafi.

¹³Bara Solomonini lafa fide, woraani ch'ite. Duuba Waaqi lafa isaa moga ch'ufa nagaya tolche, aka inni mana haga jiru jireenna tau Aabbo Waaqa jaaru.

¹⁴Ee Solomoni atini gaafa diqa akami qarooma qabda! Beekhi kanke galaana Nile ka fach'au fakaata.

¹⁵Gurri kanke lafa ch'ufa gahe, mammaasafi himpooni tante lafa ch'ufa keesaa beekhani.

¹⁶Maqaani kanke guddate fulla ch'ufa gahe nami ch'ufti waan atini nagaya lafaani d'ufteefi si jaalate.

¹⁷Gochiti lafa keesa jirtu ch'ufti sirbaafi mammaasafi jecha qarooma ka atini dubbatu si owifti.

¹⁸ Atini qarsifi worqi aka waan isiini saldaqafi. Sibiila qalai qawe taate maqa Aabbo Waaqa Israeliti wolti tuulte.

¹⁹ Ammo wonti si balleese d'araa hamtu nad'eeni ta si hafuursite.

²⁰Gurra keetifi ka d'aloota keeti balleesite. Worri maro daalluma teetitifi gaargala argate lalefate.

²¹ Daaluumti tante sunini gosa tante gargari foote, hayyuuni d'ibiini ka sini morke gosa Israeli ta mirga teetu keesa ga bahe.

²² Ammo Aabbo Waaqi guyya ch'ufa naasu qaba kakhu ufi tokole inch'absu, inni d'aloota Daudi ka inni fohate worri isa jaalate haguma jirule imballeesu. Duuba akanani inni maro worra Israelitifi worra Daudi badi d'owe. Rehoboamufi Yeroboamu

²³Solomonini akuma ababoota isa jaare fulla gae due jennaani, ilmi isaa toko hayyuma iraa d'aale, ilmi sunini Rehoboamuni, nama woma imbeenne ka beekha muyo qabu, ka mali isaa nama wolti gargalchu. Ammalle nama tokoti jira ka Yeroboamu ilma Nebati jed'ani, inni gosa Israeli ta mirga teetu daba keesa buuse.

²⁴Worri inni fide sunini dabe fulla gahe, jennaani boojiani lafa d'ibi geesani.

²⁵Worri ch'ubbu aka aka ch'ufa tolche, suni gula Aabbo Waaqi iti dallane balleese. Eliya