Read BORANA BIBLE – KITAABA WAAQA Sira 48 Bible Online

Sira 48 - BORANA BIBLE – KITAABA WAAQA bible

Sira 48

¹Jennaani raagi toko gadi bahe ka Eliya jed'ani ka aka ibida, ka dubbini isa aka ibida bobeetu.

²Inni oola lafaani d'ufe oola suni lafa keesa badu d'owe akanani nami hedduuni raawate.

³Inni maqa Aabbo Waaqatini bokaya balleese, maro sadile ibida gubba gadi buuse.

⁴Eliya wonti mama ka atini tolchite waan akami! Nami dandae waan akasi ka atini tolchite sunini kooru injira.

⁵Maqa Waaqa gubbaatini atini nama duele kaafte.

⁶Atini hayyu jaba gurra qabu fayya d'owarte ijeefte.

⁷Fulla gaara Sinaiti qonqo Aabbo Waaqa ta si gorsite, anini nyaapa kiyya imballeesa jettu d'ageete.

⁸Atini hayyu toko fohate muude, duuba inni nyaapa banani kaani balleese, nama huji raagoma sira fud'ule tolchite.

⁹Duuba bubbe hobombolati ta ibida fakaatu keesa olsifuud'ani gaari fardi hirkisu ka aka ibida bobauni gubba si geesani.

¹⁰T'aafini waan jettu atini aka guyya Waaqi fohate gadi deebitu kurfo jirta, aka dallansuni Waaqa bobeete nama imballeesine qabaneesitu; aka ammalle abbaafi ijoollele wolti deebifte gosa Israelile ch'ufa jireesitu.

¹¹Nami guyya atini d'uftu argu eeba qaba, akuma nama jaalala keesati raawate, wonti akanatiifi nuleeni inuma jiraanna. Elisha

¹²Gaafa Eliya bubbeeni d'ossite, Elishaani lubbu isaatini guutame. Haga jiru Elishaani hayyoota tokole insodaanne, ammalle nami tokoleeni isa indandau.

¹³Wonti taka isa dabsate injirtu. Eegi inni duele reefi isaa waan mama tolche,

¹⁴gaafa jiruufi eegi duele waan mama guddo tolche.

¹⁵ Ammo ato wonti kunini ch'ufti taatele biyyiti ch'ubbu lakisu didde, jennaani eege lafa isaani keesa worra boojiani lafa ch'ufati gargari firfirsani. Duuba akanani gochiti diqaate, worra ira hafe suni d'aloota Dauditi fide.

¹⁶Gumiini sunini hagi toko Waaqa gammachiifte ammo hagi toko daba lakisu didde halkani guyya tolchite. Hezekia

¹⁷ Hezekiani dira ufi jabeese jaare, bisaanile itini d'ufe, inni sibiilaani waan aka d'uuyyuma ka bisaani gula yaani d'akhaa lafa jala keesati ure harole bisaani suni iti yaani dira keesati qote.

¹⁸ Bara inni lafa fide, Senakaribuni dira suni had'e, namicha gudda isa jala hojatu toko dira Lakishiti erge. Namichi sunini aka male Yerusalemu miid'e, worra durati ufi d'aade,

¹⁹jennaani biyyiti aka hama mudamte hollate lubbuuni d'ufte niiti d'alaa ch'ininfatu fakaate.

²⁰ Ammo worri maro tokotu Aabbo Waaqa qulqullo gubba jiru ka namaa nau kad'annaani inni yoosu kad'acha worraa d'agayeefi harka Isayatini worra nyaapa jala baase.

²¹Aabbo Waaqi duula Ashuru had'e, malaikaani isaa worra lafa iraa sossite.

²²Hezekiani faanuma ababo isaa Daudi bahe, waan Aabbo Waaqa gammachiisa ch'alla tolche, waan inni tahe suni raaga gudda Isaya jed'ani ka nami ch'ufti daayya isaa d'ugefatu tolchi jed'eeni.

²³ Inni adu dudda duuba deebise lubbu hayyule d'eerese.

²⁴Inni worra Yerusalemu ka boulle kibe garaa jabeese lubbuuni isaa jabduni waan taka tana gadi d'ufa isaa garsiifte

²⁵waan d'ossa ka qara intahini ka ato guyyaani muumme ingaini taa fage. Yosia