Read BORANA BIBLE – KITAABA WAAQA Sira 5 Bible Online

Sira 5 - BORANA BIBLE – KITAABA WAAQA bible

Sira 5

¹Beese d'aabate wonti ch'ufti ya naa geete injed'ini.

²Waan garaani kanke fed'u ch'allaa d'arraate gula deemte irre tante iti imballeesini.

³Eennuti nara jabeenna qaba jette inheregini, yo atini akasi herede Aabbo Waaqi si gaargalcha.

⁴ Ato anini ch'ubbu tolchele mani na tolchani injed'ini. Aabbo Waaqi hurree indallanu ato turele woma si tolcha.

⁵Waaqi ch'ubbu tiyya inuma naa araarama jette halkani guyya ch'ubbu intolchini.

⁶Waaqi guddo naasu qaba ch'ubbu tiyya heddu tana ch'ufa naa araarama injed'ini. D'uguma inni inlakisu.

⁷Bori injed'ini guyyuma kana Aabbo Waaqati deebii. Wonti akanatiifi dallansuni isaa tassa sira buute si ijeefti.

⁸Hori kara dabaatini horate ind'aabatini, horini sunini guyya gaargala woma sii imbau. D'ugaa dubbachaafi ufi d'owiti

⁹Waan d'ugefatu ira inchochoini jechalee gara ingalfatini. Nama ch'ufa gammachiisu fed'a jette waan nami jed'u ch'ufa ee injed'ini.

¹¹Aka dubbi nama ch'aqaftu hojja ch'ufa kurfo tai ammo yo marooni tante ta dubbi geetu hariifate indubbatini.

¹²Yo waan jettu beetu ch'alla dubbad'i yo imbeenne afaani qabad'i.

¹³Jechi kanke ulfinnafi yokhaani ch'eerani siti d'ufa, arabi kanke dandae si balleesa.

¹⁴Dubbi jetteetini gurra imbafatini, dubbi garaa nama yakitu inodeesini. Akuma hattu ch'eersani, d'artichalle wollaala hama iti murani.

¹⁵Waan hamtu tokole intolchini ato isiini diqoofi guddole taate.