Read BORANA BIBLE – KITAABA WAAQA Sira 50 Bible Online

Sira 50 - BORANA BIBLE – KITAABA WAAQA bible

Sira 50

¹Qaallichi guddaani Simioni ilma Onia jed'ani, inni oboleyaani isaa ch'ufa mataa ammalle jaba gosa isaa inni Mana Waaqa ka hammaate jabeese jaare,

²girgida lama ka woldubani jaarani yayaba isaa tolche. Mana Waaqale jabeese jaare.

³Gaafa inni huji qaalluma harka qabu haro guddo toko ta haga haro sibiila diima geetu jaarani.

⁴Inni aka gosa isaa nyaapa ira d'owu malate dira isaani aka nyaapi dandae insenne jabeese naaboni jaare.

⁵Yo inni Fulla Fulla Ch'ufa Ira Qulqullo keesa bau inni akami mid'aaga!

⁶Inni akuma bakalcha ganama ka dumansa keesa ifsu yokhaani akuma goobana jira?

⁷Ammalle aduu Mana Aabbo Waaqa guddati ifsitu yokhaani ule Waaqa ta duumansa keesa mid'aaguma isiitini bibilit'u fakaata,

⁸ammalle akuma daraara ganna bau yokhaani liike afaani bisaaniti baatu jira. Ammalle akuma hind'eesa Lebanoni ka adoolesa jira,

⁹yokhaani hit'aana aarsani fakaata, ammalle akuma mudunu worqi ta d'akhaye ch'uch'ulut'uni ch'okhani jira.

¹⁰Akuma ejersa mid'aanini qaarie, yokhaani mukeeni d'ed'eertu dumansi Waaqati ejitu jira.

¹¹Gaafa Simionini hubaara d'eera mid'aaga lafati eju keeyate, aka dansa ch'okhate, mesa qulqullo sorio irati qalani d'aqe, mid'aagumti isaa ch'icha Mana Waaqa bibilisite.

¹²Gaafa qaaloleeni qooda fooni sorio isati kennite, ka inni mesa sorio ka qaaloleeni isa marsite wolti deebitu bira eju inni hind'eesa Lebanoni ka meet'ini marsitu fakaata.

¹³Worri sunini d'aloota Haruni ka woya isaani mimid'aadu naqate, waan Aabbo Waaqa baasani harkati qabatani gumi Israeli dura ejaanjani.

¹⁴Inni huji fulla sorio iti baasani suni hobaase sorio Waaqa abba guddaa ka gubba jiru kurfeese iraa deebie jennaani,

¹⁵Mudunu fuud'e, daad'i d'ibayyu Waaqa gudda hayyu waan ch'ufaati baase, mesa jaalati naqe.

¹⁶Jennaani qaaloleeni lalabde magalata qarsi d'ofte, iyyanna worra suni Aabbo Waaqi guddaleeni d'agaye.

¹⁷Jennaani biyyiti ch'ufti yoosu oriite gadi jejette Aabbo Waaqa Gudda ka gubba jiru kad'ate.

¹⁸Jennaani sirbituni isa faarsite, faaruni sunini aka male tolte.

¹⁹Biyyiti Aabbo Waaqa abba naasu ka gubba jiru kad'ate, haga hujini eeba suni hobaatuti,

²⁰ jennaani Simioni fulla sorio irati baasani taani ira gadi bue. Harka ufi gumi Israeli ch'ufa gubba qabe, maqa Aabbo Waaqatini worra eebise.

²¹Duuba worri maro lameeso gadi jed'e eeba suni fud'ate. Eeba

²²Amma tana Waaqa waan ch'ufa uume ka fulla ch'ufati waan mama tolche ka haga nu d'alanne nu guddise naasu ufi nu garsiise faarsa!

²³Inni gammada nuu kenne nagayaani lafa Israeli keesa haga nu jiru nu teesisinna.

²⁴Inni hojja ch'ufa akasuma nuu nahe gaargala keenna keesa nu baasinna. Gosa sadi ta jibbani

²⁵Gosa lamati jira ta anini lafa jibbu ta sadeeso isiinu waan gosale jechule malaniniti.

²⁶Gochiti tunini toko Edomu, taani Filisti, ta sadeeso gosa raatiti Samaria. Qarooma Yoshua ilma Sira

²⁷Anini Yoshuani ilmi Sira ka ilma Eleazari ka worra Yerusalemu qarooma kiyya ch'ufa kitaaba kana keesati t'aafe aka nami ch'ufti wo barate hubacha argatu.

²⁸Waaqi nama waan kana barate ch'ufa eebisinna, nami waan kana garaati qabatu ch'ufti qaro taha.

²⁹Nami jecha kana guute keesati bula waan ch'ufati injabaata; wonti akanatiifi ifsa Aabbo Waaqati isaa ifsa. Faaru galataani debisani