Read BORANA BIBLE – KITAABA WAAQA Sira 51 Bible Online

Sira 51 - BORANA BIBLE – KITAABA WAAQA bible

Sira 51

¹Ee Aabbo Waaqa, hayyicha kiyya, anini galata sii deebisa, maro atini Waaqafi baafama kiyyaatifi si faarsa.

²Waan atini na qarqaarte na tissite lubbu jala na baafte, dubbi kiyyibaatifi ta yakalle dura na baafteefile.

³Nami ch'ufti na lakise jennaani atini na qarqaarte naasu tante guddooni, gaargala anini qabu ch'ufa keesa na baafte. Nyaapa kiyya ka lafa na jibbe ila nati baase ijeecha nati d'ufu, ch'ufa duraa na baafte;

⁴ibida anini imbobeesini ka aari isaa ukamse lubbu na naqe keesaa na baafte.

⁵Atini dualle keesaa na baafte, dubbi hamtu nani yakani ta hayyutini na geesanile dura na baafte.

⁶Gaafa toko nyaapi gama ch'ufaani na marse, lubbuuni na d'ufte diquma induini, jennaani, nama qarqaaru fed'ad'e ammo tokole d'abe.

⁸Ammo hojja suni ee Aabbo Waaqa anini aka atini abba naasu ka haguma duriiti na qarqaarte, nama si d'aabatule lubbu baafte harka nyaapa isaani keesa baafte qabad'e.

⁹Duuba anini ka lafa tana ira jiru si kad'ad'e, lubbu na baasi sini jed'e.

¹⁰Ammalle si kad'ad'e waan jed'e, Ee Aabbo Waaqa hojja anini harka nyaapa kiyya ka nati tabatu keesa seene qarqaarsa d'abe gaargala akasiti na illakisini.

¹¹Anini hojja ch'ufa si faarse, faaruni galata si deebisa, atini kad'acha tiyya naa d'ageete,

¹²badii na qabate keesa na baafte. Tanaafi amma anini sii faarse galata sii galcha. Ee Aabbo Waaqa anini si faarsa! Aka qarooma barbaadani

¹³Anini ato kaimatu ka taka imaltule indeemini, afaani guutad'e qarooma Waaqa kad'ad'e.

¹⁴Anini Mana Waaqa d'aqe isa barbaade, ammalle haguma jiru isa barbaade.

¹⁵Anini haga jabeenna kaimoma ma qabufi arri jaarumaleeni isa maache. Anini haguma d'alad'e qajeeleti dandi isa gula deeme.

¹⁶Anini qarooma akuma ch'aqaseeni argad'e, aka taka inargini ira wo barad'e.

¹⁷Anini hojja ch'ufa namuma wobaratu nama na barsiisele ch'ufa galata galcha.

¹⁸Anini aka qaroo tau kutad'e, waan dansa ch'alla jaalad'e gula deeme. Anini waan kana ira diqole gaabu inqabu.

¹⁹Anini qalbi tiyya ch'ufaani qarooma barbaade amala kiyyale mid'aafad'e. Anini Waaqa kad'annaani aka qaroomi kiyya diqa ufi arge.

²⁰Anini aka isa argad'u garaa kutad'e, ch'ubbu ufi iraa d'owaraani isa argad'e. Anini qarooma argannaani wolumaani guddad'e, isa malele anini oole imbulu.

²¹Anini maro guddo qarooma barbaade iti bau fed'eefi guddisani naa kennani.

²²Aabbo Waaqi araba qajeela naa kenninaani anini sunumani isa faarse.

²³Isani nami wo barachu fed'u ch'ufti fulla tiyya koota wobarad'a.

²⁴Isani maanifi ka aka woma imbeenne ufi agartani ufuma ufi bira ch'iiftani?

²⁵Wonti anini jed'u tana: Qarooma horini imbitani akanumati argatani,

²⁶yo wo barachu feetani mata ingudifatini wobarad'a, wonti atini fed'atu sira fago injirtu.

²⁷Me isanu ilaala anini guddole iti gaargale wo imbaranne, ammo guddo iraa quufe.

²⁸Ato aka qarooma argatu beese guddo baaftele wonti sunini ishi inqabdu.

²⁹Naasu Aabbo Waaqati gammadaa galata deebisa, ammalle yo isa faarsitani inch'eerina.

³⁰Huji teesani hojja tolchu malani tolcha, duuba Aabbo Waaqi hojja isaa fakaatu waan isanii male isanii keenna.