Read BORANA BIBLE – KITAABA WAAQA Sira 6 Bible Online

Sira 6 - BORANA BIBLE – KITAABA WAAQA bible

Sira 6

¹Ammalle fulla nyaapa taatu jaala namaa tahi. Maqaani hamaani ch'eera, ch'ubbicha d'articha malleeni, siti d'ufa.

²D'araani tante si imballeesini ufi eegad'i, yo akasi taate hegeri aka kormi looni dute wo balleesu lubbu tante balleesiti,

³akuma mukha gogeesa hobeensaafi mid'aanile inqamne taata.

⁴D'araani hamtuni si balleesite nyaapa kanke si kofalchiifti. Jaalooma

⁵Yo atini ch'eera foko qabaate, nama hedduti jaala sii taha.

⁶Nama heddu nagaya fuud'i, ammo nama kuma toko keesa toko ch'alla gorsa ira fud'ad'i.

⁷Yo nama jaala tolfate hariifate ind'ugefatini ammo duratu waan isaa hubad'u.

⁸Nami gari hojuma wo sira fed'u ch'alla jaala sii taha. Ammo yo gaargali siqabatu si bira inejju,

⁹ka garileeni dubbi keesa wold'abdani, duuba d'aqe nama d'ibiti si odeese aka hama si ch'eersa.

¹⁰Nama gari haguma atini wo qabdu ch'alla nyaatani woliini d'uddani; nami akasi sunini akuma gaandidu teeti si gula mare hojatu teetile hojachiisa, ammo yo gaargali d'ufu sibira inejju, lafa si buusa.

¹²Yo gaargali haga qarale ira siti guddate, worri siti gargala, deebite lafati ingartu.

¹³Nyaapa kanke hanqad'i, jaallowani teetile ufira tissi.

¹⁴Jaali dansaani wonte sii taha; jaala akasi yo argate ya waan dansaani baate.

¹⁵Wonti jaala akasi suni ch'aala injirtu, dansuma isaa wonti wolbira qabanini injirtu.

¹⁶Jaali dansaani qorsa si fayyisu fakaata, namuma Aabbo Waaqa sodaatu ch'allati jaala akana kana argata.

¹⁷Nami jaala dansa namaa tau, nama Aabbo Waaqa sodaatu, wonti akanatiifi inni akuma ufi jaalatu jaala sunile jaalate. Aka qarooma ira wo baratani

¹⁸Ilma kiyya ato kaimatu qarooma fohad'i gula bai; duuba hojja jaartele ituma baata.

¹⁹ Akuma abbaani oobru oobru ufi iti jabaate qote fach'aasu jabaad'i qarooma barbaadi; yo akasi taate akuma inni mid'aani guddo galfatu atinileeni qarooma gudda argata. Inhifatani iti jabaad'i qarooma barbaadi, duuba iruma wo argata.

²⁰Nama wo imbaratini, wonti qaroomi iraa fed'u guddo iti jajabaati, ammalle inni aka waan qaroomi iraa fed'u suni argatu iti jabaate imbarbaadu.

²¹Wonti inni worra ira fed'u, baa ulfo worri baachu indandeenne worraati taate, worri yoosu lafa buuse bira yaa.

²²Wo barachaani waan d'ibiiniti woma baracha, duuba nami hedduuni dandae ufini wo imbaratu.

²³Ilma kiyya na ch'aqasi gorsa kiyya fud'ad'i.

²⁴Sansalata qarooma miila keetiti keeyad'i qaampara isaa mormati keeyad'i.

²⁵Ammalle gurmuuti baad'i, duuba isumati si qaba injibbini.

²⁶Qarooma gula deemi garaa tokooni kara isa ch'ufa jabeesi.

²⁷Deemi barbaadi ininu ufiti si mullisa. Harka si imbahini jabeesi qabi.

²⁸Duuba inni hafuura si baase si boqochise, gammada sii taha.

²⁹Sansalati atini keeyatu akheekha hayyuma sii taha. Sansalati isaa sunini wonte sii tahe, ammalle atini qaampara isaa akuma woya mimid'aadu keeyata.

³¹Ammalle atini qarooma akuma ruufa mid'aadu marata.

³²Ilma kiyya atini yo feete wo barata yo d'uguma iti jabaate qalbi horata.

³³Yo wo ch'aqasu feete, wo barateti qaro taata.

³⁴Gaadisa jaarsa d'aqi jaarsa qaro barbaadi biruma tai.

³⁵Hojja nami aada Waaqa beekhu dubbatu bira tai ch'aqasi ammalle mammaasi tokoleeni si jala imbaafatini.

³⁶Yo atini nama wo beekhu agarte diirama ch'ufa iti ganafad'i balbala isaa keesa eji ch'icha isaa faana teetini sigisi.

³⁷ Seera Aabbo Waaqa halkani guyya soomi waan isaa heregi. Isati qalbiifi qarooma atini barbaadu sii keenna. Gorsa aka aka