Read BORANA BIBLE – KITAABA WAAQA Sira 7 Bible Online

Sira 7 - BORANA BIBLE – KITAABA WAAQA bible

Sira 7

¹Yo atini waan hamtu intolchine wonti hamtuni siti ind'uftu.

³Lafa qote mid'aani dabaa ch'ubbu iti infach'aasini; hegeri waan hagasile ira hamtu argata.

⁴Guddinna Aabbo Waaqa ira imbarbaadini yokhaani hayyu fulla ulfinna inkad'atini.

⁵Aabbo Waaqa sosobde nama d'ugaa ufini injed'ini, yokhaani hayyu durati qarooma kanke ingarsisini.

⁶Jaallaba taiti ind'araini, yo atini nama jaba waan daba hamtu lafa keesa balleesu taatu male. Yo atini namuma irre qabu ch'alla d'uga murtu deebiani si ind'ugefatani.

⁷Biyya biyye ch'ufati inch'ubbamini yokhaani nama arda keetilee durati gurra ufi iyakini.

⁸Wollaala qara tolchite iti deebite intolchini, wollaali qara siti muranu ingaa.

⁹Waaqi guddaani arjooma kiyya ka qara laale waan anini isaa baasu kana infud'ata jette inheregatini.

¹⁰Kad'acha Waaqa kad'atu indad'abini yokhaani hiyyeesa wo kenniti inlakisini.

¹¹Nama ch'eersani inkoblini, nami nama diqeesu Aabbo Waaqa ammo ka guddisuleeni isuma.

¹²Dubbi kiyyiba ta jaalani teetini yakitu imalaatini.

¹³Qulqulluma kiyyiba hanqad'i, kiyyibi diqole woma imid'aasu.

¹⁴Kora jaarsa keesati lafa kaate dubbi aka injire indubbatini, ammalle yo Waaqa kad'atule dubbi qara jette ira indeebini.

¹⁵Huji oobrutifi huji jajabdu d'ibile injibbini hojad'i; huji akana tana Aabbo Waaqa guddaati nuu kenne.

¹⁶Gumi ch'ubbu hojatu wolti daramtani goli intahiniifi; qaabad'i dallansuni Aabbo Waaqa waan oolatiniti inuma d'ufti.

¹⁷Guddisi ufi diqeesi wonti akanatiifi nami ch'ufti yo duu shame raamaa. Aka namani woli d'agayani

¹⁸Beese jette jaala kanke ingurgurini, yokhaani jaala kanke jaba worqi lafa keesa jirtu ch'ufaleeti ingurgurini.

¹⁹Yo intala qaro dansa sii halkuma agarte, inlakisini fuud'i. Niitini dansaani worqile ira jirti.

²⁰Nama aka dansaa sii hojatu dabsite inarabsini; yokhaani nama kiraani sii hojatule indabsini.

²¹ Akuma ufi jaalatu hojatu qaro jaalad'i, balchooma ind'owini.

²²Yo looni qabate jabeesi qorqorad'i, yo isaani wo sii baani ingurgurini.

²³Yo ilmaani d'iira qabaate wo barsiisi, ato isiini didiqootu adaba dansa barsiisi.

²⁴Yo ilmaani dubra qabaate haga fuud'aniti jabeesi qorqorad'i, ammalle waan isiini feetu ch'ufa kenniteefi guddisa iyakini.

²⁵Hojja atini dubra ufira gurgurte atini ya waan dansa taate, ammo nama wo beekhuti gurguri.

²⁶Yo niiti dansaa qabaate ufi jalaa imbaasini, ammo niiti atini injaalanne ufiti ind'ugefatini.

²⁷Guddisi haga dandeetu ch'ufa abbeeti saalfad'i, ammalle aka haate gaargalte si d'alte qaabad'i.

²⁸Qaabad'i worrumati si d'ale, gatini guddisa ta atini dandeete worraa baaftu maani?

²⁹Garaa kanke ch'ufaani Aabbo Waaqa sodaad'i qaalole isaati saalfad'i.

³⁰Waaqa si uume guddisi jaalad'i, worra isa hojatule jabeesi qarqaari.

³¹Aabbo Waaqa sodaad'i qaallu isaale saalfad'i. Akuma Waaqi sini jed'e, qooda atini worra baasu malte baasi: Mid'aani qara murateefi sorio dabaani ufira baaftuufi, fooni balleensu ka atini sorio baaftule, ammalle waan ch'ufa ka sorio jed'ani baasani.

³²Harka keetini hiyyeesa wo kenni, duuba Aabbo Waaqileeni eeba qit'ee si kenna.

³³Arja tai nama lafa keesa jiru ch'ufa nahi, ka duele qaabad'i.

³⁴Nama nami ira due nahi yo inni bohule woliini boha.

³⁵Fulla nama fayya inqamne d'aqiiti inrinch'ich'ini, yo huji akasi suni tolchite si jaalatani.

³⁶Ato waan feetule tolchite aka guyya toko dootu qaabad'i. Yo herega akasi suni qabaate daba intolchitu. Waan nami ufumani beekhu male